కొమరం పులి చిత్రంతో టాలీవుడ్ లోకి అడుగు పెట్టిన నికీషా పటేల్ కు అంతగా కలసి రాలేదు. తొలి చిత్రమే తీవ్ర నిరాశకు గురిచేసింది. ఆ తర్వాత నటించిన చిత్రాలు కూడా  నికీషా పటేల్ కు సక్సెస్ తెచ్చిపెట్టలేదు. దీనితో నికిషా పటేల్ కు సరైన అవకాశాలు రావడం లేదు. ప్రస్తుతం నికీషా పటేల్ ఆరవ్ కు జోడిగా 'మార్కెట్ రాజా ఎంబీబీఎస్' చిత్రంలో నటిస్తోంది. 

ఈ చిత్రంలో ముద్దు సన్నివేశం గురించి నికీషా పటేల్ ఓ విషయాన్ని తెలియజేసింది. తనకు లిప్ లాక్ సన్నివేశాల్లో నటించడం ఇష్టం లేకున్నా ఈ చిత్రంలో తప్పనిసరి పరిస్థితుల్లో నటించాల్సి వచ్చిందని తెలిపింది. సినిమాలో చాలా ముఖ్యమైన సన్నివేశం. అందువల్లే ముద్దు సన్నివేశంలో తప్పనిసరి పరిస్థితుల్లో నటించాల్సి వచ్చింది. ఈ సన్నివేశం వలన ప్రేక్షకులకు ఎలాంటి ఇబ్బంది ఉండదు అని తెలిపింది. 

నటిగా మంచి గుర్తింపు తెచ్చుకునేందుకు తాను ప్రయత్నిస్తూనే ఉన్నానని.. ఎదో ఒకరోజు తాను అనుకున్న విధంగా నటిగా ఎదిగి తీరుతానని నికీషా చెబుతోంది.