మెగా కుటుంబం మొత్తం సందడి చేయగా నిహారిక వివాహం ఉదయ్ పూర్ ప్యాలస్ లో ఘనంగా జరిగింది. ఈ పెళ్ళికి మెగా కుటుంబం నుండి అందరూ హాజరయ్యారు. ఐతే పవన్ మాజీ భార్య రేణూ దేశాయ్ ఈ వివాహానికి హాజరు కాలేదు. రేణూ దేశాయ్ కి నిహారిక వివాహానికి ఆహ్వానం అందలేదని... అందుకే తాను నిహారిక వివాహానికి వెళ్లలేదని ప్రచారం జరిగింది. ఈ పుకార్లకు రేణూ దేశాయ్ చెక్ పెట్టే ప్రయత్నం చేశారు. నిహారిక వివాహానికి రాకపోవడానికి గల కారణం వివరించారు. 

 
రేణూ దేశాయ్ ఇటీవల తన కమ్ బ్యాక్ ప్రకటించారు. ఆద్య పేరుతో తెరకెక్కుతున్న ఓ వెబ్ సిరీస్ లో రేణూ దేశాయ్ నటిస్తున్నారు. ఓ సాఫ్ట్ వేర్ కంపెనీ సీఈఓగా ఆమె ఈ సిరీస్ లో కనిపిస్తారని సమాచారం. కాగా ఈ సిరీస్ షూటింగ్ లో బిజీగా ఉన్న రేణూ దేశాయ్ వివాహానికి హాజరుకాలేకపోయారని చెప్పారు. ఇటీవల ఓ కార్యక్రమంలో రేణూ దేశాయ్ ఈ విషయాన్ని వెల్లడించడం జరిగింది. ఐతే ఈ వాదనలు ఎవరూ నమ్మడం లేదు.పిల్లలు అకీరా నందన్, ఆద్యలను పెళ్ళికి పంపిన రేణూ దేశాయ్ తాను మాత్రం పెళ్ళికి వెళ్ళలేదు. 
 
భారీ బడ్జెట్ తో తెరకెక్కుతున్న ఆచార్య, ఆర్ ఆర్ ఆర్, పుష్ప వంటి చిత్రాల షూటింగ్ పక్కనబెట్టి మెగా హీరోలు ఈ వేడుకలో పాల్గొనగా.. షూటింగ్ వలన రాలేకపోయానని రేణూ చెప్పడం కొంచెం విడ్డూరంగా ఉంది. కాగా పవన్ మూడో భార్య సైతం ఈ వివాహానికి హాజరుకాలేదు. క్రిస్మస్ నేపథ్యంలో ఆమె రష్యా వెళ్లినట్లు సమాచారం. హైదరాబాద్ లో లేని అన్నా లెజెనేవా నిహారిక పెళ్ళికి హాజరు కాలేదు. దీనితో పవన్ కళ్యాణ్ తో పాటు రేణూ దేశాయ్ పిల్లలు మాత్రమే పెళ్ళికి రావడం జరిగింది.