కళ్ళు లేని ఆ అమ్మాయి ఆ వ్యక్తిని ఎలా గుర్తుపట్టింది? చివరికి ఆ అమ్మాయికి న్యాయం జరిగిందా?
2023 క్రిస్మస్ కానుకగా థియేటర్లలో విడుదలైన మోహన్ లాల్ నేరు చిత్రం బ్లాక్ బస్టర్ హిట్ గా నిలిచింది. కేరళలో బాక్సాఫీస్ వద్ద వసూళ్ల వర్షం కురిపించిన ఈ మూవీ ఓవరాల్గా రూ.86 కోట్లు రాబట్టి దుమ్ము రేపింది. రీసెంట్ గా అత్యధిక వసూళ్లు రాబట్టిన మలయాళ సినిమాల్లో ఐదో స్థానంలో నిలిచింది. థియేటర్లలో సూపర్బ్ రెస్పాన్స్ను సొంతం చేసుకున్న మోహన్ లాల్ సినిమా ఇప్పుడు డిజిటల్ స్ట్రీమింగ్ కు వచ్చేసింది. మొన్నటిదాకా వెంకటేష్ తో రీమేక్ చేస్తారనుకున్నారు. కానీ ఇప్పుడు ఓటిటిలోకి వచ్చి సర్పైజ్ చేసేసింది.
ఇక నేరు సినిమా స్టోరీ లైన్ విషయానికి వస్తే.. ఒక కళ్ళు లేని అమ్మాయి రేప్ కి గురవుతుంది. ఆమె కేసు వాదించడానికి మోహన్ లాల్ రంగం లోకి దిగుతారు. అప్పటికి మోహన్లాల్ కొన్ని కారణాలతో లాయర్ ప్రాక్టీస్ మానేస్తాడు. అదే సమయంలో ఒక కేసు కోసం మళ్లీ నల్లకోటు వేసుకుంటాడు. ఆ దారిలో అతనికి ఎదురైనా సవాళ్లేమిటి? కళ్ళు లేని ఆ అమ్మాయి ఆ వ్యక్తిని ఎలా గుర్తుపట్టింది? చివరికి ఆ అమ్మాయికి న్యాయం జరిగిందా? అనేది నేరు సినిమా కథ. ఈ సినిమాలో ప్రియమణి, శాంతి, జగదీశ్, గణేష్ కుమార్, నందు, అదితి రవి తదితర నటులు కీ రోల్స్ చేశారు. అబద్దాలతో కేసు గెలవాలని ప్రయత్నించే లాయర్ ఓ వైపు...నిజం కోసం పోరాడే లాయర్ మరోవైపు...ఒకరిపై మరొకరు వేసే ఎత్తులు పై ఎత్తులతో నేరు మూవీ థ్రిల్లింగ్ను పంచుతుంది.
కోర్టు రూమ్ డ్రామాగా వచ్చిన ఈ సినిమా డిసెంబర్ 21న ప్రేక్షకుల ముందుకు వచ్చింది. మొదటి షో నుండే హిట్ టాక్ తెచ్చుకున్న ఈ సినిమా బాక్సాఫీస్ దగ్గర రూ.86 కోట్ల వసూళ్లు రాబట్టి బ్లాక్ బస్టర్ గా నిలిచింది. నిజానికి ఈ సినిమా కోసం తెలుగు ప్రేక్షకులు కూడా ఎదురుచూస్తున్నారు. దీంతో తాజాగా ఈ సినిమాలో OTTలో రిలీజ్ చేశారు మేకర్స్. జనవరి 23 అర్ధరాత్రి నుండి నేరు మూవీ డిస్నీ ప్లస్ హాట్ స్టార్ లో స్ట్రీమింగ్ అవుతోంది.
