వెండితెరపైకి జమున బయోపిక్‌.. విలక్షణ నటిగా తమన్నా.. ?
తాజాగా మరో అలనాటి నటి జమున బయోపిక్‌ని రూపొందించేందుకు ప్లాన్‌ జరుగుతుంది. `దేవినేని` చిత్రాన్ని రూపొందించిన దర్శకుడు శివనాగు ఈ సినిమాని తెరకెక్కించేందుకు ప్లాన్‌ చేస్తున్నారట.
అలనాటి తారల బయోపిక్‌లు నేటితరానికి ఆసక్తికరంగా ఉంటాయి. మహానటి సావిత్రి బయోపిక్‌ `మహానటి`గా రూపొంది సంచలన విజయం సాధించింది. `ఎన్టీఆర్‌` బయోపిక్‌, సిల్క్ స్మిత బయోపిక్‌ `డర్టీ పిక్చర్స్`, సంజయ్‌దత్‌ బయోపిక్‌ `సంజు` చిత్రాలు అలరించాయి. తాజాగా మరో అలనాటి నటి జమున బయోపిక్‌ని రూపొందించేందుకు ప్లాన్‌ జరుగుతుంది. `దేవినేని` చిత్రాన్ని రూపొందించిన దర్శకుడు శివనాగు ఈ సినిమాని తెరకెక్కించేందుకు ప్లాన్‌ చేస్తున్నారట.
ప్రస్తుతం కథ వర్క్ జరుగుతుందని, దర్శకుడు తమన్నాని జమున పాత్ర కోసం తీసుకునే ఆలోచనలో ఉన్నారని, దీనిపై తమన్నాతో చర్చలు కూడా జరిగినట్టు తెలుస్తుంది. అయితే ఈ చర్చలు ఇంకా ప్రాథమిక దశలోనే ఉన్నాయట. దీనిపై ఇంకా చర్చలు జరగాల్సి ఉందని, కథ ఇంకా ఫైనల్‌ కావాల్సి ఉందని, అనంతరం దీనిపై క్లారిటీ వస్తుందని ఫిల్మ్ నగర్ టాక్‌. అయితే జమున నుంచి మాత్రం ఈ బయోపిక్‌కి సంబంధించి అనుమతి తీసుకున్నట్టు తెలుస్తుంది.
జమున పాత్రలో నటించాలంటే అద్భుతమైన నటన, డాన్సులు, హవాభావాలు పలికించే పరిణతి ఉండాలని, అందుకు సీనియర్‌ నటి అయితే సూట్‌ అవుతుందని భావిస్తున్నారట. మరి ఇది ఎంత వరకు పట్టాలెక్కుతుందనేది చూడాలి. తమన్నా ప్రస్తుతం `సీటీమార్‌`, `గుర్తుందాశీతాకాలం`, `అంధాధున్‌` రీమేక్‌ చిత్రాల్లో నటిస్తూ బిజీగా ఉంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
