మహేష్‌బాబు హీరోగా పరశురామ్‌ దర్శకత్వంలో ‘సర్కారువారి పాట’ టైటిల్ తో ఓ  సినిమా తెరకెక్కబోతున్న సంగతి తెలిసిందే.  కుటుంబ విలువలు, వినోదం, ప్రేమ అంశాల మేళవింపుతో ఈ సినిమా రూపుదిద్దుకోనున్నది. ఈ సినిమాలో కీర్తిసురేష్‌ హీరోయిన్ గా నటించనుంది.   మైత్రీ మూవీ మేకర్స్‌ నిర్మించనున్న ఈ చిత్రం కోసం బ్యాంక్ సెట్ ని రెడీ చేస్తున్నారు. ఈ సెట్ లో నెల రోజులు పాటు షూటింగ్ జరగనుంది. 

అందుతున్న సమాచారం మేరకు ‘సర్కారువారి పాట’లో మహేశ్‌బాబు బ్యాంక్‌ ఉద్యోగి పాత్రలో కనిపిస్తారు. ప్రస్తుతం హైదరాబాద్‌లో బ్యాంక్‌ సెట్‌ వేస్తున్నారని సమాచారం. ఈ సెట్‌లో నెల రోజుల చిత్రీకరణ ప్లాన్‌ చేశారట. వచ్చే నెల ఈ షూటింగ్‌ ప్రారంభమయ్యే అవకాసం ఉంది. ముందు అమెరికా షెడ్యూల్‌ జరిపి, ఆ తర్వాత ఇక్కడ షెడ్యూల్‌ ప్లాన్‌ చేశారు. కానీ కరోనా వల్ల ప్లానింగ్ మొత్తం మారింది. ముందు ఈ సెట్‌లో షూట్‌ చేసి, మార్చిలో అమెరికా షెడ్యూల్‌ ప్రారంభించాలనుకుంటున్నారు.  

 ఈ సినిమా కాన్సెప్ట్ కూడా భారత బ్యాంకింగ్ రంగాన్ని కదిలించిన భారీ కుంభకోణాల చుట్టూనే సాగనుంది. ఇక ఈ సినిమాలో మంచి యాక్షన్ తో పాటు థ్రిల్లింగ్ ట్విస్ట్ లు కూడా ఉన్నాయని తెలుస్తోంది. అందుకు తగ్గట్లే గీతా గోవిందం స్దాయిలో.... అలాగే ఓ రొమాన్స్ ట్రాక్‌ కూడా ఉందని.. మహేష్ అభిమానులకు ఈ లవ్ స్టోరీ బాగా కనెక్ట్ అవుతుందని మేకర్స్  అంటున్నారు.  చాలా కాలం తర్వాత మహేష్ ఈ సినిమాలో లవర్ బాయ్‌ గా కనిపించబోతున్నాడు. ఈ లవర్ బాయ్ లుక్ కోసమే, మహేష్ తన హెయిర్ స్టైల్ ను కూడా కొత్తగా మార్చుకున్న విషయం తెలిసిందే.