Unstoppable Promo: బాలయ్యకి చుక్కలు చూపించిన రాజమౌళి.. నాలుక కర్చుకున్న `అఖండ` స్టార్‌
బాలకృష్ణకి ఝలక్‌ ఇచ్చాడు దర్శక ధీరుడు రాజమౌళి. సింపుల్‌గా చెప్పాలంటే అందరి ముందు చుక్కలు చూపించారు. జస్ట్ సైలెంట్‌గానే నటసింహానికి షాకిచ్చాడు. దీంతో ఇప్పుడిది వైరల్‌గా మారింది.
 )
Followనట సింహా, మాస్‌కి మరో పేరైన బాలకృష్ణ(Balakrishna)తో ఆటలంటే మామూలు విషయం కాదు. ఆయనతో మాట్లాడాలంటేనే చాలా మంది భయపడతారు. ఆయన ముందు ఎవరైనా టింగరి వేషాలేశారంటే ఇక దబిడిదిబిదే. పైగా ఇటీవల `అఖండ` విజయంతో మంచి ఊపులో ఉన్నారు బాలయ్య. అలాంటి బాలకృష్ణకి ఝలక్‌ ఇచ్చాడు దర్శక ధీరుడు రాజమౌళి(Rajamouli). సింపుల్‌గా చెప్పాలంటే అందరి ముందు చుక్కలు చూపించారు. జస్ట్ సైలెంట్‌గానే నటసింహానికి షాకిచ్చాడు. దీంతో ఇప్పుడిది వైరల్‌గా మారింది. మరి ఇంతకి ఏం జరిగిందంటే..
దర్శకధీరుడు ఎస్‌ఎస్‌ రాజమౌళి తెలుగు సినిమా స్థాయిని అమాంతం పెంచేశారు. `బాహుబలి`తో ఇంటర్నేషనల్‌ సినిమాకి తెలుగు సినిమా సత్తాని రుచి చూపించారు Rajamouli. ఇప్పుడు `ఆర్‌ఆర్‌ఆర్‌`(RRR)తో ఇంటర్నేషనల్‌ మార్కెట్ పై కన్నేశారు. ఈ సినిమా విడుదలకు సిద్ధమవుతున్న నేపథ్యంలో బ్యాక్‌ టూ బ్యాక్‌ పలు షోస్‌, ఈవెంట్లలో పాల్గొంటూ సినిమాకి కావాల్సినంతా ప్రమోషన్‌ చేస్తున్నారు రాజమౌళి. తాజాగా ఆయన బాలకృష్ణ హోస్ట్ గా చేస్తున్న `అన్స్టాపబుల్ విత్‌ ఎన్బీకే` షోలో పాల్గొన్నారు. మ్యూజిక్‌ డైరెక్టర్‌ కీరవాణితో కలిసి సందడి చేశారు. Unstappable Showలో మొదటగా రాజమౌళి.. బాలకృష్ణకి చుక్కలు చూపించారని చెప్పొచ్చు.
బాలయ్య హోస్ట్ గా చేస్తున్న `అన్స్టాపబుల్ విత్‌ ఎన్బీకే` టాక్‌ షో ఓటీటీ ఫ్లాట్‌ఫామ్‌ అయిన `ఆహా`లో ప్రసారమవుతుంది. ప్రస్తుతం ఎపిసోడ్‌ ఐదుకి చేరుకుంది. ఇప్పటికే ఇందులో మోహన్‌బాబు ఫ్యామిలీ, నాని, `అఖండ` టీమ్‌, మహేష్‌బాబు వంటి వారు పాల్గొన్నారు. ఇప్పుడు ఏకంగా రాజమౌళి సందడి చేశారు. రాజమౌళితోపాటు మ్యూజిక్‌ డైరెక్టర్‌ ఎంఎం కీరవాణి ఈ షోలో పాల్గొన్నారు. వీరిమధ్య అనేక ఆసక్తికర విషయాలు చర్చకు వచ్చినట్టు తెలుస్తుంది. తాజాగా బుధవారం ఈవినింగ్‌ లేటెస్ట్ ఎపిసోడ్‌ ప్రోమో విడుదల చేశారు. ఇందులో బాలకృష్ణ, రాజమౌళి మధ్య జరిగిన కన్వర్జేషన్‌ వైరల్‌గా మారడం విశేషం.
రాజమౌళికి గ్రాండ్‌గా వెల్‌కమ్‌ పలికారు బాలకృష్ణ. ఆ తర్వాత ప్రశ్నల వర్షం కురిపించారు. `మీరు ఆల్‌రెడీ ఇంటలిజెంట్‌ అని, అఛీవర్‌ అని అందరికి తెలుసు. కానీ ఇంకా ఆ తెల్ల గెడ్డం ఎందుకు?` అని ప్రశ్నించాడు బాలయ్య. దీనికి రాజమౌళి ఏం స్పందించలేదు. చేయితో గెడ్డం తడుముకున్నారు. `ఇప్పటి వరకు మనకు సినిమా పడలేదు. అభిమానులు బాలయ్యతో సినిమా ఎప్పుడని మిమ్మల్ని అడిగితే ఏం చెబుతారు? అని అడిగాడు బాలకృష్ణ. అందుకు రాజమౌళి మీసాలు మెలేశాడు. దీంతో బాలయ్య షాక్‌కి గురయ్యారు. అయినా ఏమనలేదు.
మరో ప్రశ్న అడిగారు బాలకృష్ణ.. `మీతో సినిమా చేస్తే ఇండస్ట్రీకి హిట్‌ ఇస్తారు. ఆ తర్వాత రెండు మూడు సినిమాలు ఫసక్కేకదా? అని అడగ్గా.. తలదువ్వుకున్నారు జక్కన్న. దీంతో బాలయ్య బిత్తర మోహం వేశాడు. ఇక లాభం లేదని `ఏంటీ సమాధానాలు చెప్పరేంటి? రాజమౌళి అని అడగ్గా..ఎట్టకేలకు జక్కన్న స్పందించారు. `మీకు తెలుసు. నాకు తెలుసు. షూట్‌ చేసే వాళ్లకి తెలుసు. అందరికి తెలుసు. ఇది ప్రోమో అని` అని చెప్పగా బాలయ్య నాలుక కర్చుకున్నారు. `అన్ని సమాధానాలు ఎపిసోడ్‌లో చెబుతా` అని రాజమౌళి తెలిపారు. దీంతో ప్రస్తుతం ఈ ప్రోమో తెగ వైరల్‌ అవుతుంది. పూర్తి ఎపిసోడ్‌ ఈ నెల 17న ప్రసారం కానుంది.
బాలకృష్ణ, బోయపాటి శ్రీను కాంబినేషన్‌లో వచ్చిన మూడో సినిమా `అఖండ` ఇటీవల విడుదలై సంచలన విజయం సాధించింది. ఇది బాక్సాఫీసు వద్ద పూనకాలు సృష్టిస్తుంది. వంద కోట్ల వరకు కలెక్షన్లని రాబట్టడం విశేషం. దీంతో విజయయాత్రని నిర్వహిస్తున్నారు. మరోవైపు రాజమౌళి.. ఎన్టీఆర్, రామ్‌చరణ్‌ హీరోలుగా `ఆర్‌ఆర్‌ఆర్‌` రూపొందించారు. ఈ సినిమా జనవరి 7న విడుదల కానుంది. దీంతో సినిమా ప్రమోషన్లు షురూ చేశారు టీమ్‌. అందులో భాగంగా రాజమౌళి ఇలా షోస్‌లో పాల్గొంటూ సందడి చేస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
