చాలా కాలంగా నరేష్ పవిత్ర లోకేష్ తో రిలేషన్ షిప్ లో కొనసాగుతున్నాడు. వీరిద్దరూ పెళ్లి చేసుకుంటారనే వార్తలు రోజూ వినిపిస్తూనే ఉన్నాయి. పెళ్లి విషయం ఊరిస్తూనే ఈ సీనియర్ ప్రేమికులు 'మళ్ళీ పెళ్లి' అనే చిత్రంలో జంటగా నటిస్తున్నారు. ఎంఎస్ రాజు ఈ చిత్రానికి దర్శకుడు.
నరేష్, పవిత్ర లోకేష్ ల వ్యవహారం నెవర్ ఎండింగ్ స్టోరీలా సాగుతూనే ఉంది. విభేదాల కారణంగా తన మూడవ భార్య రమ్య రఘుపతికి నరేష్ దూరం అయ్యారు. అయితే చాలా కాలంగా నరేష్ పవిత్ర లోకేష్ తో రిలేషన్ షిప్ లో కొనసాగుతున్నాడు. వీరిద్దరూ పెళ్లి చేసుకుంటారనే వార్తలు రోజూ వినిపిస్తూనే ఉన్నాయి.
పెళ్లి విషయం ఊరిస్తూనే ఈ సీనియర్ ప్రేమికులు 'మళ్ళీ పెళ్లి' అనే చిత్రంలో జంటగా నటిస్తున్నారు. ఎంఎస్ రాజు ఈ చిత్రానికి దర్శకుడు. ఈ చిత్రం నుంచి ఇప్పటికే విడుదలైన గ్లింప్స్, పోస్టర్ లు ఆడియన్స్ లో ఉత్కంఠని పెంచాయి. ఆ మధ్యన నరేష్ పవిత్ర లిప్ కిస్ పెట్టుకునే వీడియో ఒకటి రచ్చ చేసింది. దీనితో వీరిద్దరూ పెళ్లి చేసుకోబోతున్నట్లు ప్రచారం జరిగింది. ఇందంతా సినిమాలో భాగం అని ఆలస్యంగా వెలుగులోకి వచ్చింది.
అయితే తాజాగా 'మళ్ళీ పెళ్లి' చిత్ర టీజర్ రిలీజ్ చేశారు. ఇంటి వ్యవహారాలు, ప్రేమ, పెళ్లి లాంటివి ఏ సెలెబ్రిటీలు అయినా సీక్రెట్ గా ఉంచే ప్రయత్నం చేస్తారు. కానీ మళ్ళీ పెళ్లి టీజర్ చూస్తుంటే నరేష్ తన ఫ్యామిలీ గుట్టు మొత్తాన్ని తెరమీద చూపించే ప్రయత్నం చేస్తున్నట్లు అర్థం అవుతోంది. అంటే నరేష్, పవిత్ర పూర్తిగా తెగించేశారు అని కామెంట్స్ వినిపిస్తున్నాయి.
ఈ చిత్రంలో నరేష్, పవిత్ర, రమ్య రఘుపతి మధ్య ఇటీవల జరిగిన సంఘటనలని కళ్ళకి కట్టినట్లు చూపిస్తున్నారు. నరేష్ మూడవ భార్య రమ్య రఘుపతి పాత్రలో వనిత విజయ్ కుమార్ నటిస్తున్నారు. టీజర్ చూస్తుంటే.. నరేష్ రమ్యరఘుపతిని టార్గెట్ చేసినట్లు స్పష్టంగా అర్థం అవుతోంది. 'ముడ్డి కింద అప్పులు, ఒంటి నిండా రోగాలు పెట్టుకున్న నీతో సరసం ఏంటే అంటూ తన భార్యని నరేష్ ఒక అసభ్యకరమైన బూతు తిడుతున్నాడు. పెళ్ళాన్ని అలా మాట్లాడడానికి సిగ్గుగా లేదు అంటూ వనిత తిరిగి కౌంటర్ ఇచ్చింది.
తెలుగు ఇండస్ట్రీ కన్నడపై చూపు తిప్పింది ఏంటి అంటూ టీజర్ మొదలవుతుంది. రమ్య రఘుపతి నరేష్ ని టార్గెట్ చేస్తూ ప్రెస్ మీట్ పెట్టిన సంఘటనలని ఈ చిత్రంలో వనితతో చేయించారు. మైసూరు హోటల్ రూమ్ లో నరేష్, పవిత్ర ఉండగా రమ్య రఘుపతి రెడ్ హ్యాండెడ్ గా వాళ్ళని పట్టుకుంటుంది. అక్కడా నానా రచ్చ జరిగిన సంగతి తెలిసిందే. ఆ సన్నివేశాలని కూడా టీజర్ లో చూపించారు. నరేష్ విజిల్ వేస్తూ వెళ్లడం చూడవచ్చు. ఇక పవిత్రతో రొమాంటిక్ సీన్స్ కూడా ఉన్నాయి.
మొత్తంగా నరేష్ తన ఇంటి గుట్టుని తెరపై చూపిస్తూ ఏదో గట్టి ప్లాన్ చేసినట్లు అర్థం అవుతోంది. మేలో ఈ చిత్రాన్ని రిలీజ్ చేయనున్నట్లు ప్రకటించారు.
