తరుణ్ భాస్కర్ ఐడియా అదిరింది
ఓ ప్రక్కన వేరే దర్శకులకు సైతం స్క్రిప్టు లు రాస్తూ డబ్బు సంపాదిస్తున్న తరుణ్ భాస్కర్...తాజాగా మరో ఆలోచన చేసారు. ఆయన సిని ప్రేమికుల కోసం ఓ యాప్ ని లాంచ్ చేయబోతున్నట్లు సమాచారం. ఆ యాప్ ఐడియా అద్బుతంగా ఉందని అందరూ మెచ్చుకుంటున్నారు.
తెలివైన వాళ్లు అవకాశాలు కోసం ఎదురుచూడరు..క్రియేట్ చేసుకుంటారు. దర్శకుడు తరుణ్ భాస్కర్ ది కూడా అదే స్కూల్. లాక్ డౌన్ టైమ్ లో అందరూ ఖాళీగా ఉంటే తరుణ్ భాస్కర్ మాత్రం ఫుల్ బిజీగా ఉన్నాడు. ఓ ప్రక్కన వేరే దర్శకులకు సైతం స్క్రిప్టు లు రాస్తూ డబ్బు సంపాదిస్తున్న తరుణ్ భాస్కర్...తాజాగా మరో ఆలోచన చేసారు. ఆయన సిని ప్రేమికుల కోసం ఓ యాప్ ని లాంచ్ చేయబోతున్నట్లు సమాచారం. ఆ యాప్ ఐడియా అద్బుతంగా ఉందని అందరూ మెచ్చుకుంటున్నారు.
ఆ యాప్ ప్రత్యేకత ఏమిటంటే...సినిమాలు,వెబ్ సీరిస్ లు ఇష్టపడే వారికి ఏవి బాగుంటాయో అని ఎంపిక చేసి అందిస్తుందిట. ఏ షో బాగుంటుంది..ఏ షో ఎలా ఉంటుంది. జానర్ ఏమిటి..వంటి అనేక విషయాలు ఆ యాప్ లో పొందుపరుస్తారట. ఈ యాప్ ని తెలంగాణాకు చెందిన ఇద్దరు యంగస్టర్స్ సాయింతో చేస్తున్నారట. తరుణ్ భాస్కర్ కు ఈ ఐడియా నచ్చి వారితో కలిసి పనిచేస్తున్నారట. తన ఐడియాలు సైతం షేర్ చేసి యాప్ ని ముందుకు తీసుకెళ్తారట.
సినీ కెరీర్ విషయానికి వస్తే...
విజయ్ దేవరకొండని హీరోగా పరిచయం చేస్తూ వచ్చిన `పెళ్లిచూపులు`తో తరుణ్భాస్కర్ పేరు ఒక్కసారిగా మారు మ్రోగిపోయింది. ఈ సినిమాతో తరుణ్ కు అభిమానులు సైతం ఏర్పడ్డారు. దర్శకుడిగా జాతీయ స్థాయిలో గుర్తింపుని సొంతం చేసుకున్నారు. ఇండిపెండెంట్ ఫిల్మ్ మేకర్గా మంచి గుర్తింపు తెచ్చుకున్న తరుణ్ భాస్కర్ ఆ తరువాత `ఈ నగరానికి ఏమైంది?` చిత్రాన్ని రూపొందించారు. ఆ సినిమా బాక్సాఫీస్ డిజాస్టర్ అయ్యింది. దాంతో దర్శకుడిగా గ్యాప్ తీసుకుని నటుడుగా సినిమా చేసాడు.
`మీకు మాత్రమే చెప్తా` అంటూ తన నటనతో ప్రేక్షకుల ముందుకొచ్చారు. విజయ్ దేవరకొండ నిర్మాతగా వ్యవహరించిన ఈ చిత్రం ఆశించిన ఫలితాన్ని అందించలేకపోయింది. ఈ నేపధ్యంలో తరుణ్ భాస్కర్ వాట్ నెక్ట్స్ అనే ప్రశ్నలు మొదలైంది. మరో ప్రక్క తరుణ్ అతి త్వరలో భారీ చిత్రాన్ని చేయబోతున్నాడని ప్రచారం జరిగింది. .హార్స్ రైడింగ్ నేపధ్యంలో వెంకటేష్ తో ఈ సినిమా చేయటానికి సిద్దపడుతున్నారు.