సీనియర్ సింగర్ మనోకి అరుదైన గౌరవం దక్కింది. గత 38 ఏళ్ల నుంచి మనో తెలుగుతోపాటు 15 భాషల్లో పాటలు పాడుతున్నారు. సింగర్ మనో గాయకుడిగా మాత్రమే కాకుండా డబ్బిగ్ ఆర్టిస్ట్ గా, మ్యూజిక్ డైరెక్టర్ గా కూడా రాణించారు.
సీనియర్ సింగర్ మనోకి అరుదైన గౌరవం దక్కింది. గత 38 ఏళ్ల నుంచి మనో తెలుగుతోపాటు 15 భాషల్లో పాటలు పాడుతున్నారు. సింగర్ మనో గాయకుడిగా మాత్రమే కాకుండా డబ్బిగ్ ఆర్టిస్ట్ గా, మ్యూజిక్ డైరెక్టర్ గా కూడా రాణించారు. 38 ఏళ్ల నుంచి సంగీతానికి ఆయన అందిస్తున్న సేవలని గుర్తించిన రిచ్ మాండ్ గాబ్రియేల్ యూనివర్సిటీ డాక్టరేట్ తో సత్కరించింది.
ఈ విషయాన్ని మనో సోషల్ మీడియాలో ప్రకటిస్తూ సంతోషాన్ని వ్యక్తం చేశారు. మనో15 భాషల్లో 25 వేలపైగా పాటలు పాడారు. ఇది తన కెరీర్ దక్కిన గౌరవంగా భావిస్తున్నానని మనో అన్నారు. నాకు మద్దతు తెలిపిన వారికి, స్నేహితులు, శ్రేయోభిలాషులందరికి ధన్యవాదాలు అని మనో తెలిపారు.
డాక్టరేట్ అందుకున్న తర్వాత మనో ఆ ఫోటోని అభిమానులతో పంచుకున్నారు. మనో స్వస్థలం సత్తెనపల్లి. 14 ఏళ్ల వయసులోనే సంగీతంపై మక్కువతో అప్పటి మ్యూజిక్ డైరెక్టర్ ఎంఎస్ విశ్వనాథ్ వద్ద అసిస్టెంట్ గా చేరారు. 1985 నుంచి మనో తెలుగుతో పాటు అన్ని భాషలకు పాటలు పాడడం ప్రారంభించారు.
రుకు రుకు రుక్మిణి, ప్రియా ప్రియతమా రాగాలు, ముక్కలా ముక్కబులా లాంటి సూపర్ హిట్స్ సాంగ్స్ ఎన్నో పాడారు. ఇక డబ్బింగ్ ఆర్టిస్ట్ గా మనో.. అరుణాచలం, ముత్తు, నరసింహ, శివాజీ, రోబో లాంటి చిత్రాలకు రజనీకాంత్ కి తెలుగులో డబ్బింగ్ అందించారు. కమల్ హాసన్ , అక్షయ్ కుమార్ లాంటి హీరోలకు కూడా మనో డబ్బింగ్ అందించారు. ఇక బుల్లితెరపై కూడా అనేక సింగింగ్ షోలకు మనో జడ్జిగా చేశారు. ఇక జబర్దస్త్ లాంటి షోలో కూడా ఆయన మెరవడం విశేషం.
