బర్త్ డే బిగ్‌ ట్రీట్‌.. బ్యాక్‌ టూ బ్యాక్‌ నాలుగు సర్‌ప్రైజ్‌లిచ్చిన కళ్యాణ్‌ రామ్‌..
నందమూరి కళ్యాణ్‌ రామ్‌ తన బర్త్ డే(జులై 5) సందర్భంగా తన అభిమానులకు నాలుగు గిఫ్ట్ లిచ్చారు. తాను నటిస్తున్న `బింబిసార` చిత్రంలోని కొత్త లుక్‌ని విడుదల చేసి ఫిదా చేయగా, మరో నాలుగు కొత్త సినిమాలను ప్రకటించాడు.
నందమూరి కళ్యాణ్‌ రామ్‌ తన బర్త్ డే(జులై 5) సందర్భంగా తన అభిమానులకు నాలుగు గిఫ్ట్ లిచ్చారు. తాను నటిస్తున్న `బింబిసార` చిత్రంలోని కొత్త లుక్‌ని విడుదల చేసి ఫిదా చేయగా, మరో నాలుగు కొత్త సినిమాలను ప్రకటించాడు. తన సొంత బ్యానర్‌ అయిన ఎన్టీఆర్‌ ఆర్ట్స్ పతాకంపై `బింబిసార` చిత్రం రూపొందుతుండగా, దీనికి వశిష్ట్ దర్శకత్వం వహిస్తున్నారు. మైథలాజికల్‌ చిత్రంగా రూపొందుతుంది. దీనికి సంబంధించి విడుదల చేసిన కొత్త లుక్‌ ఆద్యంతం ఆకట్టుకుంటుంది.
దీంతోపాటు కొత్తగా మరో మూడు సినిమాలన ప్రకటించాడు కళ్యాణ్‌రామ్‌. ఎన్‌కేఆర్‌(నందమూరి కళ్యాణ్‌రామ్‌) 19గా మైత్రీ మూవీమేకర్స్ బ్యానర్‌పై ఓ సినిమా చేస్తున్నారు. దీనికి రాజేంద్రరెడ్డి దర్శకత్వం వహిస్తున్నారు. ఇక `ఎన్‌కేఆర్‌ 20` సినిమాని శ్రీవెంకటేశ్వర క్రియేషన్స్ పతాకంపై దిల్‌రాజు నిర్మాణంలో చేస్తున్నారు. దీనికి తనకు `118` వంటి హిట్‌ చిత్రాన్ని అందించిన కేవి గుహన్‌ దర్శకత్వం వహిస్తున్నారు.
ఇవే కాకుండా నవీన్‌ మేడారం దర్శకత్వంలో పీరియాడికల్‌ స్టోరీతో `డెవిల్‌` చిత్రాన్ని చేస్తున్నారు. దీన్ని `ఎన్‌కేఆర్‌ 21`వ చిత్రంగా అభిషేక్‌ పిక్చర్స్ నిర్మిస్తుంది. దీనికి సంబంధించిన ఫస్ట్ లుక్‌ విడుదలైంది. లుక్‌ చూస్తుంటే గూస్‌బమ్స్ వచ్చేలా ఉన్నాయి. బ్రిటీష్‌ సీక్రెట్‌ ఏజెంట్‌ నేపథ్యంలో ఈ `డెవిల్‌`చిత్రం రూపొందుతుంది. ఆనాటి కాలంలో ట్రైన్‌లో నుంచి పంచెకట్టు, కోట్‌ ధరించి గన్‌ ఎక్కుపెట్టి కోపంగా కనిపిస్తున్నాడు కళ్యాణ్‌రామ్‌. ఇది ఆద్యంతం ఆకట్టుకుంటుంది. మరోవైపు ఈస్‌కోస్ట్ ప్రొడక్షన్స్ పతాకంపై మహేష్ కోనేరు నిర్మాణంలో ఓ సినిమాని తన `ఎన్‌కేఆర్‌ 22` చిత్రం చేయబోతున్నారు. ఇది వచ్చే ఏడాదిసెట్స్ పైకి వెళ్లనుంది. ఇలా బ్యాక్‌టూ బ్యాక్‌ బర్త్ డే సందర్భంగా నాలుగు సినిమాలను ప్రకటించిన సర్‌ప్రైజ్‌ చేశారు కళ్యాణ్‌రామ్‌. ఈ లెక్కన ప్రస్తుతం కళ్యాణ్‌రామ్‌ ఐదు సినిమాలతో బిజీగా ఉన్నారని చెప్పొచ్చు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
