#NTR:ఆ టీవీ ఛానెల్స్ బ్యాన్ చెయ్యమంటూ ఎన్టీఆర్ ఫ్యాన్స్ ట్రెండ్
జూనియర్ ఎన్టీఆర్ అభిమానులు టీవీ ఛానెల్‌ల పై హ్యాష్‌ట్యాగ్‌తో ఎదురుదాడి మొదలెట్టారు. ఈ వివాదం అటు తిరిగి ఇటు తిరిగి తమ వైపు టర్న్ అవటం ఈ ఛానెల్స్ కు షాక్ ఇస్తున్నాయి.
ఎన్టీఆర్ యూనివర్సీటి పేరు మార్పుపై జూనియర్ ఎన్టీఆర్ గురువారం ట్విటర్‌ ద్వారా స్పందించిన విషయం తెలిసిందే.అయితే ఈ ట్విట్‌పై తెలగుదేశం అభిమానులను మండిపడుతున్నారు.ఆ ట్విట్‌లో ఎన్టీఆర్‌తో సమానంగా వైఎస్ఆర్‌ను పోగడడంపై జూనియర్ ఎన్టీఆర్‌పై తెలుగుదేశం కార్యకర్తలు విరుచుకుపడుతున్నారు.ఈ విషయమై సోషల్ మీడియాలో పెద్ద డిస్కషన్ జరుగుతోంది. అలాగే మీడియాలోనూ డిస్కషన్ మొదలైంది.
ఈ నేపధ్యంలో మన టీవి ఛానెల్స్ ...ABN, Mahaa News మరియు TV5 వంటి న్యూస్ ఛానెల్‌లు ఈ అంశంపై ప్రత్యేక కార్యక్రమాలను నిర్వహించాయి. అలాగే సరైన ప్రకటన చేయలేదంటూ జూనియర్ ఎన్టీఆర్‌ను లక్ష్యంగా చేసుకుని మాటలు బాణాలు విసరటం మొదలెట్టాయి. ఈ పోగ్రామ్ లు జూనియర్ ఎన్టీఆర్‌ని ప్రధాన లక్ష్యంగా చేసుకోవడం చాలా మంది ఎన్టీఆర్ అభిమానులకు కోపం తెప్పించింది.
ఈ వివాదంతో ఇప్పుడు నందమూరి అభిమానులు కూడా ఇప్పుడు రెండుగా చీలిపోయారు. ఈ క్రమంలో జూనియర్ ఎన్టీఆర్ అభిమానులు టీవీ ఛానెల్‌ల పై BoycottABNandMahaaNews అనే హ్యాష్‌ట్యాగ్‌తో ఎదురుదాడి మొదలెట్టారు. ఈ వివాదం అటు తిరిగి ఇటు తిరిగి తమ వైపు టర్న్ అవటం ఈ ఛానెల్స్ కు షాక్ ఇస్తున్నాయి.
మార్చెయ్యటానికీ తీసెయ్యటానికి ఎన్‌టిఆర్‌ అన్నది పేరుకాదు. ఓ సంస్కృతి.. ఓ నాగరికత.. తెలుగుజాతి వెన్నెముక. తండ్రి గద్దెనెక్కి ఎయిర్‌ పోర్ట్‌ పేరు మార్చాడు. కొడుకు గద్దెనెక్కి యూనివర్సిటీ పేరు మారుస్తున్నాడు. మిమ్మల్ని మార్చటానికి ప్రజలున్నారు. పంచభూతాలున్నారు తస్మాత్‌ జాగ్రత్త. అక్కడ ఆ మహనీయుడు పెట్టిన భిక్షతో బతుకుతున్న నేతలున్నారు.. పీతలున్నారు.. విశ్వాసంలేని వాళ్లని చూసి కుక్కలు వెక్కిరిస్తున్నాయి. శునకాలముందు తలవంచుకు బతికే సిగ్గులేని బతుకులు ' అంటూ... బాలయ్య ఘాటుగా విమర్శించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
