యాంకర్ రవి హీరోగా సినిమా.. ఇది మా ప్రేమ కథ
- యాంకర్ రవి హీరోగా సినిమా
- హీరోగా మారనున్న యాంకర్ రవి
- ఇది మా ప్రేమ కథ అనే టైటిల్ తో చిత్రం
స్టార్ హీరోలకు ఏమాత్రం తీసిపోని స్టైలిష్ లుక్స్, మేనరిజమ్స్ తో బుల్లితెర ప్రేక్షకులను గత కొంతకాలంగా విశేషంగా అలరిస్తున్న రవి అలియాస్ యాంకర్ రవి అతి త్వరలో వెండితెరపై కథానాయకుడిగా పరిచయం కానున్నాడు. మత్స్య క్రియేషన్స్ పతాకంపై యువ ప్రతిభాశాలి అయోధ్య కార్తీక్ దర్శకుడిగా పరిచయమవుతూ తెరకెక్కిస్తున్న ఓ ఫీల్ గుడ్ లవ్ ఎంటర్ టైనర్ ద్వారా యాంకర్ రవి హీరోగా ఇంట్రడ్యూస్ అవుతున్నాడు.
"ఇది మా ప్రేమ కథ" అనే టైటిల్ నిర్ణయించబడిన ఈ చిత్రానికి "1>99" (1 ఈజ్ గ్రేటర్ దేన్ 99) అనేది ట్యాగ్ లైన్. కార్తీక్ కొడకండ్ల సంగీత సారధ్యం వహిస్తున్న ఈ చిత్రం షూటింగ్ మొత్తం పూర్తి చేసుకొని ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటోంది. రవి సరసన ఇద్దరు అందాల భామలు నటించిన ఈ చిత్రాన్ని వేసవి కానుకగా ఏప్రిల్ లో విడుదల చేసేందుకు సన్నాహాలు చేస్తున్నారు. ఈ చిత్రంలోని రవి ఫస్ట్ లుక్ ను ఓ ప్రముఖ సెలబ్రిటీ ఆన్ లైన్ లో విడుదల చేస్తారు.
ఈ చిత్రానికి పబ్లిసిటీ డిజైన్స్: ఓంకార్ కడియం, పాటలు: దినేష్ (నాని), సినిమాటోగ్రఫీ: మోహన్ రెడ్డి, సహనిర్మాత: పి.ఎల్.కె.రెడ్డి, నిర్మాణం: మత్స్య క్రియేషన్స్, దర్శకత్వం: అయోధ్య కార్తీక్!!
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
