అఖిల్ మిస్సయ్యాడా?
- మారుతి దర్శకత్వంలో తెరకెక్కిన చిత్రం మహానుభావుడు
- శర్వానంద్, మెహరీన్ జంటగా తెరకెక్కిన మహానుభావుడు
- అఖిల్ తో మహానుభావుడు తీయాలనుకున్న మారుతి
‘ఈరోజుల్లో’తో దర్శకుడిగా తెలుగు చిత్ర సీమలో అడుగుపెట్టాడు మారుతి. ఆ చిత్ర విజయంతో మారుతి పేరు మార్మోగిపోయింది. ‘భలే భలే మగాడివోయ్‌’తో విజయవంతమైన చిత్రాల దర్శకుడిగా మారిపోయారు. వినోదాత్మక చిత్రాలకు కేరాఫ్‌ అడ్రస్‌గా నిలిచారు. ఇప్పుడు శర్వానంద్‌ని ‘మహానుభావుడు’గా మార్చిందీ ఆయనే. శుక్రవారం ఈ చిత్రం ప్రేక్షకుల ముందుకు వస్తోంది. ఈ సందర్భంగా చిత్ర విశేషాలు మారుతి మాట్లలోనే..
‘‘ఆనంద్‌ సాఫ్ట్‌వేర్‌ ఇంజనీర్‌. మనిషి చాలా మంచివాడు. కానీ ఒకటే లోపం.. అతి పరిశుభ్రత. దాని వల్ల ఆనంద్‌ జీవితంలో ఎలాంటి మార్పులొచ్చాయి అనేదే కథ. వినోదంతో ఆసక్తికరంగా తెరపై చూపించాం. ఈ కథకు ఏదైనా ప్రేరణ ఉందా అని చాలా మంది అడుగుతున్నారు.ప్రత్యేకంగా ఫలానా అనేం లేదు. సమాజంలో రకరకాల మనస్తత్వాలున్న వ్యక్తుల్ని చూస్తుంటాం. ఈ కథా అలా తయారైందే. వినోదమే కాదు, చిన్న సందేశం కూడా ఉంటుంది. దాన్నీ నవ్విస్తూనే చెప్పాం.
కథ డిమాండ్‌ను బట్టి.. ఆ కథకు ఎవరైతే సరిపోతారో చూసుకొనే నేను సినిమాలు చేస్తున్నాను. పెద్ద హీరోలకు సరిపోయే భిన్నమైన కథలు నా వద్ద ఉన్నాయి. సమయం వచ్చినప్పుడు వారితో సినిమా చేస్తాను. ఈ కథ మాత్రం శర్వానంద్ కే సరిపోతుందనిపించింది. అందుకే ఆయనను ఎంచుకున్నాను. కెరీర్ తొలినాళ్ల నుంచి శర్వానంద్ కథాబలం కలిగిన, నటనకు ప్రాధాన్యమున్న పాత్రలే ఎంచుకుంటున్నాడు. సక్సెస్, ఫెయిల్యూర్స్, స్టార్‌డమ్, వసూళ్లు వంటి లెక్కలు వేసుకోకుండా ప్రతిసారి తనను తాను కొత్తగా ఆవిష్కరించుకునేందుకు ప్రయత్నిస్తున్నారు. ఈ కథ అయితే.. తనకు బాగుంటుందని అనిపించింది.
మొదట ఈ సినిమాని అఖిల్ తో చేద్దామనుకున్నాను. నాగార్జునతోపాటు అఖిల్ కి కూడా కథ వినిపించాను. వారికి నచ్చింది కానీ. విక్రమ్ తో సినిమాలో అఖిల్ బిజీగా ఉండటంతో ఆలస్యమౌతుందని శర్వానంద్ తో తెరకెక్కించాను.’’
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
