‘రాంబో’రీమేక్ లో ప్రభాస్?
ఈ ఐకానిక్ పాత్ర, ప్రపంచ వ్యాప్తంగా విశేష ఆదరణ సొంతం చేసుకుంది. ఇప్పటికే నాలుగు భాగాలుగా రిలీజ్ అయిన ఈ హాలీవుడ్ సీరీస్ త్వరలో ఇండియన్ స్క్రీన్ మీద సందడి చేయనుంది. బాలీవుడ్ దర్శకుడు సిద్దార్థ్ ఆనంద్, రాంబో సినిమాను హిందీలో రీమేక్ చేయడానికి రెడీ అవుతున్నాడు.
Followహాలీవుడ్ యాక్షన్ స్టార్ సిల్వస్టర్ స్టాలోన్ కెరీర్ లో సూపర్‌ హిట్‌ చిత్రం ‘రాంబో’. ఈ సినిమా పూర్తి యాక్షన్ తో నడుస్తుంది. రాంబో పాత్రను సినీ అభిమానులకు ప్రత్యేకంగా పరిచయం చేయాల్సిన అవసరం లేదు. ఈ ఐకానిక్ పాత్ర, ప్రపంచ వ్యాప్తంగా విశేష ఆదరణ సొంతం చేసుకుంది. ఇప్పటికే నాలుగు భాగాలుగా రిలీజ్ అయిన ఈ హాలీవుడ్ సీరీస్ త్వరలో ఇండియన్ స్క్రీన్ మీద సందడి చేయనుంది. బాలీవుడ్ దర్శకుడు సిద్దార్థ్ ఆనంద్, రాంబో సినిమాను హిందీలో రీమేక్ చేయడానికి రెడీ అవుతున్నాడు.
ఇప్పటికే రాంబో సినిమా రీమేక్ రైట్స్ సొంతం చేసుకున్న సిద్దార్థ్, ఇండియన్ వర్షన్కు కావాల్సిన మార్పులు చేసే పనిలో ఉన్నాడు. అయితే ఇప్పటి వరకు ఈ రీమేక్లో హీరోగా ఎవరు నటిస్తారన్న విషయంలో ఎలాంటి ప్రకటన చేయలేదు. తాజా సమాచారం ప్రకారం ప్రభాస్ ఈ సినిమాలో హీరోగా నటించడానికి అంగీకరించే అవకాశం ఉంది.
ప్రభాస్ వరసగా ప్యాన్ ఇండియా సినిమాలు చేస్తున్న నేపధ్యంలో ఈ సినిమా ఆయనతో చేస్తే మంచి మార్కెట్ అవుతుందని భావిస్తున్నారు. ఈ మేరకు చర్చలు జరుగుతున్నాయి. అయితే ఈ ‘రాంబో’ రీమేక్ కు మొదట ఆప్షన్ ..ప్రభాస్ కాదు.
వివరాల్లోకి వెళితే... ‘రాంబో’ రీమేక్ ని కండలు తిరిగిన యంగ్‌ హీరో టైగర్‌ ష్రాఫ్‌తో హిందీలో రీమేక్ చేయాలనుకున్నారు హిందీ దర్శకుడు సిద్ధార్థ్ ఆనంద్. ఈ మేరకు మూడేళ్ల క్రితం అఫీషియల్ గా ప్రకటన కూడా చేసారు. అంతేకాదు సినిమాకు సంబంధించి పోస్టర్ సైతం సోషల్ మీడియాలో హల్‌ చల్‌ చేసింది. టైగర్‌ ష్రాఫ్‌ - హృతిక్‌ రోషన్‌ కలిసి నటించిన ‘వార్‌’ చిత్రం తర్వాత చిత్రాన్ని పట్టాలెక్కించాలని సిద్ధార్థ్ ఆనంద్ భావించాడట. అయితే ఈ చిత్రాన్ని సిద్ధార్థ్ ఆనంద్ డైరెక్ట్‌ చేయడంలేదని ప్రకటన విడుదల చేశారు.
అయితే టైగర్‌ ‘రాంబో’ కోసం కాల్షీట్స్ ని సర్దుబాటు చేయడం లేదట. దాంతో ‘బాహుబలి’ హీరో ప్రభాస్‌ని ‘రాంబో’ సినిమా కోసం దర్శకుడు సిద్ధార్థ్ సంప్రదించాడట. కథతో పాటు వారు చెప్పిన కాన్సెప్ట్ ప్రభాస్‌కి నచ్చిందట. త్వరలోనే రాంబో రీమేక్ పై అధికారిక ప్రకటన చేసే అవకాశం ఉంది. అన్ని సెట్ అయితే 2022 లో ‘రాంబో’ సినిమా సెట్స్‌ మీదకు వెళ్లనుంది. ‘రాంబో’ గురించి మరిన్ని విషయాలు తెలియాలంటే మరికొన్నాళ్లు వేచి చూడాల్సిందే.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
![Jallikattu: Fierce Bull Taming Competition in [Location Name]](https://static-gi.asianetnews.com/images/external/image-9de2a7fa-2f0d-46c8-96ef-845e864a92dc_180x120xt.jpg "Jallikattu: Fierce Bull Taming Competition in [Location Name]")
