Asianet News TeluguAsianet News Telugu

దళపతి విజయ్‌ మరో సర్‌ప్రైజ్‌.. `బీస్ట్` సెకండ్‌ లుక్‌.. పర్‌ఫెక్ట్ బర్త్ డే గిఫ్ట్

విజయ్‌ పుట్టిన రోజు నేడు(జూన్‌ 22). ఈ సందర్భంగా ఆయన ప్రస్తుతం నటిస్తున్న కొత్త సినిమా ఫస్ట్ లుక్‌ని ఒక్క రోజు ముందుగానే విడుదల చేశారు. ఇక ఫ్యాన్స్ కి మరో సర్‌ప్రైజ్‌ ఇచ్చాడు విజయ్‌.

thalapathy vijay beast movie second look releases viral arj
Author
Hyderabad, First Published Jun 22, 2021, 9:36 AM IST

దళపతి విజయ్‌ తమిళంలో ఓ సూపర్‌ స్టార్‌. తెలుగులో పవన్‌ కళ్యాణ్‌ రేంజ్‌ హీరో. సూపర్‌ స్టార్‌ రజనీ తర్వాత ఆ స్థాయి ఫ్యాన్‌ ఫాలోయింగ్‌ ఉన్న హీరో అని చెప్పొచ్చు. లవ్‌ స్టోరీస్‌, ఫ్యామిలీ మూవీస్‌, యాక్షన్‌ చిత్రాలు, సందేశాత్మక సినిమాలు ఇలా అన్ని రకాల చిత్రాలతో కోలీవుడ్‌ ఆడియెన్స్ ని అలరించారు. అలరిస్తున్నారు. ఇటీవల కాలంలో సందేశాలు, కమర్షియల్‌ అంశాలు మేళవించిన చిత్రాలతో ఆకట్టుకున్నారు విజయ్‌. 

తాను చేసే ప్రతి అంశంలోనూ సమాజానికి ఉపయోగపడే అంశాలుండేలా జాగ్రత్త పడుతున్నారు. ఇటీవల తమిళనాడు ఎన్నికల ఓటింగ్‌ రోజు సైకిల్‌పై పోలింగ్‌ బూత్‌కి వెళ్లి పెట్రోల్‌, డీజిల్‌ రేట్ల పెరుగుదలపై నిరసనని తెలియజేశాడు. అదే సమయంలో సినిమాలతోనూ సమాజంలోని అంశాలను చర్చిస్తుంటాడు. ఆడియెన్స్ కి ఎంతో కొంత నిజాయితీతో కూడిన సందేశాన్ని అందించే ప్రయత్నం చేస్తున్నాడు. మూడు దశాబ్దాలుగా తిరుగులే ఇమేజ్‌తో రాణిస్తున్నారు విజయ్‌.

 అభిమానులు ముద్దుగా ఇళయ దళపతిగా పిలుచుకునే విజయ్‌ పుట్టిన రోజు నేడు(జూన్‌ 22). ఈ సందర్భంగా ఆయన ప్రస్తుతం నటిస్తున్న కొత్త సినిమా ఫస్ట్ లుక్‌ని ఒక్క రోజు ముందుగానే విడుదల చేశారు. ఇక ఫ్యాన్స్ కి మరో సర్‌ప్రైజ్‌ ఇచ్చాడు విజయ్‌. తాను నటిస్తున్న 65వ చిత్రం `బీస్ట్` నుంచి మరో లుక్‌ని విడుదల చేశారు. వెనకాల ఆర్మీ హెలికాప్టర్‌ చక్కర్లు కొడుతుండగా చేతిలో గన్‌తో, మాస్‌ లుక్‌లో అదరిపోయేలా ఉన్నాడు విజయ్‌. బర్త్ డే సందర్భంగా ఫ్యాన్స్ కి మంచి ఫుల్‌ మీల్స్ లాంటి గిఫ్ట్ ఇచ్చారని అంటున్నారు కోలీవుడ్‌ సినీజనాలు. 

విజయ్‌ 65వ చిత్రంగా రూపొందుతున్న ఈ సినిమాకి నెల్సన్‌ దిలీప్‌ కుమార్‌ దర్శకత్వం వహిస్తున్నారు. ఇందులో విజయ్‌ సరసన పూజా హెగ్డే కథానాయికగా నటిస్తుంది. సన్‌పిక్చర్స్ సంస్థ నిర్మిస్తుంది. అయితే ఈ రోజున విజయ్‌ మరో గిఫ్ట్ ఇవ్వబోతున్నాడని టాక్‌. మరో కొత్త మూవీని అనౌన్స్ చేసే అవకాశాలున్నాయట. ఆయన తెలుగు డైరెక్టర్‌ వంశీపైడిపల్లితో ఓ సినిమాకి కమిట్‌ అయినట్టు ప్రచారం జరుగుతుంది. తెలుగు, తమిళంలో ఈ సినిమా రూపొందుతుందని, దిల్‌రాజు నిర్మిస్తాడని టాక్‌. మరి ఇందులో నిజమెంతా అనేది తెలియాల్సి ఉంది.

Follow Us:
Download App:
  • android
  • ios