Raja Saab Glimpse: `ది రాజాసాబ్` గ్లింప్స్ అదిరింది.. రిలీజ్‌ డేట్‌ ఫైనల్‌.. ప్రభాస్ కెరీర్‌లో ఫస్ట్ టైమ్‌
ప్రభాస్ ఓ వైపు థియేటర్లలో `కల్కి`తో అలరిస్తూనే ఉన్నారు. మరోవైపు ఇప్పుడు మరో సినిమా ఆడియెన్స్ ని ఎంటర్‌టైన్‌ చేసేందుకు వస్తున్నారు. `ది రాజాసాబ్` మూవీ గ్లింప్స్ తో సర్‌ప్రైజ్‌ చేశారు.
 )
Followడార్లింగ్ ప్రభాస్ ఇటీవలే `కల్కి 2898 ఏడీ`తో దుమ్ములేపాడు. ఈ మూవీ ఇంకా థియేటర్లలో రన్‌ అవుతుంది. ఈ నేపథ్యంలో మరో సర్‌ప్రైజ్‌ వచ్చింది. ఇప్పుడు మరో సినిమాతో సందడి చేసేందుకు వస్తున్నాడు. ప్రభాస్ నటిస్తున్న చిత్రాల్లో `ది రాజాసాబ్` కూడా ఉంది. మారుతి దర్శకత్వం వహిస్తున్న ఈ మూవీ నుంచి సర్‌ప్రైజ్‌ వచ్చింది. గ్లింప్స్ విడుదల చేసింది టీమ్. ప్రభాస్ పాత్రని పరిచయం చేస్తూ ఈ గ్లింప్స్ సాగింది. ఆయన తన లవర్‌ కి ప్రపోజ్‌ చేసేందుకు రెడీ అయి వెళ్తున్నట్టుగా ఉంది ఈ గింప్స్. ఫ్లవర్స్ బోకే తీసుకుని కారు అద్దంలో తన అందాన్ని చూసుకుంటూ పూలతో దిష్టి తీసుకోవడం విశేషం.
ఇందులో ప్రభాస్ చాలా అందంగా ఉన్నారు. చాలా క్యూట్‌గా కనిపిస్తున్నాడు. `సలార్‌`, `కల్కి`లో మాస్‌ హీరోగా కనిపించిన ఆయన ఇందులో లవర్‌ బాయ్‌ గా కనిపించడం విశేషం. అమ్మాయిల డ్రీమ్ బాయ్‌ని తలపిస్తున్నాడు. పూర్తి రొమాంటిక్‌ మూడ్‌లో ఉన్నాడు. గ్లింప్స్ స్వీట్‌ సర్‌ప్రైజింగ్‌గా ఉంది. అదే సమయంలో ఈ సినిమా జోనర్‌ ఏంటో ప్రకటించింది టీమ్. హర్రర్ రొమాంటిక్‌ కామెడీగా ఈ సినిమాని తెరకెక్కిస్తున్నట్టు ప్రకటించారు. అదే సమయంలో రిలీజ్‌ డేట్‌ని కూడా ప్రకటించారు. వచ్చే ఏడాది సందడి చేయబోతుందీ మూవీ. ఏప్రిల్‌ 10న ఈ మూవీని తెలుగు, తమిళం, హిందీ, కన్నడ, మలయాళంలోనూ విడుదల చేస్తున్నట్టు వెల్లడించింది.
బ్యాక్‌ టూ బ్యాక్‌ మాస్‌ సినిమాలు చేసిన ప్రభాస్ ఇప్పుడు ఎంటర్‌టైనింగ్‌ రోల్‌లో అలరించబోతున్నాడు. నవ్వించడం, భయపెట్టడంతోపాటు రొమాంటిక్‌ ట్రీట్‌ ఇవ్వబోతున్నాడట. అయితే ఇప్పుడు ప్రభాస్‌ని మాస్‌ హీరోగా చూడాలనుకుంటున్న అభిమానులు.. ఇలా రొమాంటిక్‌ బాయ్‌లా, కామెడీగా డార్లింగ్ ని చూస్తారా? అనేది పెద్ద డౌట్‌. ఇదిలా ఉంటే గ్లింప్స్ కూడా పెద్దగా హైప్‌ తెచ్చేలా లేదు. అయితే ఈ సినిమాతో ఓ ప్రయోగం చేస్తున్నాడు డార్లింగ్. మొదటి సారి ఆయన హర్రర్ మూవీ చేస్తున్నాడు. ఇప్పటి వరకు ఎంటర్‌టైనింగ్‌ చిత్రాలు చేశాడు, మాస్‌ యాక్షన్‌ మూవీస్‌ చేశాడు ప్రభాస్. కానీ ఈ సారి మాత్రం హర్రర్ సినిమాతో అలరించేందుకు వస్తున్నాడు.
మారుతి దర్శకత్వంలో రూపొందుతున్న ఈ చిత్రంలో ఇతర నటీనటులు డిటెయిల్స్ ప్రకటించేదు టీమ్. కానీ మాళవిక మోహనన్‌ హీరోయిన్‌గా నటిస్తున్నట్టు తెలుస్తుంది. ఆమెతోపాటు మరో ఇద్దరు హీరోయిన్లు ఉన్నారట. పీపుల్స్ మీడియా ఫ్యాక్టరీ పతాకంపై టీజీ విశ్వప్రసాద్ నిర్మిస్తున్నారు. వివేక్ కూచిబొట్ల సహనిర్మాత. భారీ ప్రొడక్షన్ వ్యాల్యూస్ తో ఎక్కడా రాజీపడకుండా గ్రాండ్ గా ఈ మూని నిర్మిస్తున్నారు. `రాజా సాబ్‌` సినిమా షూటింగ్ 40 పర్సెంట్ పూర్తయింది. ఆగస్టు 2వ తేదీ నుంచి మరో భారీ షెడ్యూల్ ప్రారంభించబోతున్నారు. డార్లింగ్ ఫ్యాన్స్ కు ఎప్పటికీ గుర్తుండిపోయేలా ప్రభాస్ ను స్క్రీన్ మీద ప్రెజెంట్ చేయబోతున్నారు డైరెక్టర్ మారుతి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
