ఫ్రంట్‌లైన్‌ వర్కర్లకి నాని ట్రిబ్యూట్.. నా హృదయాన్ని కదిలించిందన్న మహేష్‌
ఫ్రంట్‌లైన్‌ వర్కర్లకి కష్టాన్ని, సేవలను గుర్తు చేశారు. వారికి అంకితమించేందుకు నాని ఈ స్పెషల్‌ వీడియోని రూపొందించారు. ఆద్యంతం హృదయాలను కట్టిపడేస్తున్న ఈ వీడియో సూపర్ స్టార్‌ మహేష్‌ని ఎంతగానో ఇంప్రెస్‌ చేసింది.
కరోనా మహమ్మారి విలయతాండవం చేస్తున్న నేపథ్యంలో కోవిడ్‌ రోగుల కోసం పోరాడుతున్న ఫ్రంట్‌లైన్‌ వర్కర్లకి ట్రిబ్యూట్‌గా నాని, సత్యదేవ్‌ అంట్‌ టీమ్‌ కలిసి `దారే లేదా` పేరుతో ఓ స్పెషల్‌ వీడియో సాంగ్‌ని రూపొందించారు. ఎనిమిది నిమిషాల నిడివి గల ఈ వీడియోలో వైద్యులు పడుతున్న బాధలను, తమ వ్యక్తిగతజీవితాలను సైతం త్యాగం చేసి వారు ప్రాణాలు కాపాడేందుకు నిత్యం శ్రమిస్తున్న విధానాన్ని కళ్లకి కట్టినట్టు చూపించారు. అలాగే ఇతర ఫ్రంట్‌లైన్‌ వర్కర్లకి కష్టాన్ని, సేవలను గుర్తు చేశారు. వారికి అంకితమించేందుకు నాని ఈ స్పెషల్‌ వీడియోని రూపొందించారు.ఇందులో సత్యదేవ్‌, రూప కొడవయూర్‌ నటించారు.
ఆద్యంతం హృదయాలను కట్టిపడేస్తున్న ఈ వీడియో సూపర్ స్టార్‌ మహేష్‌ని ఎంతగానో ఇంప్రెస్‌ చేసింది. దీంతో ఆయన సైతం స్పందించి దీన్ని ట్విట్టర్‌ ద్వారా అభిమానులతో పంచుకున్నారు. `మన ఫ్రంట్‌లైన్‌ వర్కర్స్ ని గౌరవించేందుకు మంచి దారిని ఎంచుకున్నారు. నిండు హృదయంతో చేసిన ఈ వీడియో నా హృదయం కోసం సంతోషంతో నిండిపోయింది. నాని, అతని టీమ్‌ అద్భుతమైన పనితనాన్ని ప్రదర్శించారు` అంటూ మహేష్‌ అభినందనలు తెలిపారు. ప్రస్తుతం ఈ వీడియో వైరల్ అవుతుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
