రిలీజ్ దగ్గరపడుతుంటే టెన్షన్ పెడుతున్న "నిన్నుకోరి" సెన్సార్ టాక్
- నాని, నివేదా థామస్ హీరోహీరోయిన్లుగా తెరకెక్కిన నిన్నుకోరి
- ప్రత్యేక పాత్రలో నటించిన ఆది పినిశెట్టి
- సెన్సార్ టాక్ తో టెన్షన్ పడిపోతున్న నిన్ను కోరి టీమ్
నేచురల్ స్టార్ నాని హీరోగా తెరకెక్కిన నిన్నుకోరి చిత్రం మరో మూడు రోజుల్లో ప్రేక్షకుల ముందుకు రాబోతోంది. శివ నిర్వాణ దర్శకత్వంలో తెరకెక్కిన ఈ చిత్రం కథ నిజానికి మూడేళ్ల క్రితమే నానికి నచ్చినప్పటికీ.. ఈ కథను ఇన్నాళ్లకు తెరకెక్కేలా చేశాడు నాని. డివివి దానయ్య, కోన వెంకట్ నిర్మించిన ఈ సినిమా ఈ శుక్రవారం రిలీజ్ కు రెడీ అయ్యింది.
ఇక తాజాగా సెన్సార్ కార్యక్రమాలను పూర్తి చేసుకున్న ఈ మూవీకి సెన్సార్ బోర్డు నుండి వస్తున్న నెగటివ్ టాక్ నానిని కలవరపరుస్తోందట. నిన్ను కోరి ఆడియోలో రాజమౌళి సైతం ఈ సినిమాపై చాలా కాన్ఫిడెంట్ గా ఉన్నాడు అందుకే ట్రైలర్ చూసే మొదటి షో చూడాలని ట్వీట్ చేశానని అన్నారు. అనుకున్నట్టుగానే నాని అండ్ టీం రాజమౌళికి నిన్నుకోరి మొదటి టికెట్ ప్రెజెంట్ చేశారు.
నివేదా థామస్ హీరోయిన్ గా నటించిన ఈ సినిమాలో ఎంటర్టైన్ మెంట్ ఎక్కడో మిస్ అవుతోందని అంటున్నారు. నాని సినిమా అంటే కచ్చితంగా తన మార్క్ కామెడీ ఆశిస్తారు కాని.. సెకండ్ హాఫ్ మొత్తం ఎమోషనల్ సీన్స్ తో నింపేశాడట దర్శకుడు శివ నిర్వాణ. దీంతో ఎందుకో సినిమాపై రిలీజ్ కు ముందే నెగెటివ్ టాక్ స్ప్రెడ్ అవుతోంది.
కెరియర్ లో ఎప్పుడు లేనిది నాని నిన్ను కోరి యూఎస్ లో 500 ప్రీమియర్ షోలు పడుతున్నాయి. ఇక ఫీల్ గుడ్ మూవీ కాబట్టి ఆడియెన్స్ కనెక్ట్ అయితే మాత్రం మళ్లీ నానికి ఓ మంచి హిట్ దక్కినట్టే అని అంటున్నారు. నాని, నివేదా తో పాటు ఆది పినిశెట్టి కూడా సినిమాలో ప్రత్యేక పాత్రలో నటించాడు. గోపి సుందర్ మ్యూజిక్ అందించిన ఈ సినిమా నాని హిట్ మేనియా కంటిన్యూ చేస్తుందో లేదో చూడాలి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
