రజనీకాంత్‌ వల్లే నా కెరీర్‌ ముగిసి పోయిందిః హాట్‌ టాపిక్‌ అవుతున్న మనీషా కోయిరాలా వ్యాఖ్యలు..
అలనాటి తార మనీషా కోయిరాలా రజనీకాంత్‌ `బాబా` సినిమాపై సంచలన వ్యాఖ్యలు చేసింది. ప్రస్తుతం ఆమె వ్యాఖ్యలు పెద్ద హాట్‌ టాపిక్‌గా మారాయి.
హిందీతోపాటు సౌత్‌లోనూ స్టార్‌ హీరోయిన్‌గా రాణించింది మనీషా కోయిరాలా. ఆమె అనేక సంచలన చిత్రాల్లో భాగమయ్యింది. `భారతీయుడు`, `ఒకే ఒక్కడు` వంటి చిత్రాలతో సౌత్‌ ఆడియెన్స్ కి బాగా దగ్గరైన విషయం తెలిసిందే. సౌత్‌లో నటించింది చాలా తక్కువే అయినా తన ఇంపాక్ట్ ని చూపించింది. క్యాన్సర్‌ బారిన పడి కోలుకున్న ఆమె రజనీకాంత్‌తో `బాబా` చిత్రంలో నటించిన విషయం తెలిసిందే.
తాజాగా ఆమె రజనీకాంత్‌పై సంచలన వ్యాఖ్యలు చేసింది. `బాబా` సినిమాతో తన పని అయిపోయిందంటూ వ్యాఖ్యానించింది. తాజాగా ఓ ఇంటర్వ్యూలో ఆమె ముచ్చటించింది. సౌత్‌(తమిళం)లో `బాబా` నా చివరి చిత్రం, ఆది పరాజయం చెందడంతో నా కెరీర్‌ ముగిసినట్టే అనుకున్నా. ముందుగా ఊహించినట్టే జరిగింది. ఆ తర్వాత నాకు పెద్దగా అవకాశాలు రాలేదు. కానీ ఆ సినిమా రీ రిలీజ్ అయ్యాక పెద్ద విజయం సాధించింది` అని చెప్పింది మనీషా కోయిరాలా. గతేడాది రజనీ బర్త్ డే సందర్భంగా `బాబా`ని రిలీజ్ చేయగా ఆకట్టుకుంది.
`బాబా` సినిమా రజనీకాంత్‌ డ్రీమ్‌ ప్రాజెక్ట్. దీనికి ఆయనే కథ అందిస్తూ నిర్మించారు. ఆధ్యాత్మిక కోణంలో సాగే ఈ సినిమాకి సురేష్‌ కృష్ణ దర్శకత్వం వహించారు. 2002లో విడుదలైన ఈ చిత్రం భారీ అంచనాలతో వచ్చి పరాజయం చెందింది. ఇందులో హీరోయిన్‌గా మనీషా కోయిరాలా నటించింది. ఈ సినిమా బోల్తా కొట్టడంతో మనీషాకి ఆఫర్లు తగ్గిపోయాయి. ఆ తర్వాత మూడేళ్లకి కమల్‌తో `ముంబయి ఎక్స్ ప్రెస్‌` చేసింది. ఈ సినిమా కూడా పెద్దగా ఆడలేదు. దీంతో సౌత్‌ నుంచి ఆఫర్లు రాలేదు. ఆల్మోస్ట్ సౌత్‌లో మనీషా కెరీర్‌ అయిపోయింది. ఇదే విషయాన్ని తాజాగా ఆమె ఇంటర్వ్యూలో వెల్లడించింది.
తమిళంలో నటించిన తొలి చిత్రం `బాంబే` గురించి ప్రత్యేకంగా చెప్పుకొచ్చింది మనీషా. మణిరత్నం దర్శకత్వంలో రూపొందిన ఈ సినిమా 1995లో విడుదలై సంచలన విజయం సాధించింది. అరవింద్‌ స్వామి హీరోగా నటించిన ఈ సినిమా కల్ట్ క్లాసిక్‌ మూవీగా నిలిచింది. రొమాంటిక్‌ డ్రామాగా యావత్‌ ఇండియన్‌ ఆడియెన్స్ లోనూ ముద్ర వేసింది. ఈ సినిమా గురించి మనీషా చెబుతూ, మొదట ఈ సినిమా చేయకూడదనుకుందట. తల్లి పాత్రలో నటిస్తే కెరీర్‌ దెబ్బతింటుందని అంతా హెచ్చరించారని, కానీ సినిమాటోగ్రాఫర్‌ అశోక్‌ మెహతా.. మణిరత్నం గురించి, ఆయన సినిమాల గురించి చెప్పారని, ఈ సినిమా వదిలేస్తే నీ అంతా పిచ్చి వాళ్లు ఉండరని తిట్టడంతో తాను ఒప్పుకుందట. ఆ దెబ్బతో తన అమ్మతో కలిసి చెన్నై వెళ్లిపోయామని, `బాంబే` సినిమా చేసినందుకు చాలా హ్యాపీగా ఉందంటూ తెలిపింది.
మనీషా కోయిరాలా తెలుగులో `క్రిమినల్‌` చిత్రంలో నటించింది. మహేష్ భట్‌ దర్శకత్వం వహించిన ఈ సినిమా తెలుగుతోపాటు హిందీలో బైలింగ్వల్‌గా తెరకెక్కింది. రమ్యకృష్ణతోపాటు మనీషా నటించింది. ఈ సినిమా పెద్ద విజయం సాధించింది. కానీ చాలా వరకు బాలీవుడ్‌ సినిమాగానే చూశారు. అందుకే తెలుగులో ఈ బ్యూటీకి పెద్దగా పేరు రాలేదు. 2008లో `నగరం` చిత్రంలో స్పెషల్‌ సాంగ్‌ చేసింది మనీషా. ఇక తెలుగులో నటించింది లేదు. కానీ తమిళ డబ్బింగ్‌ చిత్రాలతోనే తెలుగు ఆడియెన్స్ ని ఆకట్టుకుంది. ఇప్పుడు హిందీలో అడపాదడపా సినిమాలు చేస్తుంది మనీషా.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
