నేహా మూడో వారంలో ఎలిమినేట్ అవుతుందని గత రెండు మూడు రోజులుగా సోషల్ మీడియాలో వార్త వైరల్ అవుతున్న విషయం తెలిసిందే. తాజాగా అదే జరిగింది. ఆమె వెళ్తూ వెళ్తూ చాలా ఎమోషన్ అయ్యింది.
బిగ్ బాస్ తెలుగు 6 రియాలిటీ షో మూడో వారం పూర్తి చేసుకుంది. ఆదివారం ఎపిసోడ్లో ఓ కంటెస్టెంట్ ఎలిమినేట్ అయ్యారు. తక్కువ ఓట్లు వచ్చిన నేహా చివరికి ఎలిమినేట్ అయ్యింది. చివరి వసంతి,నేహా మిగలగా త్రాసులో వెయిట్ ద్వారా నేహాని ఎలిమినేట్గా నాగ్ తేల్చాడు. అంతా ఊహించినట్టుగానే ఆమె ఎలిమినేట్ కావడం విశేషం. ఆమె ఎలిమినేట్ కాబోతుందని, గత రెండు మూడు రోజులుగా సోషల్ మీడియాలో వార్త వైరల్ అవుతున్న విషయం తెలిసిందే. తాజాగా అదే జరిగింది. దీంతో పెద్దగా ఆశ్చర్యమేయలేదు.
ఇదిలా ఉంటే ఆమె వెళ్తూ వెళ్తూ చాలా ఎమోషన్ అయ్యింది. స్టేజ్పైకి వెళ్లి నేహాకి నాగార్జున ఓ టాస్క్ పెట్టాడు. హౌజ్లో దమ్మున్న వాళ్లెవరు, దుమ్మున్నవాళ్లు ఎవరు అనేది చెప్పమని నేహాకి టాస్క్ ఇవ్వగా ఆమె రేవంత్, ఆరోహి, ఇనయ, అర్జున్, గీతూ, వసంతి వాళ్లు దుమ్ము వాళ్లు అని, వారి ఆటలో జెన్యూనిటీ లేదని తెలిపారు. ఎలాగైనా గెలవాలని దేనికైగా తెగబడతారని, వారి ఆట తీరు కరెక్ట్ కాదని చెప్పింది నేహా.
మరోవైపు దమ్మున్న వారిలో.. చంటి, రాజ్, సుదీప, ఆది, బాలాదిత్య, శ్రీహాన్, శ్రీసత్యల పేర్లు చెప్పింది నేహా చౌదరి. వీరంతా స్టెప్ బై స్టెప్ గేమ్ ఆడుకుంటూ, ఒక్కో మెట్టు ఎదుగుతున్నారని తెలిపింది. చంటి ఆట తీరు సర్ప్రైజింగ్గా ఉంటుందని, సుదీప చాలా సపోర్ట్ చేస్తుందని, ఆమెని చూస్తుంటే ఎమోషనల్గా ఉంటుందని తెలిపింది. బాలాదిత్య చాలా స్ట్రాంగ్ అది, బాగా ఆడతాడని తెలిపింది. శ్రీహాన్ అమ్మాయిలను చాలా గౌరవిస్తారని, గేమ్ ఆడే తీరు బాగుంటుందని చెప్పింది. ఆదిరెడ్డి, శ్రీసత్య సైతం బలమైన వాళ్లని, వారితో బాండింగ్ చాలా బాగుందని తెలిపింది నేహా.
ఈ క్రమంలో రాజ్శేఖర్ గురించి వెల్లడించి ఎమోషనల్ అయ్యింది నేహా చౌదరి. వీరిద్దరి మధ్య లవ్ ట్రాక్ నడుస్తుందనే రూమర్స్ స్ప్రెడ్ అయిన నేపథ్యంలో తాజాగా అదే విషయాన్ని కన్ఫమ్ చేసింది నేహా. హౌజ్లోకి వచ్చాక ఆయనతో మంచి బాండ్ ఏర్పడిందని తెలిపింది. గత కొన్నేళ్లుగా తన జీవితంలోకి ఏ అబ్బాయిని రానివ్వలేదని, ఎవరు వచ్చినా దూరం పెట్టానని, కానీ హౌజ్లో రాజ్ తనకు చాలా బాగా దగ్గరయ్యాడని చెబుతూ కన్నీళ్లు పెట్టుకుంది. అతను గ్రేట్ ఫ్రెండ్ అని, బయటకు వచ్చాక కూడా ఆయనకు తానే బాడీ గార్డ్ అంటూ చెప్పింది. ఈ క్రమంలో రాజ్ సైతం గుండెబరువెక్కినట్టు కనిపించడం విశేషం.
