స్వీటీ అనుష్క శెట్టి, కామెడీ హీరో నవీన్ పోలిశెట్టి జంటగా నటిస్తున్న చిత్రం `మిస్ శెట్టి మిస్టర్ పొలిశెట్టి`. ఈ సినిమా టీజర్ తాజాగా విడుదలైంది. ఆద్యంతం కామెడీ సాగే టీజర్ అలరిస్తుంది.
`నిశ్శబ్దం` వచ్చిన మూడేళ్లకి అనుష్క మళ్లీ తెరపైకి రాబోతుంది. ఆమెని వెండితెరపై చూసేందుకు అభిమానులు ఆతృతగా వెయిట్ చేస్తున్నారు. ఈ నేపథ్యంలో ప్రస్తుతం స్వీటీ కొంత గ్యాప్ తర్వాత `మిస్ శెట్టి మిస్టర్ పోలిశెట్టి` చిత్రంలో నటిస్తున్నారు. `జాతిరత్నాలు` వంటి హిలేరియస్ కామెడీ సినిమాతో మెప్పించిన యంగ్ హీరో నవీన్ పోలిశెట్టి ఇందులో హీరోగా, అనుష్కకి జోడీగా నటిస్తున్నారు. ఈ క్రేజీ కాంబినేషన్లో వస్తోన్న సినిమా కావడంతో దీనిపై సర్వత్రా ఆసక్తి నెలకొంది.
ఈ సినిమా చాలా కాలంగా చిత్రీకరణ జరుపుకుంటోంది. ఫస్ట్ లుక్లతో అలరించిన టీమ్ ఇప్పుడు టీజర్ని రిలీజ్ చేశారు. మూడు గంటల డిలే అనంతరం ఈ సినిమా టీజర్ టీజర్ని రిలీజ్ చేశారు. టీజర్ ఆద్యంతం కామెడీగా సాగుతుంది. ఒక చెఫ్, ఒక స్టాండప్ కమెడియన్ మధ్య సాగే కథతో రూపొందుతున్న సినిమా అని టీమ్ చెప్పింది. టీజర్ లో దాన్ని మరింత ఎంటర్టైనింగ్ గా చూపించారు. రవళి పాత్రలో నటించిన అనుష్క ప్రొఫెషనల్ చెఫ్. పెళ్లంటే ఇష్టం ఉండదు. ఆ విషయంలో ఫ్యామిలీ సపోర్ట్ కూడా ఉంటుంది. ఇటు పేరెంట్స్ కు ఇష్టం లేకపోయినా స్టాండప్ కమెడియన్ గా రాణించాలని ప్రయత్నించే మరో కుర్రాడు.
ఈ ఇద్దరికీ అనుకోకుండా పరిచయమై ఆ పరిచయం స్నేహంగా మారుతుంది. మరి ఆ స్నేహం ఏ తీరాలకు చేరింది అనేది తెలియాలంటే సినిమా చూడాల్సిందే అన్నట్టుగా ఉందీ టీజర్. అయితే ఈ ఇద్దరి మధ్య వచ్చే సన్నివేశాలు చాలా ఫ్రెష్ గా ఉన్నాయి. ముఖ్యంగా అనుష్క.. నవీన్ ను ఇంటర్వ్యూ చేస్తూ.. నీ స్ట్రెంత్ ఏంటీ అని అడుగుతుంది.. అందుకు నవీన్ ‘అవకాశం ఉన్నప్పుడల్లా కామెడీ చేస్తుంటా’ అని చెబుతాడు.. వీక్ నెస్ గురించి అడిగితే.. ‘సిట్యుయేషన్ కు సంబంధం లేకుండా కామెడీ చేస్తుంటా’ అని చెప్పే డైలాగ్ ఫన్నీగా ఉంది. చివర్లో నీ టైమింగ్ ఎప్పుడూ ఇంతేనా అని అడిగితే కామెడీ టైమింగ్ మాత్రం పర్ఫెక్ట్ గా ఉంటుంది మేడమ్ అని చెప్పడం నవీన్ మార్క్ కామెడీతో సినిమా సాగుతుందని అర్థమవుతుంది.
ఈ సినిమా నుంచి కూడా కామెడీ ఎక్స్ పెక్ట్ చేయొచ్చు ఇన్ డైరెక్ట్ గా చెప్పారనుకోవచ్చు. ఓవరాల్ గా టీజర్ చాలా ఇంప్రెసివ్ గా ఉంది. ఖచ్చితంగా ఓ మంచి ఎంటర్టైనింగ్ మూవీని ఎక్స్ పెక్ట్ చేయొచ్చు అనేలా టీజర్ తోనే చెప్పారు. ఓ కొత్త అనుభూతి మాత్రం ఈ టీజర్ తో కలుగుతుందని చెప్పొచ్చు. ఇప్పటికే `మిస్ శెట్టి మిస్టర్ పోలిశెట్టి`పై మంచి అంచనాలున్నాయి. వాటిని ఈ టీజర్ మరింత పెంచింది. ఇక యూవీ క్రియేషన్స్ నిర్మించే ఈ చిత్రాన్ని త్వరలోనే విడుదలకు ప్లాన్ చేస్తున్నట్టు చిత్ర బృందం తెలిపింది.
తెలుగుతో పాటు తమిళ్, కన్నడ, మళయాల భాషల్లో విడుదల కాబోతోన్న ఈ చిత్రంలో అనుష్క శెట్టి, నవీన్ పోలిశెట్టి, జయసుధ, మురళీ శర్మ, తులసి ముఖ్య పాత్రలు పోషిస్తున్నారు.
సాంకేతిక నిపుణులు
బ్యానర్ : యూవీ క్రియేషన్స్
ప్రొడక్షన్ డిజైనర్ : రాజవీన్,
విఎఫ్ఎక్స్ సూపర్ వైజర్ : రాఘవ్ తమ్మారెడ్డి
ఎడిటర్ : కోటగిరి వెంకటేశ్వరావు
సంగీతం : రధన్
సినిమాటోగ్రఫీ : నీరవ్ షా
పిఆర్వో : జీఎస్కే మీడియా
నిర్మాతలు : వంశీ - ప్రమోద్ - విక్రమ్
రచన, దర్శకత్వం : పి. మహేష్ కుమార్.
