Asianet News TeluguAsianet News Telugu

కమెడీయన్‌ బుట్టలో పడుతున్న సాయిపల్లవి.. నిజమేనా?

సాయిపల్లవి.. పవన్‌-రానా హీరోలుగా రూపొందుతున్న `అయ్యప్పనుమ్‌ కోషియుమ్‌` చిత్రంలో హీరోయిన్‌గా, రానాకి జోడిగా కనిపించనుందని టాక్‌ వినిపిస్తుంది. సాయిపల్లవికి సంబంధించిన తాజాగా మరో ఆసక్తికర వార్త సోషల్‌ మీడియాలో వైరల్‌ అవుతుంది. హాస్య నటుడి బుట్టలో పడబోతుందని అంటున్నారు.

sai pallavi will heroine in comedian kaali venkat movie arj
Author
Hyderabad, First Published Jan 31, 2021, 11:16 AM IST

సాయిపల్లవి `ఫిదా` తర్వాత టాలీవుడ్‌లో స్టార్‌ హీరోయిన్‌గా రాణిస్తుంది. తెలుగులో ఈ అమ్మడు ప్రస్తుతం నాలుగు సినిమాలు చేస్తుంది. ఇందులో నాగచైతన్యతో కలిసి `లవ్‌స్టోరి`లో నటిస్తుండగా, మరోవైపు రానాతో కలిసి `విరాటపర్వం` చేస్తుంది. ఇందులో ఆమె నక్సలైట్‌ అయిన రానాకి ప్రియురాలిగా, నక్సలైట్‌ సానుభూతి పరురాలుగా కనిపించనుంది. మరోవైపు నానితో కలిసి మరోసారి `శ్యామ్‌ సింగరాయ్‌`లో నటిస్తుంది. ఇప్పటికే `ఎంసీఏ`లో నటించిన విషయం తెలిసిందే. 

మరోవైపు పవన్‌-రానా హీరోలుగా రూపొందుతున్న `అయ్యప్పనుమ్‌ కోషియుమ్‌` చిత్రంలో హీరోయిన్‌గా, రానాకి జోడిగా కనిపించనుందని టాక్‌ వినిపిస్తుంది. సాయిపల్లవికి సంబంధించిన తాజాగా మరో ఆసక్తికర వార్త సోషల్‌ మీడియాలో వైరల్‌ అవుతుంది. హాస్య నటుడి బుట్టలో పడబోతుందని అంటున్నారు. తమిళ హాస్య నటుడు కాళీ వెంకట్‌ హీరోగా రూపొందుతున్న ఓ సినిమాలో హీరోయిన్‌గా సాయి పల్లవి పేరు వినిపిస్తుంది. అయితే దీనిపై ఈ `ఫిదా` బ్యూటీ ఇంకా క్లారిటీ ఇవ్వలేదని తెలుస్తుంది. ఈ సినిమాకి ఒప్పుకుంటే సాయిపల్లవి ఓ సాహసోపేతమైన నిర్ణయం తీసుకుందనే చెప్పాలి.  కాళీ ఇటీవల సూర్య `ఆకాశమే నీ హద్దురా`, `మారి2` వంటి చిత్రాల్లో నటించారు.

Follow Us:
Download App:
  • android
  • ios