ఆదిపురుష్ ట్రైలర్ కోసం దేశం మొత్తం ఎదురుచూస్తుంది. ఈ క్రమంలో నేడు ఐదు భాషల్లో ట్రైలర్ విడుదల చేశారు.
రామాయణం అందరికీ తెలిసిన గాథే. ప్రతి హిందువు దాన్ని కంఠస్త పడతారు. ప్రతి దేవాలయం మీద రామాయణం వినిపిస్తుంది. రామాయణం కాలాలకు అతీతమైంది అంటారు. అంటే ఆధునిక సమాజానికి కూడా రామాయణం వర్తిస్తుంది. మంచి భర్త, భార్య, అన్నదమ్ముల అనుబంధం, ఆడవాళ్ళ మర్యాద, గొప్ప పాలన వంటి విషయాలు రామాయణంలో చూడవచ్చు. ఇక రామాయణం తెలుపుతూ వందల చిత్రాలు తెరకెక్కాయి. కొన్ని సంపూర్ణ రామాయణాలు కాగా మరికొన్ని రామాయణంలోని ప్రధాన ఘట్టాల ఆధారంగా తెరకెక్కాయి.
అందరికీ తెలిసిన కథను మెప్పించేలా తెరకెక్కించడం పెద్ద ఛాలెంజ్. దర్శకుడు ఓం రౌత్, ప్రభాస్ ఈ సాహసానికి పూనుకున్నారు. ఆదిపురుష్ చిత్రంతో మరోసారి రామాయణ గాథను ఆడియన్స్ కి చెప్పాలనుకున్నారు. గత ఏడాది విడుడైన ఆదిపురుష్ టీజర్ విమర్శల పాలైంది. విజువల్స్, ప్రధాన పాత్రలు గెటప్స్ చూసి ఆడియన్స్ వ్యతిరేకత వ్యక్తం చేశారు. ఈ కారణంతోనే ఆదిపురుష్ మూవీ ఆరు నెలలు విడుదల వాయిదా పడింది.
ఈ క్రమంలో ట్రైలర్ ద్వారా ఆ నెగిటివిటీ పోగొట్టాలి. అంచనాలు పెంచేయాలని యూనిట్ భావించింది. అందుకే మూడు నిమిషాలకు పైగా ఉన్న ట్రైలర్ విడుదల చేశారు. ట్రైలర్ లో రావణాసురుడు సీతను అపహరించడానికి కారణాలు, సీత కోసం రాముడు పోరాటం వంటి సన్నివేశాలతో నింపారు. టీజర్ తో పోల్చుకుంటే ట్రైలర్ చాలా బెటర్ అని చెప్పొచ్చు. సీత కోసం రాముని సంఘర్షణ చూపించారు. రామునిగా ప్రభాస్ డైలాగ్స్ ఒకింత నిరాశపరిచాయి. ఆయన వాయిస్ పెద్దగా సెట్ కాలేదు.
రామునిగా ఆయన గెటప్ బాగుంది. సీత పాత్రలో కృతిసనన్ మెప్పించారు. టీజర్ తో పోల్చితే ట్రైలర్ ఉన్నతంగా ఉంది. ‘‘ఇది నా రాముడి కథ. ఆయన మనిషిగా పుట్టిన భగవంతుడైన మహనీయుడు. ఆయన జీవితం ధర్మానికి, సన్మార్గానికి నిదర్శనం. ఆయన నామం రాఘవ. ఆయన ధర్మం అధర్మానికి ఉన్న అహంకారాన్ని అంతం చేసింది. ఇది ఆ రఘునందుడి గాథ. యుగయుగాల్లోనూ సజీవం.. జాగ్రుతం. నా రాఘవుడి కథే రామాయణం.. ’’ అంటూ హనుమంతుడు చెబుతుండగా ట్రైలర్ ప్రారంభం అవుతుంది. ఆ వెంటనే భిక్షాందేహీ అంటూ రావణుడు ఎంట్రీ.. సీతను ఎత్తుకుపోవడం కనిపిస్తుంది. సీత తీసుకు రావడానికి లక్ష్మణుడు అయోధ్య సైన్యాన్ని తీసుకువద్దాం అని చెబుతాడు. అది మర్యాద కాదంటూ రాముడు వద్దంటాడు. సీత తనకు ప్రాణమే అయినా.. ప్రాణం కంటే మర్యాదే ముఖ్యం అని చెప్పడం రాముడి పాత్ర ఔచిత్యాన్ని సూచిస్తుంది. ట్రైలర్ ను బట్టి చూస్తే ఆదిపురుష్ రామాయణ కావ్యం మొత్తం కాకుండా కేవలం సీతాపహరణం ఎపిసోడ్ ను మాత్రమే చూపించేలా కనిపిస్తోంది.
చివర్లో వచ్చిన రామ రావణ యుద్ధానికి నేటి ఆధునిక టెక్నాలజీని జోడించినట్టు కనిపిస్తోంది. ఇది సినిమాకు ప్రధాన బలంగా ఉండే అవకాశం ఉంది.విజువల్స్ పరంగా సింప్లీ సూపర్బ్. మొదట్లో వచ్చిన విమర్శలకు దీటైన జవాబులా విజువల్ ఎఫెక్ట్స్, గ్రాఫిక్స్ కనిపిస్తున్నాయి. రాముడు ప్రభాస్, సీతగా కృతి సనన్ జోడీ బావుంది. ఇక 2023లో మోస్ట్ అవెయిటెడ్ మూవీగా ఉన్న ఈ చిత్రం జూన్ 16న ప్రపంచ వ్యాప్తంగా విడుదల కాబోతోంది.
ప్రభాస్, కృతిసనన్, సైఫ్ అలీఖాన్, సన్నీ సింగ్, దేవదత్త నాగే, వత్సల్ సేన్, సోనాల్ చౌహాన్ ప్రధాన పాత్రల్లో నటించిన ఆదిపురుష్ జూన్ 16న ప్రపంచ వ్యాప్తంగా విడుదల కాబోతోంది.
సాంకేతికంగా అత్యున్నతంగా ఉండబోతోన్న ఈ చిత్రానికి
టెక్నికల్ టీమ్ ః
పి.ఆర్.వో ః జి.ఎస్.కే మీడియా
ఎడిటర్ ః అపూర్వ మోతీవాలే సాహై, ఆశిష్ మాత్రే,
డివోపి ః కార్తీక్ పల్నాని
సంగీతం ః అజయ్ - అతుల్
నిర్మాతలు ః టి సిరీస్ భూషణ్ కుమార్, క్రిష్ణకుమార్, ఓమ్ రౌత్, ప్రసాద్ సుతారియా, రెట్రోఫిల్స్ రాజేష్ నాయర్, యూవీ క్రియేషన్స్ వంశీ, ప్రమోద్
దర్శకత్వం ః ఓమ్ రౌత్
