తనకు తానే కాస్ల్టీలో గిఫ్ట్ ఇచ్చుకున్న యంగ్ హీరో నిఖిల్.. ఆ సినిమానే కారణమట..
యంగ్ హీరో నిఖిల్ కరోనా టైమ్లోనే తాను ప్రేమించిన అమ్మాయి పెళ్లి చేసుకుని ఫ్యామిలీ లైఫ్లోకి అడుగుపెట్టారు. ఇప్పుడు జీవితంలో మరో మెట్టు ఎదిగారు. లగ్జరీ కారుని కొనుగోలు చేశారు. రేంజ్ రోవర్ని కొన్నాడు. `రేంజ్ రోవర్ స్పోర్ట్స్ ఆటోబయోగ్రఫీ` కారు విలువ దాదాపు రెండు కోట్లు ఉంటుందని తెలుస్తుంది.
యంగ్ హీరో నిఖిల్ కరోనా టైమ్లోనే తాను ప్రేమించిన అమ్మాయి పెళ్లి చేసుకుని ఫ్యామిలీ లైఫ్లోకి అడుగుపెట్టారు. ఇప్పుడు జీవితంలో మరో మెట్టు ఎదిగారు. లగ్జరీ కారుని కొనుగోలు చేశారు. రేంజ్ రోవర్ని కొన్నాడు. `రేంజ్ రోవర్ స్పోర్ట్స్ ఆటోబయోగ్రఫీ` కారు విలువ దాదాపు రెండు కోట్లు ఉంటుందని తెలుస్తుంది. ఈ విషయాన్ని నిఖిల్ ఇన్స్టా ద్వారా పంచుకున్నారు. అయితే ఇది తనకు తాను ఇచ్చుకున్న గిఫ్ట్ అని చెప్పారు. `అర్జున్ సురవరం` సక్సెస్ సందర్భంగా కారు కొన్నట్టు చెప్పాడు.
`న్యూ రేంజ్ రోవర్ స్పోర్ట్ ఆటోబయోగ్రఫీ, `అర్జున్ సురవరం` సక్సెస్ సందర్భంగా నాకు నేను ఇచ్చుకున్న గిఫ్ట్ ఇది. కోవిడ్ వల్ల కాస్త ఆలస్యమైంది` అని పేర్కొన్నాడు నిఖిల్. `హ్యాపీడేస్` చిత్రంతో హీరోగా పరిచయం అయిన నిఖిల్ ఆ తర్వాత అనేక పరాజయాలు చవిచూశాడు. ఈ క్రమంలో `స్వామిరారా`, `కార్తికేయ`, `ఎక్కడికిపోతావు చిన్నవాడా` చిత్రాలతో విజయాలు అందుకున్న తనకంటూ ఓ ప్రత్యేకమైన గుర్తింపు తెచ్చుకున్నాడు. గతేడాది `అర్జున్ సురవరం` చిత్రంతో ఆడియెన్స్ ముందుకొచ్చాడు. అనేక అడ్డంకులు ఎదుర్కొని, చిరంజీవి సపోర్ట్ తో విడుదలైన ఈ సినిమా మంచి ఆదరణ పొందింది.
ప్రస్తుతం నిఖిల్ `కార్తికేయ` సినిమాకు సీక్వెల్గా చందూ మొండేటి దర్శకత్వంలో `కార్తికేయ- 2`లో నటిస్తున్నారు. దీంతోపాటు గీతా ఆర్ట్స్ బ్యానర్పై `18 పేజెస్` చిత్రంలో నటిస్తున్నారు.