Guppedantha Manasu: బుల్లితెర పై ప్రసారమవుతున్న గుప్పెడంత మనసు (Guppedantha Manasu) సీరియల్ ప్రేక్షకులను బాగా ఆకట్టుకుంటుంది. కాలేజ్ లో లెక్చరర్ కు స్టూడెంట్ కు మధ్య కలిగే ప్రేమ కథతో సీరియల్ కొనసాగుతుంది. ఇక ఈరోజు ఫిబ్రవరి 18వ తేదీ ఎపిసోడ్ లో ఏం జరిగిందో తెలుసుకుందాం.
ఈరోజు ఎపిసోడ్ లో రిషి ఇందాక కళ్ళు తిరిగి పడిపోయావు కదా ఇప్పుడు వెళ్లడం అవసరమా ఎందుకు ఇంత మొండితనం అనడంతో ప్రేమ సార్ అని వసుధారా అనగా మరి అంత ప్రేమ ఉండే దానివి ఎందుకు నన్ను ఇన్నాళ్లు ఏడిపించావు అంటాడు రిషి. అప్పుడు వసుధార మీరే కాదు నేను కూడా చాలా బాధపడ్డాను అని అంటుంది. తర్వాత వసుధార ఒకచోట కారు ఆపమని చెప్పి కారు దిగి థాంక్స్ చెప్పండి సార్ ఎందుకంటే మా ఎండి గారు ఉన్నారు ఆయనకు ముక్కు మీద కోపం ఉంది అని అంటుంది. అవునా మీ ఎండి గారేనా అన్ని తప్పులు చేసింది మీరు చేయలేదా అనడంతో ఏమో సార్ మా ఎండీ గారితో జీవితాంతం కలిసి ప్రయాణం చేయాలని ఉంది అని చెప్పి అక్కడినుంచి వెళ్ళిపోతుంది వసుధార.
ఆ తర్వాత ఒక చోటికి వెళ్లిన రిషి వసుధర అన్న మాటలు వసుధారని హత్తుకున్న విషయాలు తలుచుకొని సంతోష పడుతూ ఉంటాడు. మిస్టర్ రిషేంద్ర భూషణ్ వసుధార నీదే తను ఎవరిని పెళ్లి చేసుకోలేదు అనుకుంటూ గట్టిగా అరుస్తూ సంతోష పడుతూ ఉంటాడు. మరోవైపు ధరణి కిచెన్లోకి వెళుతుండగా దేవయాని అక్కడ కూర్చుని ఉండడంతో ఈవిడకు కనిపిస్తే ఏదో ఒకటి అంటుంది అని దొంగ చాటుగా వెళుతుండగా దేవయాని గుర్తుపట్టి ఎందుకు దొంగచాటుగా వెళుతున్నావు వెన్నుపోటు పొడుద్దామని అనుకుంటున్నావా అని అంటుంది. అప్పుడు దేవయాని అడిగే ప్రశ్నలకు ధరణి తింగరి తింగరిగా సమాధానాలు చెబుతూ ఉండగా ఇంతలోనే అక్కడికి రిషి ఆనందంగా వస్తాడు.
అప్పుడు దేవయాని రిషి ఏంటి ఇంత సంతోషంగా ఉన్నాడు అని మనసులో అనుకుంటూ ఉంటుంది. ఇప్పుడు రిషి సంతోషంలో ఏంటి వదిన ఈ మధ్య మిమ్మల్ని మాట్లాడించడం లేదు మీకు ఇంట్లో బోర్ గా ఉంటే చెప్పండి కాలేజీకి రండి అక్కడ జాబ్ చేసుకోండి షాక్ అవుతుంది. ఏంటి రిషి చాలా కొత్తగా కనిపిస్తున్నావు అనడంతో నాకు కూడా కొత్తగానే ఉంది పెద్దమ్మ అని చెప్పి అక్కడి నుంచి వెళ్ళిపోతాడు రిషి. మరొకవైపు జగతి, మహేంద్ర వాళ్లు వసుధార వాళ్ళ ఇంట్లో కాఫీ తాగుతూ ఉంటారు. అప్పుడు మహేంద్ర ఈ సంతోష సమయాన్ని మనం పార్టీ చేసుకోవాలి అని అంటాడు.
అప్పుడు ఏమ్మ రిషి నువ్వు కలిసిపోయినట్టేనా అనడంతో నిజం తెలిసింది కానీ రిషి సార్ నామీద ఇంకా కోపంగా ఉన్నాడు సార్ అని అంటుంది వసుధార. రిషి మామూలే అమ్మ లోపల ప్రేమ గా ఉంటాడు కానీ బయటికి మాత్రం నటిస్తూ ఉంటాడు అని అంటాడు మహేంద్ర. మనకు నిజం తెలిసిన కూడా చెప్పలేకపోయాను కానీ ఇప్పుడు రిషి నిజం తెలుసుకున్నాడు అదే చాలు అనగానే ఇంతలో రిషి అక్కడికి క్లాప్స్ కొడుతూ వస్తాడు. అక్కడికి వచ్చి వెరీ గుడ్ అని పొగుడుతూ ఉంటాడు. వసు తన మెడలో తానే తాళి వేసుకుందన్న విషయం మీ అందరికీ ముందే తెలిసి కూడా నా దగ్గర అబద్దాలు ఆడారా మీరందరూ బాగా నటించారు అని అంటాడు రిషి.
మీరందరూ నిజం తెలిసి కూడా చెప్పకపోవడంతో నేను పిచ్చోన్ని అయ్యాను. మీరందరూ గొప్ప నటీనటులు మీ అందరికీ తెలిసి కూడా నాకు నిజం చెప్పలేదు అనడంతో ఎవరు ఏం మాట్లాడకుండా మౌనంగా తలదించుకుంటారు. అప్పుడు రిషి అందర్నీ కలిసి నిలదీస్తాడు. అప్పుడు జగతిని నిలదీస్తూ రిషి అంత బాధ పడుతున్నాడు నిజం చెప్పి తన బాధను తగ్గిద్దామని మీకు అనిపించలేదా మేడం అని అంటాడు. ఇప్పుడు జగతి అసలు విషయం చెప్పడానికి ప్రయత్నించగా రిషి ఏం మాట్లాడకండి అని అంటాడు. నేను ప్రతి ఒక్క విషయంలో మిమ్మల్ని గౌరవంగానే చూస్తున్నాను కదా మేడం అలాంటప్పుడు నా దగ్గర నిజం దాచాలని ఎలా అనిపించింది అని బాధగా మాట్లాడుతాడు రిషి.
నాకు ప్రతిఫలంగా మీరు ఇచ్చిన గిఫ్ట్ ఇదేనా మేడం అని అడుగుతాడు రిషి. మీరు కూడా నా దగ్గర నిజం దాచారా సార్ అని చక్రపాణి ని అంటాడు. అప్పుడు రిషి వసుధారని అపార్థం చేసుకుంటూ ఓహో నువ్వు దాపరికాలు వీళ్లకు కూడా అండగట్టావా అని అనడంతో వసుధార షాక్ అవుతుంది. అప్పుడు రిషి కోపంతో అందరినీ అపార్థం చేసుకుంటూ మాట్లాడుతాడు. అంతలా బాధపడుతుంటే మీరందరూ లోలోపల సంతోషపడ్డారు కదా ఇదేం రాక్షస ఆనందం అని అనడంతో అందరూ షాక్ అవుతారు. నా మనసుకు గాయం అయింది అందరూ కలిసి నా మనసుకు గాయం చేశారు నా మనసును బాధపెట్టారు అంటాడు.
వసుధార నీ మెడలో తాళి ఎవరు కట్టారు అని కొన్ని వందలసార్లు అడిగాను ఏవేవో సమాధానం చెప్పింది. నాకు పరీక్షలు పెట్టింది అని బాధగా మాట్లాడుతాడు రిషి. మీరందరూ కూడా నా కళ్ళకు గంతలు కట్టి ఒక ఆట ఆడుకున్నారు నా జీవితంతో ఒక ఆట ఆడుకున్నారు అని అంటాడు. అప్పుడు రిషి అందరిని కలిపి నిలదీస్తూ వసుధార తన మెడలో వేసుకున్న తాలిని మీరు సమర్థిస్తున్నారా అని అడుగుతాడు. ఇప్పుడు అందరూ ఏం మాట్లాడాలో తెలియక మౌనంగా తలదించుకుంటారు.
