Follow Us "Asianet Image")
12వ తరగతి పబ్లిక్ పరీక్షల్లో 600కి 599 మార్కులు తెచ్చుకున్న దిండుక్కల్‌కి చెందిన విద్యార్థిని ఓవియాంజలికి దళపతి విజయ్ వజ్రాల కమ్మలు బహుమతిగా ఇచ్చారు.
నీట్ మాత్రమే ప్రపంచం కాదు - విజయ్
10, 12వ తరగతుల్లో మంచి మార్కులు తెచ్చుకున్న విద్యార్థులకు TVK పార్టీ తరపున అవార్డులు ఇచ్చే కార్యక్రమాన్ని దళపతి విజయ్ మహాబలిపురంలో నిర్వహించారు. మొదటి విడతగా 88 నియోజకవర్గాలకు చెందిన 600 మంది విద్యార్థులకు అవార్డులు అందించారు. ఈ కార్యక్రమంలో TVK అధ్యక్షుడు విజయ్ మాట్లాడుతూ, “ఒక చదువుకే ప్రాధాన్యత ఇచ్చి, అందులోనే సాధించాలనే ఒత్తిడి అవసరం లేదు. నీట్ మాత్రమే ప్రపంచమా? నీట్‌ని దాటి కూడా ప్రపంచం ఉంది. అందులో నేర్చుకోవాల్సిన విషయాలు చాలా ఉన్నాయి.
అవినీతిపరులని కాకుండా మంచి వాళ్ళని ఎన్నుకోండి - విజయ్ సలహా
మీరందరూ ప్రజాస్వామ్యాన్ని సరిగ్గా ఉపయోగించుకోండి. అది చాలా సింపుల్. ఇప్పటివరకు అవినీతికి పాల్పడని నమ్మకమైన వ్యక్తులనే ఎన్నుకోండి. ఓటుకి డబ్బులు తీసుకోకండి. ఆ సంస్కృతిని ప్రోత్సాహించకండి. వచ్చే ఏడాది లారీల కొద్దీ డబ్బులు తెచ్చి పోస్తారు. అది మీ దగ్గర దోచుకున్న డబ్బే. దాన్ని ఏం చేయాలో మీకు బాగా తెలుసు. మీ పిల్లల మీద ఎలాంటి ఒత్తిడి పెట్టకండి. వాళ్ళకి ఏం ఇష్టమో తెలుసుకుని ముందుకు నడిపించండి.
కులం, మతాన్ని పక్కన పెట్టండి
Related Articles
విభజన రాజకీయాల వైపు వెళ్ళకండి. సూర్యుడి వెలుతురులో, వర్షంలో కులం ఉందా? రైతులు కులం, మతం చూసి విత్తుతారా? మత్తు పదార్థాలని దూరం పెట్టినట్టే కులం, మతాన్ని కూడా పక్కన పెట్టండి. తండ్రి పెరియార్‌కే కులం రంగు పూయడానికి ప్రయత్నిస్తున్నారు. కేంద్ర సివిల్ సర్వీస్ పరీక్షల్లో కులం గురించి ప్రశ్నలు అడుగుతున్నారు. దీన్ని నేను తీవ్రంగా ఖండిస్తున్నాను. ఈ ప్రపంచంలో ఏది సరైనది, ఏది తప్పో ఆలోచిస్తే చాలు బాగా బతకొచ్చు. వృత్తిపరంగా, సైన్స్ పరంగా ఆలోచించండి. AI ప్రపంచాన్ని ఎదుర్కోవడానికి అదొక్కటే మార్గం” అని విజయ్ అన్నారు.
విద్యార్థినికి వజ్రాల కమ్మలు ఇచ్చిన విజయ్
తర్వాత అవార్డుల ప్రదానం మొదలైంది. దిండుక్కల్‌కి చెందిన ఓవియాంజలి అనే విద్యార్థిని 12వ తరగతిలో 600కి 599 మార్కులు తెచ్చుకోవడంతో ఆమెకు వజ్రాల కమ్మలు, ప్రశంసా పత్రం అందజేసి విజయ్ ఫోటో దిగారు. ఆ తర్వాత అరియలూరుకు చెందిన సోఫియా అనే విద్యార్థిని 500కి 499 మార్కులు తెచ్చుకోవడంతో ఆమెకు కూడా వజ్రాల కమ్మలు బహుమతిగా ఇచ్చారు.
