Asianet News TeluguAsianet News Telugu

`బిగ్‌బాస్‌5`లోకి టిక్‌టాక్‌ స్టార్‌ దుర్గారావు ఎంట్రీ ?

టిక్‌ టాక్‌తో పాపులర్‌ అయ్యారు దుర్గారావు. ఇప్పుడాయన్ని టిక్‌ టాక్‌ స్టార్‌ దుర్గారావు అని పిలుస్తున్నారంటే ఆయన ఎంతగా పాపులారిటీని తీసుకొచ్చిందో అర్థం చేసుకోవచ్చు. వరుసగా ఇంటర్వ్యూలు, టీవీ షోస్‌లో సందడి చేస్తున్నారు దుర్గారావు జోడి. ఇటీవల రవితేజ నటించిన `క్రాక్‌` చిత్రంలో కాసేపు మెరిశాడు దుర్గారావు, 

tiktok star dhurgarao selected in biggboss5 ? arj
Author
Hyderabad, First Published Feb 9, 2021, 5:03 PM IST

టిక్‌ టాక్‌తో పాపులర్‌ అయ్యారు దుర్గారావు. ఇప్పుడాయన్ని టిక్‌ టాక్‌ స్టార్‌ దుర్గారావు అని పిలుస్తున్నారంటే ఆయన ఎంతగా పాపులారిటీని తీసుకొచ్చిందో అర్థం చేసుకోవచ్చు. వరుసగా ఇంటర్వ్యూలు, టీవీ షోస్‌లో సందడి చేస్తున్నారు దుర్గారావు జోడి. ఇటీవల రవితేజ నటించిన `క్రాక్‌` చిత్రంలో కాసేపు మెరిశాడు దుర్గారావు, దీంతోపాటు ఈ నెల 12న విడుదల కాబోతున్న `ఎఫ్‌సియుకే` చిత్రంలోనూ చిన్న పాత్రలో కనిపించనున్నారు. ఇటీవల ఈ చిత్ర ప్రీ రిలీజ్‌ ఈవెంట్‌లో స్టేజ్‌పై సందడి చేశారు. జగపతిబాబు చేత ప్రశంసలందుకున్నారు. 

తాజాగా మరో బంపర్‌ ఆఫర్‌ దుర్గారావుని వరించినట్టు తెలుస్తుంది. ఆయన ఈ ఏడాది నిర్వహించే పాపులర్‌ రియాలిటీ షో `బిగ్‌బాస్‌`లో ఛాన్స్ కొట్టేసినట్టు తెలుస్తుంది. నిజానికి గత సీజన్‌లోనే దుర్గారావు పేరు వినిపించింది. కానీ ఐదో సీజన్‌లో ఆయన్ని ఎంపిక చేయాలని నిర్వహకులు భావిస్తున్నారట. ప్రస్తుతం ఈ వార్త సోషల్‌ మీడియాలో విడిపిస్తుంది. ఇదే నిజమైతే టిక్‌ టాక్‌ స్టార్‌ దుర్గారావు నిజంగానే పెద్ద స్టార్‌ అయిపోతారని చెప్పడంలో అతిశయోక్తి లేదు. బిగ్‌బాస్‌ 5లో కంటెస్టెంట్‌గా ఎంపికైతే అందరి దృష్టిలో పడతాడని చెప్పొచ్చు. మరోవైపు ఈ ఐదో సీజన్‌కి యూట్యూబ్‌ స్టార్‌ షణ్ముఖ్‌ జశ్వంత్‌, యాంకర్‌ రవి, హాస్యనటుడు హైపర్‌ ఆది పేర్లు వినిపిస్తున్నాయి. దుర్గారావు తన భార్యతో కలిసి పలు అలనాటి పాటలకు డాన్స్ లు వేసి టిక్‌టాక్‌లో పాపులర్‌ అయిన విషయం తెలిసందే. 

Follow Us:
Download App:
  • android
  • ios