ధనుష్ తో రొమాన్స్ చేయబోతున్న రష్మిక మందన్న.. D51 లో హీరోయిన్ గా నేషనల్ క్రష్.. అఫీషియల్
స్టార్ హీరోయిన్ రష్మిక మందన్న మరో బంపర్ ఆఫర్ దక్కించుకుంది. తమిళ స్టార్ ధనుష్ సరసన నటించే ఛాన్స్ సొంతం చేసుకుంది. ఈ మేరకు యూనిట్ నుంచి అధికారిక ప్రకటన అందింది.
 )
Followటాలీవుడ్ స్టార్ హీరోయిన్, నేషనల్ క్రష్ రష్మిక మందన్న (Rashmika Mandanna) కెరీర్ జోరుమీద సాగుతున్న విషయం తెలిసిందే. తెలుగు, హిందీలోనే కాకుండా తమిళంలో ఏకంగా స్టార్ హీరోలకు జోడీగా నటిస్తోంది. ఇప్పటికే విజయ్ దళపతి సరసన ‘వారసుడు’లో నటించి మెప్పించిన విషయం తెలిసిందే. ఇక ఇప్పుడు కోలీవుడ్ కు చెందిన మరో బిగ్ స్టార్ ధనుష్ (Dhanush) సరసన నటించే ఛాన్స్ సొంతం చేసుకుంది. ఇందుకు సంబంధించిన అధికారిక ప్రకటన కూడా విడుదలైంది.
జాతీయ అవార్డు గ్రహీత నటుడు ధనుష్ తన 51వ సినిమాను టాలీవుడ్ మోస్ట్ సెన్సిబుల్ డైరెక్టర్, నేషనల్ అవార్డ్ విన్నింగ్ ఫిల్మ్ మేకర్ శేఖర్ కమ్ముల (Sekhar Kammula) డైరెక్షన్ లో నటిస్తున్న విషయం తెలిసిందే. ఇప్పటికే ధనుష్ డైరెక్ట్ తెలుగు ఫిల్మ్ ‘సార్’తో మంచి హిట్ సొంతం చేసుకున్నారు. ఇప్పుడు రెండోసారి తెలుగులో సినిమా చేస్తున్నారు. ఈసారి భారీ స్కేల్లో సినిమాను రూపొందించేందుకు ఏర్పాట్లు చేస్తున్నారు. ఇప్పటికే పూజా కార్యక్రమాలు అవగా షూటింగ్ ప్రారంభం కావాల్సి ఉంది. త్వరలో సెట్స్ లోకి వెళ్లేందుకు అన్ని ఏర్పాట్లు జరుగుతున్నాయి. తాజాగా చిత్రానికి సంబంధించిన అధికారిక ప్రకటన వచ్చింది.
శ్రీ నారాయణ్ దాస్ కె నారంగ్ ఆశీస్సులతో, సునీల్ నారంగ్ పుస్కుర్ రామ్ మోహన్ రావు క్రేజీ ప్రాజెక్ట్ #D51ని వారి నిర్మాణ సంస్థ శ్రీ వెంకటేశ్వర సినిమాస్ LLP (ఏషియన్ గ్రూప్ యొక్క యూనిట్), అమిగోస్ క్రియేషన్స్ ప్రైవేట్ లిమిటెడ్ సోనాలితో కలిసి నిర్మించనున్నారు. నారంగ్ ఈ చిత్రాన్ని సమర్పిస్తున్నారు. అయితే ఈ చిత్రంలో హీరోయిన్ గా నటించేందుకు రష్మిక మందన్న (Rashmika Mandanna)ను ఎంపికచేసినట్టు అధికారికంగా ప్రకటించారు. ధనుష్, శేఖర్ కమ్ముల, శ్రీ వెంకటేశ్వర సినిమాస్ ఎల్‌ఎల్‌పితో రష్మిక మందన్నకు ఇది మొదటి సినిమా కావడం విశేషం. ఇక ఈ చిత్రంలోనే కింగ్ నాగార్జున కూడా కీలక పాత్ర పోషించనున్నారని టాక్ వినిపిస్తోంది. దీనిపై అధికారిక ప్రకటన రావాల్సి ఉంది.
అసాధారణమైన చిత్రాలతో గుర్తింపు తెచ్చుకున్న శేఖర్ కమ్ముల, ధనుష్‌ని మునుపెన్నడూ చూడని క్యారెక్టర్‌లో ప్రెజెంట్ చేయడానికి యూనిక్ సబ్జెక్ట్ రాసుకున్నాడు. ఈ ప్రాజెక్ట్‌లో భాగం కావడానికి మేకర్స్ చాలా పెద్ద పేర్లతో చర్చలు కూడా జరుపుతున్నారు. ఇతర నటీనటులు, సాంకేతిక నిపుణుల వివరాలను త్వరలో తెలియజేయనున్నారు. ఇక రష్మిక ‘పుష్ప2 : ది రూల్’, ‘యానిమల్’, ‘రెయిన్ బో’ వంటి చిత్రాల్లో నటిస్తున్న విషయం తెలిసిందే.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
