డైరెక్షన్ చేస్తానంటోన్న నివేదా థామస్.. హీరోయిన్గా చేయదా?
టాలెంటెడ్ హీరోయిన్ నివేదా థామస్ డైరెక్షన్ చేస్తుందట. తాను దర్శకత్వం చేస్తానని చెప్పింది. గతంలోనూ తనకు డైరెక్షన్పై ఆసక్తిని వెల్లడించింది నివేదా.
టాలెంటెడ్ హీరోయిన్ నివేదా థామస్ డైరెక్షన్ చేస్తుందట. తాను దర్శకత్వం చేస్తానని చెప్పింది. గతంలోనూ తనకు డైరెక్షన్పై ఆసక్తిని వెల్లడించింది నివేదా. దీన్ని మరోసారి రిపీట్ చేసింది. చైల్డ్ ఆర్టిస్ట్ గా కెరీర్ని ప్రారంభించిన నివేదా థామస్ ఇప్పుడు ఇటు తెలుగు, అటు తమిళం, మలయాళంలోనూ రాణిస్తుంది. ఇటీవల పవన్ కళ్యాణ్ `వకీల్సాబ్` చిత్రంలో కీలక పాత్రలో నటించి వాహ్ అనిపించింది. అద్భుతమైన నటనతో మెప్పించింది. ఇదే కాదు, పాత్ర ఏదైనా దాన్ని రక్తికట్టించడంలో నివేదా ముందుంటుంది.
ఈ క్రమంలో తాజాగా మరోసారి తన మనసులోని మాటని వెల్లడించింది. ఓ వైపు సినిమాలు చేస్తూనే డైరెక్షన్ కోర్స్ పూర్తి చేసిందట. అందుకే భవిష్యత్లో కచ్చితంగా దర్శకత్వం చేస్తానని చెబుతుంది. ముందుగా కొన్ని లఘు చిత్రాలకు దర్శకత్వం వహిస్తానని, ఆ తర్వాత సినిమాలకు దర్శకత్వం చేస్తానని తెలిపింది నివేదా. మరి ఈ అమ్మడి డైరెక్షన్ కల ఎప్పుడు నెరవేర్తుంది? ఎలా డైరెక్షన్ చేస్తుందో చూడాలి. ప్రస్తుతం నివేదా తెలుగులో `మిడ్నైట్ రన్నర్` అనే రీమేక్ చిత్రంలో నటిస్తుంది. హీరోయిన్గా ఈ అమ్మడికి అడపాదడపా అవకాశాలే వస్తుండటం గమనార్హం. మరి హీరోయిన్గా ఆశించిన స్థాయిలో సినిమాలు రాకపోవడం కారణంగానే, లేక తాను హీరోయిన్గా ఎక్కువ కాలం మనుగడ సాధించలేననే ఆలోచనతో డైరెక్షన్ చేయాలని భావిస్తుందా? అనేది తెలియాల్సి ఉంది.