రవితేజ డ్యూటీలో జాయిన్‌ అయ్యేది అప్పుడే.. `రామారావు ఆన్ డ్యూటీ` రిలీజ్ డేట్ ఫిక్స్..
మాస్‌ మహారాజా రవితేజ నటిస్తున్న లేటెస్ట్ మూవీ `రామారావు ఆన్ డ్యూటీ`. అనేక వాయిదాల అనంతరం ఈ చిత్రం ఎట్టకేలకు విడుదలకు సిద్ధమయ్యింది.
మాస్‌ మహారాజా రవితేజ నుంచి వస్తోన్న మరో సినిమా `రామారావు ఆన్ డ్యూటీ`. ఆయన ప్రభుత్వ అధికారిగా కనిపించబోతున్న చిత్రమిది. శరత్‌ మండవ దర్శకత్వం వహించారు. పలు మార్లు వాయిదా పడుతూ వస్తోన్న ఈ చిత్రం ఎట్టకేలకు రిలీజ్‌కి రెడీ అయ్యింది. తాజాగా కొత్త రిలీజ్ డేట్‌ని ప్రకటించారు. జులై 29న విడుదల చేయనున్నట్టు ప్రకటించింది యూనిట్‌.
ఇందులో రవితేజకి జోడీగా దివ్యాంశ కౌశిక్‌, రజిషా విజయన్‌ హీరోయిన్లుగా నటించారు. మరోవైపు ఈ చిత్రంతో సీనియర్‌ నటుడు వేణు తొట్టెంపూడి రీఎంట్రీ ఇస్తున్నారు. సుధాకర్‌ చెరుకూరి నిర్మిస్తున్న ఈ సినిమాలో రవితేజ డిప్యూటీ కలెక్టర్‌గా నటిస్తున్నారు. పోలీస్‌గా అనేక సినిమాలు చేసిన విజయాలు అందుకున్న రవితేజ ఇప్పుడు ఓ ప్రభుత్వ అధికారికగా కనిపించడం విశేషం.
ఇదిలా ఉంటే వరుస ఫ్లాప్‌ల అనంతరం `క్రాక్‌` చిత్రంతో సూపర్‌ హిట్‌ అందుకున్నారు రవితేజ. పోలీస్‌గా నటించిన ఈ కమర్షియల్ యాక్షన్‌ ఎంటర్‌టైన్‌ ఆడియెన్స్ ని ఆకట్టుకుంది. మంచి వసూళ్లని రాబట్టింది. దీంతో మళ్లీ పుంజుకున్నారు మాస్‌రాజా. ఆ తర్వాత వచ్చిన `ఖిలాడీ` నిరాశ పరిచింది. డిజాస్టర్‌గా మిగిలింది. దీంతో మళ్లీ కెరీర్‌ మొదటికొచ్చిందా? అనేట్టుగా మారిపోయింది. ఈ నేపథ్యంలో ఇప్పుడు ఆశలన్నీ `రామారావు ఆన్ డ్యూటీ`పైనే పెట్టుకున్నారు.
ఇప్పటికే విడుదలైన ఈ చిత్ర టీజర్‌, పాటలు ఆద్యంతం ఆకట్టుకున్నాయి. సినిమాలపై అంచనాలు పెంచాయి. సినిమా సినిమా ఎలా ఉండబోతుందో చూడాలి. దీంతోపాటు రవితేజ వరుస సినిమాలతో బిజీగా ఉన్నారు. `రావణాసురుడు`, `ధమాకా`, `టైగర్‌ నాగేశ్వరరావు` బయోపిక్‌ చిత్రాలు చేస్తున్నారు. గ్యాప్ లేకుండా సినిమాలు చేస్తూ ఆదర్శంగా నిలుస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
