దుబయిలో సాహో చేజింగ్ సీన్
- యంగ్ రెబల్ స్టార్ ప్రభాస్ హిరోగా తెరకెక్కుతున్న సాహో
- భారీ బడ్జట్ తో తెరకెక్కుతున్న ఈ మూవీలో భారీ యాక్షన్ సీన్స్
- త్వరలో దుబయి బుర్జ్ ఖలీఫా వద్ద 20నిమిషాల ఛేజింగ్ సీన్ షూట్
యంగ్ రెబల్ స్టార్ ప్రభాస్ హీరోగా రూపొందుతున్న అడ్వంచరస్ యాక్షన్ థ్రిల్లర్ సాహో షూటింగ్ త్వరలోనే దుబాయ్‌కి షిఫ్ట్ కానుంది. దుబాయ్‌లోని ఫేమస్ బుర్జు ఖలీఫా టవర్స్, రస్-అల్-ఖైమా, వరల్డ్ ట్రేడ్ సెంటర్, ఇత్తేహాద్ టవర్ పరిసర ప్రాంతాల వద్ద జరిగే ఈ షెడ్యూల్లో దాదాపు 20 నిమిషాల నిడివిగల యాక్షన్ సీక్వెల్‌ని తెరకెక్కించేందుకు సాహో మేకర్స్ ఏర్పాట్లు చేసుకున్నారు. ఈ సీక్వెల్ షూటింగ్ కోసం త్వరలోనే సాహో టీమ్ దుబాయ్‌కి వెళ్లనుంది.
హాలీవుడ్‌కి చెందిన ప్రముఖ యాక్షన్ కొరియోగ్రాఫర్ కెన్నీ బేట్స్ పర్యవేక్షణలో ఈ యాక్షన్ సీక్వెల్స్‌ని తెరకెక్కించనున్నారు. ఈ షూట్ కోసం ఖరీదైన స్పోర్ట్స్ బైక్స్, లగ్జరీ ఎస్‌యూవీ కార్లు, భారీ ట్రక్కులు వినియోగించనున్నారు సాహో మేకర్స్. భారీ బడ్జెట్‌తో రూపొందుతున్న ఈ చిత్రాన్ని యంగ్ డైరెక్టర్ సుజీత్ తెరకెక్కిస్తున్నాడు. 'బాహుబలి'తో ప్రభాస్ దేశవ్యాప్తంగా అభిమానులని సంపాదించుకోవడంతో ఇప్పుడు అతడు హీరోగా సెట్స్‌పై వున్న సాహో సినిమా కోసం బాలీవుడ్ ఆడియెన్స్ సైతం ఎదురుచూస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
