వెన్నెల ప్రేమ కథనం.. `కోలు కోలు కోలమ్మ కోలు.. `.. దూసుకుపోతున్న `విరాటపర్వం` సాంగ్‌
రానా దగ్గుబాటి, సాయిపల్లవి జంటగా నటిస్తున్న చిత్రం `విరాటపర్వం`. వేణు ఉడుగుల దర్శకత్వంలో రూపొందుతున్న విప్లవాత్మక చిత్రమిది. సురేష్‌బాబు, సుధాకర్‌ చెరుకూరి నిర్మిస్తున్నారు. ఇప్పటికే విడుదలైన ఈ చిత్ర టీజర్, ఫస్ట్ లుక్‌లు సినిమాపై అంచనాలను పెంచాయి. తాజాగా ఈ చిత్రంలోని సాంగ్‌ని విడుదల చేశారు.
రానా దగ్గుబాటి, సాయిపల్లవి జంటగా నటిస్తున్న చిత్రం `విరాటపర్వం`. వేణు ఉడుగుల దర్శకత్వంలో రూపొందుతున్న విప్లవాత్మక చిత్రమిది. సురేష్‌బాబు, సుధాకర్‌ చెరుకూరి నిర్మిస్తున్నారు. ఇప్పటికే విడుదలైన ఈ చిత్ర టీజర్, ఫస్ట్ లుక్‌లు సినిమాపై అంచనాలను పెంచాయి. తాజాగా ఈ చిత్రంలోని సాంగ్‌ని విడుదల చేశారు.
`కోలు కోలు కోలమ్మ కోలు.. ` అంటూ సాగే జానపద పాటని విక్టరీ వెంకటేష్‌ గురువారం సాయంత్రం విడుదల చేశారు. ఇప్పటికే తన మైండ్‌లో ఈ పాట స్ట్రక్‌ అయిపోయిందని ఈ సందర్భంగా వెంకీ తెలియజేయడం విశేషం. ఇక దర్శకుడు పాట విడుదల సందర్భంగా చెబుతూ, `స్త్రీ ప్రేమ, అనంతమైన కథనాలను నిశ్శబ్దంగానే ప్రపంచానికి అందిస్తుంది. ఈ రోజు `కోలు కోలు..` పాట ద్వారా వెన్నెల ప్రేమ కథనం` అని పేర్కొన్నారు.
ఆద్యంతం జానపద పాట తరహాలో స్టో మోషన్‌లో అద్భుతమైన ప్రకృతి లొకేషన్లతో సాగుతూ ఆద్యంతం ఆకట్టుకుంటుంది. వినసొంపుగా ఉంది. ఇందులో వెన్నెల పాత్రలో నటిస్తున్న సాయిపల్లవి పాడుతున్నట్టుగా ఈ పాట సాగడం విశేషం. ఇందులో సాయిపల్లవి చిత్రాలు కట్టిసడేస్తున్నాయి. అడవి, పల్లెలు, పల్లెటూరి పిల్ల ఇలా ప్రకృతి రమణీయతకు అద్దం పట్టిందీ పాట. అదే సమయంలో చైతన్యం నింపేలా ఉంది. ఈ పాటని చంద్రబోస్‌ రాయగా, దివ్య మాలికా, సురేష్‌ బొబ్బిలి ఆలపించారు. సురేష్‌ బొబ్బిలి సంగీతం అందించారు.
నక్సల్‌ రవన్న అలియాస్‌ డాక్టర్‌ రవిశంకర్‌ జీవితం ఆధారంగా ఈ సినిమాని రూపొందిస్తున్నారు దర్శకుడు వేణు ఉడుగుల. నక్సల్‌ పోరాటం, విప్లవ భావాలు, కమ్యూనిస్టు ఉద్యమాలు 1990లో ఎలా ఉండేవనే అంశాలను ఈ చిత్రంలో చూపించబోతున్నారు. ఈ సినిమాని ఏప్రిల్‌ 30న విడుదల చేయబోతున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
