ఆ వీడియోకి సమంత ఫిదా.. చూస్తే మనల్నీ కదిలిస్తుంది!
మూగ జీవాలకు చెందిన వీడియోని ఎరిక్ సోల్హెమ్ అనే వ్యక్తి ట్విట్టర్లో షేర్ చేశారు. `నిజమైన ప్రేమ ఎప్పటికీ మనుగడ సాధిస్తుంది. టచ్చింగ్ స్టోరీ ఫ్రమ్ ఇండియా` అని పేర్కొన్నారు. ఈ సంఘటన ఇప్పుడు నెటిజన్ల మనుసుల్ని కదిలిస్తుంది.
ప్రస్తుతం ఓ వీడియో సోషల్ మీడియాలో వైరల్ అవుతుంది. అది మూగ జీవాలకు చెందిన వీడియో. ఓ ప్రాంతంలో ఆవుని వాహనంపై మరో చోటుకి తీసుకెళ్తున్నారు. ఎన్నో రోజులు కలిసి ఉన్న ఆవు వెళ్ళిపోతుండటంతో దానికి తోడుగా ఉన్న ఎద్దు ఒంటరైపోయింది. ఆ ఒంటరి తనాన్ని తట్టుకోలేకపోయింది.
దీంతో ఆవుని తీసుకెళ్తున్న వాహనం వెంటా పరిగెత్తింది. తనకు దూరం కావడాన్ని తట్టుకోలేక చాలా దూరం దానితోపాటు పరిగెత్తింది. అది చూసి ఆటో డ్రైవర్ వాహనాన్ని ఆపాడు. అప్పుడు ఆ ఎద్దు డ్రైవర్ వద్దకు వచ్చి బ్రతిమాలినట్టుగా వ్యవహరించింది. వాహనం స్టార్ట్ చేయగా, మళ్ళీ కొంత దూరం పరిగెత్తింది. ఈ సంఘటన అక్కడి ప్రజలను కలచివేసింది. రెండింటిని వేరు చేయడాన్ని, దాన్ని ఆ ఎద్దు తట్టుకోలేకపోవడాన్ని చూసి చలించిపోయారు.
యాజమానితో మాట్లాడి వాటిని ఒక్కటి చేశారు. రెండింటికి పూజలు చేసి స్థానికులు తమ గొప్ప మనసుని చాటుకున్నారు. ఈ వీడియోని ఎరిక్ సోల్హెమ్ అనే వ్యక్తి ట్విట్టర్లో షేర్ చేశారు. `నిజమైన ప్రేమ ఎప్పటికీ మనుగడ సాధిస్తుంది. టచ్చింగ్ స్టోరీ ఫ్రమ్ ఇండియా` అని పేర్కొన్నారు. ఇండియాలోని ఓ ప్రాంతంలోని ఈ సంఘటన ఇప్పుడు నెటిజన్ల మనుసుల్ని కదిలిస్తుంది.
ఇది చూసిన సమంత ఫిదా అయ్యింది. తాను కూడా లవ్ సింబల్ మెన్షన్ చేస్తూ ఈ వీడియోని ట్విట్టర్ ద్వారా పంచుకుంది. ప్రస్తుతం సోషల్ మీడియాలో వైరల్ అవుతుండటం విశేషం. చూస్తే మన మనసుని కూడా కదిలిస్తుందీ వీడియో.