సాయి పల్లవి...6 నెలలు,3 సినిమాలు
సాయి పల్లవి తెలుగులో వరుస సినిమాలు చేస్తుంది. ఎంతలా తెలుగు తెరని ఆక్యుపై చేసిందంటే రాబోయే ఆరు నెలల్లో..మూడు సినిమాలు రిలీజ్ కు ఉన్నాయి.అవేమిటంటే...
చూడచక్కని రూపం, ఆకట్టుకునే అభినయం సాయి పల్లవి సొంతం. ఎంతో సింపుల్ గా…స్కిన్ షో దూరంగా సినిమాలు చేస్తూ అలరించటమే సాయి పల్లవి ప్లస్ పాయింట్. తమిళ దర్శకుడు అల్ఫోన్సో తెరకెక్కించిన 'ప్రేమమ్' చిత్రంతో ఇండస్ట్రీలోకి అడుగుపెట్టింది ఈ వయ్యారి భామ. ఈ సినిమా సూపర్‌ హిట్‌ అయింది. ఆ తర్వాత తెలుగులో సెన్సిబుల్ డైరెక్టర్ శేఖర్ కమ్ముల దర్శకత్వంలో తెలుగులో ‘ఫిదా’ సినిమా చేసింది. ఇందులో అచ్చం తెలుగింటి అమ్మాయిలా కనిపించి ఆకట్టుకుంది పల్లవి. ఈ సినిమాలో సాయిపల్లవి తెలంగాణ యాసలో మాట్లాడుతూ ప్రేక్షకులను ఫిదా చేసింది.అక్కడ నుంచి సాయి పల్లవి తెలుగులో వరుస సినిమాలు చేస్తుంది. ఎంతలా తెలుగు తెరని ఆక్యుపై చేసిందంటే రాబోయే ఆరు నెలల్లో..మూడు సినిమాలు రిలీజ్ కు ఉన్నాయి.అవేమిటంటే...
ప్రస్తుతం ఈ కుర్రది నటించిన లవ్ స్టోరీ సినిమా ప్రేక్షకుల ముందుకు రావడానికి సిద్ధంగా ఉంది. ఈ సినిమాకు శేఖర్ కమ్ముల దర్శకత్వం వహిస్తున్నారు. నాగచైతన్య ఈ సినిమా హీరోగా నటిస్తున్నాడు. ఈ సినిమా అందమైన ప్రేమకథగా తెరకెక్కిస్తున్నాడు శేఖర్ కమ్ముల. కొద్దిగా పరిస్దితులు కుదుట పడగానే రిలీజ్ చేయాలనే ఆలోచనలో ఉన్నారు.
అలాగే ఈ సినిమాతోపాటు వేణు ఉడుగుల దర్శకత్వంలో విరాటపర్వం అనే సినిమా చేస్తుంది సాయిపల్లవి. ఈ సినిమాలో దగ్గుబాటి వారసుడు రానా హీరోగా నటిస్తున్నాడు. ఈ సినిమా నక్సలైట్ బ్యాక్ డ్రాప్ లో తెరకెక్కుతుంది. రానా నక్సలైట్ గా కనిపించనున్నాడు. అలాగే నాని సినిమాలో కూడా నటిస్తుంది పల్లవి. ఈ సినిమా సెప్టెంబర్ లో రానుంది.
నాని నటిస్తున్న శ్యామ్ సింగరాయ్ సినిమా హీరోయిన్ గా నటిస్తుంది సాయిపల్లవి. పిరియాడికల్ లవ్ డ్రామా గా తెరకెక్కుతున్న ఈ సినిమాలో నాని డిఫరెంట్ లుక్ లో కనిపించనున్నాడు. ఈ సినిమాలో సాయిపల్లవి తోపాటు, ఉప్పెన బ్యూటీ కృతి శెట్టి, అదితిరావు హైదరి నటిస్తున్నారు. ఇప్పటికే సాయి పల్లవి పుట్టిన రోజు కానుకగా శ్యామ్ సింగరాయ్ నుంచి ఈ ముద్దుగుమ్మ లుక్ ను రిలీజ్ చేశారు చిత్రయూనిట్. ఈ సినిమా డిసెంబర్ లోగా రిలీజ్ ఉంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
