హాలీవుడ్ సినిమాలను సౌత్ భాషల్లోకి డబ్ చేసి విడుదల చేస్తుంటారు. మార్వేల్ స్టూడియోస్ నిర్మించే సూపర్ హీరోస్ సినిమాలకు హాలీవుడ్ లోనే కాకుండా ఇండియాలో కూడా మంచి క్రేజ్ ఉంది. ఆ కారణంగానే ఆ సినిమాలను మన దగ్గర కూడా రిలీజ్ చేస్తుంటారు.

ఈ ఏప్రిల్ లో 'అవెంజర్స్ ఎండ్ గేమ్' సినిమా ప్రేక్షకుల ముందుకు రానుంది. ఈ సినిమా తమిళ వెర్షన్ కోసం మురుగదాస్ డైలాగులు రాస్తున్నారు. 'అవెంజర్స్' ప్రాంచైజీకి ఇండియాలో విపరీతమైన ఫ్యామ్స్ ఉన్నారు. గతంలో విడుదలైన 'అవెంజర్స్ ఇన్ఫినిటీ వార్' ఇక్కడ ఎంత పెద్ద హిట్ అయిందో ప్రత్యేకంగా చెప్పనక్కర్లేదు.

ఇప్పుడు ఆ సిరీస్ లో భాగంగా వస్తోన్న 'అవెంజర్స్ ఎండ్ గేమ్'కి మరింత క్రేజ్ పెంచడానికి తమిళంలో మురుగదాస్ ని మాటల రచయితగా తీసుకున్నారు. ఇప్పటివరకు మురుగదాస్ బయట సినిమాలకు కథ కానీ, డైలాగ్స్ కానీ అందించింది లేదు.

తొలిసారి ఆయన ఈ సినిమాకి మాటలు రాస్తున్నారు. ఈ విషయం ఆడియన్స్ ని ఆకర్షించడం ఖాయం. తమిళంలోమాదిరి తెలుగు వెర్షన్ కి కూడా అగ్ర దర్శకుడిని తీసుకుంటారేమో చూడాలి!