Extra-Ordinary Man న్యూ రిలీజ్ డేట్.. ఆ సినిమాల దెబ్బకు ముందే వస్తున్న నితిన్.. అఫీషియల్
టాలీవుడ్ హీరో నితిన్ లేటెస్ట్ ఫిల్మ్ ‘ఎక్ట్స్రా ఆర్డినరీ మ్యాన్’. వక్కంతం వంశీ దర్శకత్వం వహిస్తున్న ఈ చిత్రం రిలీజ్ డేట్ ను మార్చేశారు. మునుపటి తేదీకంటే ముందే రిలీజ్ చేస్తున్నట్టు తాజాగా అనౌన్స్ చేశారు.
 )
Followహీరో నితిన్ (Nithiin) - రైటర్, డైరెక్టర్ వక్కంతం వంశీ కాంబోలో రూపుదిద్దుకుంటున్న చిత్రం ‘ఎక్ట్స్రా ఆర్డినరీ మ్యాన్‘ (Extra Ordinary Man). ప్రస్తుతం ఈ మూవీ షూటింగ్ పనులు శరవేగంగా జరుగుతున్నాయి. ఇప్పటికే చిత్రీకరణ తుదిదశకు చేరుకుందని తెలుస్తోంది. మరికొన్ని షెడ్యూళ్లలో షూటింగ్ పార్ట్ పూర్తై.. పోస్ట్ ప్రొడక్షన్ పనుల్లోకి దిగనుంది యూనిట్. సినిమాను పూర్తి చేస్తూనే మరోవైపు అప్డేట్స్ కూడా అందిస్తూ వస్తున్నారు.
తాజాగా రిలీజ్ డేట్ విషయంలో జరిగిన మార్పుపై అప్డేట్ అందించారు. ఎక్స్ట్రా ఆర్డినరీ మ్యాన్ తొలుత డిసెంబర్ 23న విడుదల చేస్తామని గ్రాండ్ గా అనౌన్స్ చేశారు. కానీ తాజాగా ఆ డేట్ ను కాదని మరో డేట్ ను లాక్ చేస్తూ అధికారిక ప్రకటన విడుదల చేశారు. డిసెంబర్ 08న ప్రపంచ వ్యాప్తంగా రిలీజ్ కాబోతున్నట్టు ప్రకటించారు. అంటే 15 రోజులు ముందుగానే సినిమా ప్రేక్షకుల ముందుకు రాబోతోంది.
అయితే కొత్త తేదీని ప్రకటించడానికి ఓ కారణం ఉంది. పాన్ ఇండియా స్టార్ ప్రభాస్ ‘సలార్’ విడుదల వాయిదా పడిన విషయం తెలిసిందే. రీసెంట్ గానే మళ్లీ డిసెంబర్ 22 అంటూ డేట్ ను అనౌన్స్ చేశారు. ఈ తేదీ ‘ఎక్ట్స్రా ఆర్డీనరీ మ్యాన్’ విడుదలకు ఒక్కరోజు ముందే కావడం గమనార్హం. ఇంకా అదే రోజు షారుఖ్ ఖాన్ ‘డుంకీ’ కూడా విడుదల కాబోతోంది. ఈ రెండు భారీ చిత్రాల మధ్య టఫ్ ఫైట్ జరగబోతోంది. ఇక ఆ చిత్రాలతో పోటీ ఎందుకని నితిన్ ముందుగానే ప్రేక్షకుల ముందుకు వస్తున్నాడని తెలుస్తోంది.
ఇక ఇప్పటికే చిత్రం నుంచి విడుదలైన సాంగ్స్, పోస్టర్లకు మంచి రెస్పాన్స్ దక్కింది. అటు వక్కంతం వంశీ ఎన్నో చిత్రాలకు మంచి కథను అందించి సక్సెస్ అయ్యారు. ఇక దర్శకుడిగానూ వక్కంత వంశీ ‘నా పేరు సూర్య నా ఇల్లు ఇండియా’ సినిమాతోనూ మెప్పించింది. చాలా కాలం తర్వాత మరోసారి డైరెక్ట్ చేస్తున్న చిత్రమిది కావడంతో భారీ అంచనాలు ఉన్నాయి. ఈ క్రమంలో సినిమా నుంచి వస్తున్న అప్డేట్స్ కూడా ఆ స్థాయిలో ఉన్నాయి.
నితిన్ ఇప్ప‌టి వ‌ర‌కు చేయ‌ని పాత్ర‌లో ఆకట్టుకోబోతున్నార‌ని, క‌చ్చితంగా అభిమానుల‌నే కాదు, ప్రేక్ష‌కుల‌ను కూడా నితిన్ త‌న బ్రిలియంట్ పెర్ఫామెన్స్‌తో మెప్పించ‌నున్నారని వక్కంతం వంశీ ఇప్పటికే చెప్పిన విషయం తెలిసిందే. క్యారెక్ట‌ర్ బెస్ట్ స్క్రిప్ట్‌తో.. కిక్ తర్వాత ఆ రేంజ్ జోన్‌లో తెర‌కెక్కుతోందన్నారు. రోల‌ర్ కోస్ట‌ర్‌లాంటి ఎక్స్‌పీరియెన్స్‌నిస్తూ న‌వ్విస్తూనే స‌ర్‌ప్రైజ్‌ల‌తో సినిమా మెప్పించ‌నుందని హైప్ క్రియేట్ చేశారు. చిత్రంలో యంగ్ సెన్సేషన్ శ్రీలీలా (Sreeleela) హీరోయిన్ గా నటిస్తోంది. శ్రేష్ఠ్ మూవీస్‌, ఆదిత్య‌మూవీస్ & ఎంట‌ర్ టైన్‌మెంట్స్, రుచిర ఎంట‌ర్‌టైన్‌మెంట్స్‌ బ్యాన‌ర్స్‌పై సుధాక‌ర్ రెడ్డి, నికితా రెడ్డి ఈ చిత్రాన్ని నిర్మిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
