Asianet News TeluguAsianet News Telugu

'సాహో' రిలీజ్ కి ముందే రికార్డులు.. 'బాహుబలి'కి మించి!

ఇంటర్నేషనల్ స్టార్ ప్రభాస్ నటించిన ‘సాహో’ చిత్రం భారీ అంచనాల నడుమ ఆగస్టు 30న ప్రేక్షకుల ముందుకు రానుంది. ప్యాన్ ఇండియా చిత్రంగా ప్రపంచ వ్యాప్తంగా విడుదలౌతున్న ఈ చిత్రం విడుదలకు ముందే రికార్డుల వేట మొదలుపెట్టింది.
 

prabhas saaho breaks baahubali records in tamil nadu
Author
Hyderabad, First Published Aug 28, 2019, 4:55 PM IST
  • Facebook
  • Twitter
  • Whatsapp

ప్ర‌భాస్ హీరోగా సుజిత్ ద‌ర్శ‌క‌త్వంలో రూపొందుతోన్న భారీ యాక్ష‌న్ ఎంట‌ర్‌టైన‌ర్ ‘సాహో’. బాలీవుడ్ స్టార్ హీరోయిన్ శ్ర‌ద్ధాక‌పూర్ హీరోయిన్‌గా నటించిన ఈ చిత్రం ఆగ‌స్ట్ 30న తెలుగు, త‌మిళ‌, మ‌ల‌యాళ‌, హిందీ భాష‌ల్లో ప్ర‌పంచవ్యాప్తంగా భారీ స్దాయిలోథియేటర్లలో విడుదలకు సిద్ధమవుతోంది.

ఈ సినిమా ఇండస్ట్రీలో సరికొత్త రికార్డులను నెలకొల్పుతుందని భావిస్తున్నారు. ఇంకా ఒక్క షో కూడా పడకుండా రికార్డుల వేట మొదలెట్టింది ఈ సినిమా. బుకింగ్స్ లో ఈ సినిమా బాక్సాఫీస్ ని షేక్ చేస్తోంది. రికార్డ్ స్థాయిలో టికెట్లు  అమ్ముడవుతున్నాయి.

చాలా థియేటర్లకు హౌస్ ఫుల్ బోర్డులు పెట్టేశారు. తెలుగులో ఈ సినిమాకి భారీ ఓపెనింగ్స్ రావడం ఖాయమనిపిస్తోంది. ఇక తమిళంలో భారీ ఓపెనింగ్స్ రాబట్టడానికి నిర్మాతలు ప్లాన్ చేస్తున్నారు. ఒక్క తమిళనాడులో ఈ చిత్రాన్ని 550 స్క్రీన్స్‌లో భారీగా విడుదల చేస్తున్నారు. 

'బాహుబలి: ది కన్‌క్లూజన్‌' సినిమాను తమిళంలో మొత్తం 525 స్క్రీన్ లలో ప్రదర్శిస్తే.. ఇప్పుడు ఆ రికార్డ్ ని 'సాహో' బ్రేక్ చేసింది. విడుదలకు ముందే తమిళంలో రికార్డులు సృష్టించడం మొదలుపెట్టింది. ఈ సినిమా రిలీజ్ కి ఒక్కరోజుకి మాత్రమే ఉండడంతో థియేటర్ల వద్ద అభిమానుల సందడి మొదలైంది. భారీ కటౌట్స్ తో థియేటర్స్ ని  అలంకరిస్తున్నారు.  

Follow Us:
Download App:
  • android
  • ios