స్కంద కోసం భారీగా బరువు పెరిగిన రామ్ పోతినేని, ఇస్మార్ట్ హీరో జిమ్ పిక్ వైరల్..
మాస్ ఇమేజ్ టార్గెట్ గా బాగా కష్టపడుతున్నారు రామ్ పోతినేని. దానికి తగ్గట్టే హార్డ్ వర్క్ కూడా చేస్తున్నాడు. తాజాగా స్కంద మూవీ కోసం రామ్ భారీగా బరువు కూడా పెరిగాడట.
మాస్ ఇమేజ్ కోసం గట్టిగా ప్రయత్నాలు చేస్తున్నాడు రామ్ పోతినేని. అందులో భాగంగా చాలా ప్రయత్నాలు చేయగా.. రామ్ కు ఇస్మార్ట్ శంకర్ బాగా కలిసి వచ్చింది. మాస్ హీరోగా అద్భుతంగా నటించి సూపర్ హిట్ కొట్టాడు రామ్. ఇక ఆతరువాత కూడా లవర్ బాయ్ ఇమేజ్ ను పక్కన పెట్టి .. వరుసగా మాస్ సినిమాలే చేసుకుంటూ వచ్చాడు.కాని ఏ సినిమా అతనికి కలిసి రాలేదు. దాంతో ఊరమాస్ సినిమాల దర్శకుడు బోయపాటి శ్రీనుని నమ్మకున్నాడు. మాస్ ఆడియెన్స్‌ ను తన వైపు తిప్పుకుని.. వారికి ద‌గ్గ‌ర‌వ్వాల‌నే ఉద్దేశంతో మాస్ క‌థ‌ల వైపే మొగ్గుచూపుతున్నాడు.
ప్రస్తుతం రామ్, బోయపాటి శ్రీను కాంబోలో రాబోతున్నసినిమా స్కంద. ఈసినిమా రేపు( సెప్టెంబర్ 28) రిలీజ్ కు రెడీ అయ్యింది. సినిమాపై జనాల్లో మాములు అంచనాల్లేవు. బోయపాటి వైలెన్స్‌ ఈ సారి ఊహించిన దానికంటేఎక్కువగా కనిపించబోతున్నట్టు.. గ్లింప్స్‌, ట్రైలర్‌ చూస్తేనే తెలుస్తోంది. ముందుగా వినాయక చవితి వీక్‌ అనుకున్నా.. పలుకారణాల వల్ల రెండు వారాలు అంటే సెప్టెంబర్ 28కు సినిమాను పోస్ట్‌ పోన్‌ చేశారు. రేపు ఈ పాటికి థియేటర్లు దద్దరిల్లిపోతుంటాయి.
ఇక మాస్ ఇమేజ్ కోసం ఆరాటపడుతున్న రామ్.. స్కంద కోసం భారీగా హోమ్ వర్క్ చేసినట్టు తెలుస్తోంది. ఈ సినిమా కోసం రామ్ తెగ కష్టపడ్డాడని ఆయన ట్రాన్స్‌ఫర్‌మేషన్‌ చూస్తే ఇట్టే తెలిసిపోతుంది. ఇక ఈ సినిమాలో క్యారెక్టర్‌ కోసం రామ్ తన లుక్‌తో పాటు బాడీకి కూడా బాగానే పని చెప్పాడట. ఎంతలా అంటే క్యారెక్టర్‌ కోసం 12కిలోల బరువు పెరిగాడట. బాడీ షేప్‌ పర్‌ఫెక్ట్‌గా రావడానికి జిమ్‌లో భారీగా కసరత్తులు చేశాడట.
ఇక రామ్ లుక్ కు సబంధించిన ఓ పోస్టర్ ప్రస్తుతం సోషల్ మీడియాలో వైరల్ అవుతోంది. అవుట్ అండ్ అవుట్ యాక్షన్‌ ఎంటర్‌టైనర్‌గా తెరకెక్కిన ఈ సినిమాలో రామ్‌కు జోడీగా శ్రీలీల నటించింది. థమన్‌ సంగీతం అందిస్తున్నాడు. ఇప్పటికే రిలీజైన అన్ని పాటలు బాగా రెస్పాన్స్ సాధించాయి. అంతే కాదు ఈ సినమిాకు బిజినెస్ కూడా భారీగా జరిగిందట. మరి రామ్ కష్టానికి ఈసినిమాతో మంచి ఫలితం లభిస్తుందా లేదా చూడాలి.
