సలార్ లో ఎన్టీఆర్, యష్?
సలార్ మరో రెండు నెలల్లో విడుదల కానుంది. ఓ క్రేజీ న్యూస్ చక్కర్లు కొడుతుంది. యష్, ఎన్టీఆర్ ఈ మూవీలో గెస్ట్ రోల్స్ చేస్తున్నారట .
 )
Followసలార్ చిత్ర కథపై అనేక ఊహాగానాలు ఉన్నాయి. ఇది కెజిఎఫ్ లో భాగమే అంటారు కొందరు. దర్శకుడు ప్రశాంత్ నీల్ సినిమాటిక్ వర్స్ లో భాగంగా సలార్ తెరకెక్కిందనే వాదన ఉంది. సలార్ టీజర్ గమనిస్తే కెజిఎఫ్ తో పోలికలు కనిపించాయి. కాబట్టి సలార్ మూవీ కెజిఎఫ్ కి కొనసాగింపు కావచ్చనేది ఒక భావన. అలాగే కెజిఎఫ్ 3 కి సన్నాహాలు జరుగుతున్నాయి. కెజిఎఫ్ 3లో యష్ నటిస్తారని సమాచారం.
ప్రశాంత్ నీల్ నెక్స్ట్ ప్రాజెక్ట్ ఎన్టీఆర్ తో ప్రకటించాడు. ఆ మూవీ కూడా కెజిఎఫ్ చిత్రంతో లింక్ కలిగి ఉంటుందని అంటున్నారు. ఈ క్రమంలో సలార్ చిత్రంలో ఎన్టీఆర్, యష్ గెస్ట్ రోల్స్ చేస్తున్నారట. కీలక సమయంలో వారి ఎంట్రీ ఉంటుందట. ఈ మేరకు ఓ న్యూస్ సోషల్ మీడియాలో చక్కర్లు కొడుతుంది. మరి ఇదే నిజమైతే సలార్ చిత్ర రేంజ్ ఊహించడమే కష్టం. ముగ్గురు పాన్ ఇండియా మాస్ హీరోలు నటించే భారీ చిత్రం అవుతుంది.
దీనిపై అధికారిక సమాచారం లేకున్నప్పటికీ ప్రముఖంగా ప్రచారం అవుతుంది. మరోవైపు సలార్ గతంలో ప్రశాంత్ నీల్ తెరకెక్కించిన హిట్ మూవీ ఉగ్రం రీమేక్ అంటూ నెగిటివ్ ప్రచారం జరుగుతుంది. అందుకే ఉగ్రం హిందీ వెర్షన్ యూట్యూబ్ నుండి తొలగించారని అంటున్నారు. ఏది ఏమైనా సలార్ పై అంచనాలు ఓ రేంజ్ లో ఉన్నాయి. క్రిస్మస్ కానుకగా డిసెంబర్ 22న సలార్ విడుదల అవుతుంది.
ఈ చిత్రంలో ప్రభాస్ కి జంటగా శృతి హాసన్ నటిస్తుంది. జగపతిబాబు, పృథ్విరాజ్ సుకుమారన్ కీలక రోల్స్ చేస్తున్నారు. అలాగే ప్రభాస్ నటిస్తున్న కల్కి 2898, రాజా డీలక్స్ చిత్రాలు సెట్స్ పై ఉన్నాయి. సందీప్ రెడ్డి వంగాతో ఓ మూవీ ప్రకటించారు. స్పిరిట్ టైటిల్ తో ఈ చిత్రం తెరకెక్కనుంది. దర్శకుడు హను రాఘవపూడి ప్రభాస్ కి కథ చెప్పాడని టాలీవుడ్ టాక్.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
