ఓజీ మూవీ 1950ల బ్యాక్‍డ్రాప్‍లో రూపొందుతోందని టాక్ . ఆ కాలంలోని పెద్ద గ్యాంగ్‍స్టర్ పాత్రలో పవన్ నటిస్తున్నారని తెలుస్తోంది. 


యంగ్ డైరక్టర్ సుజీత్ దర్శకత్వంలో రూపొందుతున్న   యాక్షన్ థ్రిల్లర్ #OG మూవీలో గ్యాంగ్‍స్టర్‌ పాత్రను పవన్ పోషిస్తున్న సంగతి తెలిసిందే. దీంతో అభిమానుల్లో చాలా ఇంట్రస్ట్ నెలకొని ఉంది. ఈ మూవీ షూటింగ్ శర వేగంగా సాగుతోంది. #OG లో పవర్ స్టార్‌ను గ్యాంగ్‍స్టర్ అవతార్‌లో చూడాలని ఫ్యాన్స్ తహతహలాడుతున్నారు. కాగా, ఈ మూవీ గురించి క్రమంగా అప్‍డేట్లు, లీక్‍లు వస్తున్నాయి. ఈ క్రమంలో తాజాగా ఓజీ సినిమా గురించి ఆసక్తికర సమాచారం బయటికి వచ్చింది.

#OG ప్రారంభం నాటికి వరుస సినిమాలు, రాజకీయ యాత్రలతో పవర్‌స్టార్ పవన్ కల్యాణ్ ఫుల్ బిజీగా ఉన్న సంగతి  తెలిసిందే. దాంతో లిమిటెడ్ డేస్ లో ఈ సినిమాని ఫినిష్ చేయాలనుకున్నారు. దాంతో పవన్ పాత్ర చాలా చిన్నదిగా ఉండేలా డిజైన్ చేసారు. అయితే ఇప్పుడు బ్రో రిలీజై రిజల్ట్ వచ్చాక పవన్ డెసిషన్స్ లో చాలా మార్పులు వచ్చాయని తెలుస్తోంది. అలా హడావిడిగా ప్రాజెక్టులు చేయటం వలన ఫలితం లేదని తన టీమ్ తో ఆలోచించి ..#OG చిత్రానికి ఎక్కువ డేట్స్ కేటాయించారు. దాంతో దర్శకుడు సుజీత్ ఊపిరి పీల్చుకుని స్క్రిప్టుపై కూర్చుని మొత్తం మార్పులు చేసారని వినికిడి. ఇప్పుడు స్క్రిప్టు  డైనమిక్స్ మొత్తం మారిపోయాయి. పవన్ పాత్రను తిరగ రాసారు. కొత్త యాక్షన్ ఎపిసోడ్స్ ,సాంగ్ లతో పక్కా కమర్షియల్ స్క్రిప్టు పవన్ అభిమానులు పండగ చేసుకునేలా రూపొందుతోందని తెలుస్తోంది. ఇది పవన్ అభిమానులకు శుభవార్తే. 

 పవన్ కూడా ఈ సినిమాని బాగా నమ్మి చేస్తున్నారు. అందుకు సాక్షం ఎక్కువ డేట్స్ కేటాయించటమే. ఈ సినిమా కోసం పవన్ రీఎంట్రీలో ఫస్ట్ టైమ్ ..ఫారిన్ షెడ్యుల్ కు పవన్ వెళ్తున్నట్లు సమాచారం. #TheyCallHimOG కోసం ఆయన ఎక్కువ కాల్ షీట్స్ కేటాయించారు.  సుజీత్ ఈ ఫారిన్ షెడ్యూల్ ని చాలా పవర్ ఫుల్ యాక్షన్ ఎపిసోడ్స్ తో ప్లాన్ చేసినట్లు సమాచారం.

ఇక ఆ ఫారిన్ కంట్రీ మరేదో కాదు థాయిల్యాండ్. అక్కడ 30 రోజులు కంటిన్యూ షెడ్యూల్ జరగనుందని తెలుస్తోంది. ఈ మేరకు ఇప్పటికే ఏర్పాట్లు జరుగుతున్నట్లు వినికిడి. దాంతో పవన్ ఈ ఆగస్ట్ , సెప్టెంబర్ లో పెండింగ్ షూటింగ్ లు, పొలిటికల్ యాక్టివిటీస్ పూర్తి చేయనున్నారు. 

అలాగే ఓజీ మూవీ 1950ల బ్యాక్‍డ్రాప్‍లో రూపొందుతోందని టాక్ . ఆ కాలంలోని పెద్ద గ్యాంగ్‍స్టర్ పాత్రలో పవన్ నటిస్తున్నారని తెలుస్తోంది. అయితే ఈ బ్యాక్‍డ్రాప్ గురించి అధికారిక ప్రకటన రాలేదు. కానీ ఇండస్ట్రీ వర్గాల నుంచి అందుతున్న  సమాచారం మాత్రమే. 1950 బ్యాక్‍డ్రాప్‍లో కథ కాబట్టే వింటేజ్ గ్యాంగ్‍స్టర్ లుక్‍లో పవన్ కనిపిస్తున్నారు. ట్రైలర్, కానీ టీజర్ కానీ వస్తే ఈ బ్యాక్‍డ్రాప్ అంశంపై త్వరలోనే పూర్తి క్లారిటీ వచ్చే అవకాశం ఉంది.

అలాగే ఖైదీ సినిమా ద్వారా బాగా ఫేమస్ అయిన తమిళ నటుడు అర్జున్ దాస్.. ఓజీ సినిమాలో నటిస్తున్నాడు. అర్జున్ దాస్‍ను ఆహ్వానిస్తూ ఓజీ చిత్ర టీమ్ అధికారికంగా కూడా ట్వీట్ చేసింది. ఓజీ మూవీలో పవన్ కల్యాణ్‍కు జోడీగా అరుల్ మోహన్ నటిస్తోంది.  ఇక ఓజీ మూవీని డీవీవీ దానయ్య నిర్మిస్తున్నారు.
 
 సాహో వంటి హై యాక్షన్‌ ఎంటర్‌టైనర్‌ తర్వాత దాదాపు నాలుగేళ్లు గ్యాప్‌ తీసుకుని సుజీత్‌ ఈ సినిమాను సిద్ధం చేయటం విశేషం. దానికి తోడు పవన్‌కు సుజీత్‌ వీరాభిమాని కావడంతో ఈ సినిమా ఏ లెవల్లో ఉంటుందో అని అభిమానులందరూ ఇప్పటి నుండి ఎక్స్‌పెక్టేషన్స్‌ పెట్టుకుంటున్నారు.   ఆర్‌ఆర్‌ఆర్‌ ఫేమ్‌ డి.వి.వి దానయ్య ఈ సినిమాను భారీగా నిర్మిస్తున్నాడు. వీలైనంత త్వరగా షూటింగ్‌ పూర్తి చేసి  ఈ సినిమాను రిలీజ్‌ చేయాలని మేకర్స్ ప్లాన్‌ చేస్తున్నారట.