చిరంజీవి కోసం ప్రభాస్.. అభిమానులతో ముచ్చట్లు.. ఏం చెప్పబోతున్నాడు..?
చిరంజీవి కోసం ప్రభాస్ కదిలారు. ఆయనకు ప్రత్యేకంగా బర్త్ డే శుభాకాంక్షలు చెప్పేందుకు వస్తున్నారు. మెగా అభిమానులతో డైరెక్ట్ గా ప్రభాస్ ముచ్చటించబోతుండటం విశేషం. ఈ రోజు శనివారం సాయంత్రం హైదరాబాద్‌లో మెగా అభిమానుల ఈవెంట్‌ జరుగుతుంది.
మెగాస్టార్ చిరంజీవి బర్త్ డే సందడి షురూ అయ్యింది. చిరంజీవి బర్త్ డే అంటే టాలీవుడ్‌లో ఓ పండగ వాతావరణం నెలకొంటుందనే విషయం తెలిసిందే. రెండు రోజుల పాట సందడే సందడి. మెగాస్టార్ నామ స్మరణం జరుగుతుంది. సెలబ్రిటీల నుంచి అభిమానుల వరకు, రాజకీయాలకు అతీతంగా మెగాస్టార్ అభిమానులు ఆయనకు విషెస్‌ని చెప్పడం, ఆయన సినిమాలతో ఆనందించడం చేస్తుంటారు.
తాజాగా చిరంజీవి కోసం ప్రభాస్ కదిలారు. ఆయనకు ప్రత్యేకంగా బర్త్ డే శుభాకాంక్షలు చెప్పేందుకు వస్తున్నారు. మెగా అభిమానులతో డైరెక్ట్ గా ప్రభాస్ ముచ్చటించబోతుండటం విశేషం. ఈ రోజు శనివారం సాయంత్రం హైదరాబాద్‌లో మెగా అభిమానుల ఈవెంట్‌ జరుగుతుంది. చిరంజీవి బర్త్ డే సందర్భంగా ప్రతి ఏడాది ఫ్యాన్స్ మీటింగ్‌ జరుగుతుంటుంది. ఇందులో మెగా ఫ్యామిలీ హీరోలు సందడి చేస్తుంటారు.
అందులో భాగంగా ఈ సారి ప్రభాస్ లైవ్లోకి రాబోతున్నారు. ఆయన జూమ్‌ వీడియో ద్వారా మెగా అభిమానులతో ముచ్చటించబోతున్నారు. అయితే చిరంజీవి గురించి ప్రభాస్ ఏం చెప్పబోతున్నాడు. చిరుకి ఎలా విషెస్‌ చెప్పబోతున్నాడు, మెగా ఫ్యాన్స్ తో ఆయన ఏం మాట్లాడబోతున్నాడనేది ఇప్పుడు సర్వత్రా ఆసక్తికరంగా మారింది. ఇదిలా ఉంటే చిరంజీవికి సంబంధించిన మరో అప్‌డేట్‌ రాబోతుంది. బాబీ దర్శకత్వంలో చిరంజీవి నటించబోతున్న `మెగా154`చిత్రానికి సంబంధించిన అప్‌డేట్‌ని కాసేపట్లో ఇవ్వబోతున్నట్టు యూనిట్‌ తెలిపింది.
ప్రస్తుతం చిరంజీవి `ఆచార్య`లో నటిస్తున్నారు. దీంతోపాటు ఇటీవలే `చిరు153` చిత్రాన్ని ప్రారంభించారు. మోహన్‌రాజా దర్శకత్వం వహిస్తున్నారు. దీంతోపాటు మెహర్‌ రమేష్‌తో సినిమాకి సంబంధించిన అప్‌డేట్‌ కూడా చిరు బర్త్ డే సందర్బంగా రాబోతుంది. అంతేకాదు `ఆచార్య` చిత్ర విడుదల తేదీపై కూడా క్లారిటీ వచ్చే అవకాశాలున్నాయి. ఈ రెండు రోజులు మెగా అభిమానులకు పండగే పండగ.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
