సుకుమార్ వైఫ్‌ సినిమాకి రామ్‌ చరణ్‌ సపోర్ట్.. రావు రమేష్ హీరోగా చేసిన మూవీ ట్రైలర్ ఎలా ఉందంటే?
రావు రమేష్ ఫస్ట్ టైమ్‌ లీడ్‌గా `మారుతీ నగర్ సుబ్రమణ్యం` సినిమా తెరకెక్కుతుంది. ఈ మూవీతో దర్శకుడు సుకుమార్ భార్య నిర్మాతగా మారడం విశేషం.
 )
Followక్రియేటివ్ జీనియస్‌ డైరెక్టర్‌ సుకుమార్ నిర్మాతగా సినిమాలను నిర్మిస్తున్నారు. సుకుమార్ రైటింగ్స్ పై పలు మిడిల్‌ బడ్జెట్‌, చిన్న బడ్జెట్‌ చిత్రాలను నిర్మిస్తున్న విషయం తెలిసిందే. ఇప్పుడు ఆయన భార్యని కూడా దించాడు. బబితా సైతం నిర్మాణంలోకి అడుగుపెట్టింది. తాజాగా రావు రమేష్ సినిమాకి ఆమె సమర్పకురాలిగా వ్యవహరించడం విశేషం. `మారుతీ నగర్ సుబ్రమణ్యం` పేరుతో ఈ సినిమా రూపొందుతుంది. లక్ష్మణ్ కార్య దర్శకత్వం వహిస్తున్నారు. పీబీఆర్‌ సినిమాస్‌, లోకమాత్రే సినిమాటిక్స్ సంస్థలపై బుజ్జి రాయుడు పెంట్యాల, మోహన్ కార్యలు నిర్మిస్తున్నారు.
రావు రమేష్ ప్రధాన పాత్రలో నటిస్తున్న చిత్రమిది. ఓ రకంగా ఈ మూవీకి ఆయనే హీరో. ఆయనకు జోడీగా ఇంద్రజ నటిస్తుంది. అంకిత్ కొయ్య, రమ్య పసుపులేని మరో జంటగా నటిస్తున్నారు. తాజాగా ఈ మూవీ ట్రైలర్ విడుదలైంది. మెగా పవర్‌ స్టార్‌ రామ్‌ చరణ్‌ ఈ ట్రైలర్‌ని విడుదల చేశారు. మారుతి నగర్ వాసి సుబ్రహ్మణ్యానికి ఎటకారం ఎక్కువ. ఉదయాన్నే కిటికీ నుంచి వస్తున్న పొగలు చూసిన పొరుగింటి వ్యక్తి 'పొద్దున్నే పూజ మొదలు పెట్టావా? అగరబత్తి పొగలు కక్కుతోంది' అని అడిగితే... 'గోల్డ్ ఫ్లాక్ కింగ్ అని కొత్త బ్రాండ్ అగరబత్తి. నీ కూతురు వాడుతుంటే చూసి కొన్నాను' అని చెబుతాడు.
టైటిల్ రోల్ రావు రమేష్ చేయగా, ఆయన భార్యగా ఇంద్రజ కనిపించారు. భర్త సిగరెట్లకు భార్య డబ్బులు ఇస్తోందని 'ఈ రోజు నుంచి మీ సిగరెట్ ఖర్చులకు నేను డబ్బులు ఇవ్వను' అని ఇంద్రజ డైలాగ్ చెప్పడంతో అర్థం అవుతుంది. ఆ వెంటనే 'నీకు అదృష్టం ఆవగింజ అంత ఉంటే... దురదృష్టం ఆకాశమంత ఉందిరా బాబు' అని అన్నపూర్ణమ్మ చెప్పారు. ఆవిడ రావు రమేష్ అత్తగారి పాత్ర చేశారు. సుబ్రమణ్యం కుమారుడు ఏమో 'మా నాన్న అల్లు అరవింద్' అని గొప్పలు చెప్పి ఓ డబ్బున్న అమ్మాయిని ప్రేమలో పడేశాడు. సుబ్రమణ్యం, అతని కుమారుడు ఏం చేశారు? ఈ కుటుంబ కథ ఏమిటి? అనేలా ఈ ట్రైలర్ సాగింది.
పూర్తి ఫన్‌ ఎంటర్టైనర్‌గా ఈ మూవీని తెరకెక్కించినట్టు ట్రైలర్ చూస్తుంటే అర్థమవుతుంది. సందర్భానుసారంగా వచ్చే కామెడీ, ఫ్యామిలీలో చోటు చేసుకునే ఫన్నీ ఎలిమెంట్లతో ఈ మూవీని సాగుతుందని తెలుస్తుంది. రావు రమేష్ నటన, ఆయన చేసే కామెడీ హైలైట్‌గా నిలవబోతుందని తెలుస్తుంది. ఇక మైత్రీ మూవీ మేకర్స్ ఈ మూవీని ఆగస్ట్ 23న విడుదల చేయబోతున్నారు.
రావు రమేష్, ఇంద్రజ, అంకిత్ కొయ్య, రమ్య పసుపులేటి, హర్షవర్ధన్, అజయ్, అన్నపూర్ణమ్మ, ప్రవీణ్ ప్రధాన పాత్రలు పోషించిన ఈ చిత్రానికి సాహిత్యం: ఆస్కార్ పురస్కార గ్రహీత చంద్రబోస్, భాస్కరభట్ల, కళ్యాణ్ చక్రవర్తి, ఆర్ట్ డైరెక్షన్: సురేష్ భీమంగని, ఎడిటర్: బొంతల నాగేశ్వర్ రెడ్డి, పీఆర్వో: పులగం చిన్నారాయణ, సినిమాటోగ్రఫీ: ఎంఎన్ బాల్ రెడ్డి, లైన్ ప్రొడ్యూసర్: శ్రీహరి ఉదయగిరి, క్రియేటివ్ హెడ్: గోపాల్ అడుసుమిల్లి, సహ నిర్మాతలు: రుషి మర్ల, శివప్రసాద్ మర్ల, సమర్పణ: తబితా సుకుమార్, నిర్మాతలు: బుజ్జి రాయుడు పెంట్యాల, మోహన్ కార్య, కథ, స్క్రీన్ ప్లే, డైలాగ్స్, డైరెక్షన్: లక్ష్మణ్ కార్య.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
