#Bramayugam: 'భ్రమయుగం' తెలుగు వెర్షన్ ఎప్పుడు?, ఓటిటి రిలీజ్ డేట్
భ్రమయుగం తెలుగు వెర్షన్పై సందిగ్ధత నెలకొంది.భ్రమయుగం చిత్రంలో మమ్మూట్టితో పాటు అర్జున్ అశోకన్, సిద్దార్థ్ భరతన్, అమల్దా లిజ్ కీలకపాత్రలు పోషించారు.
 )
మొన్న శుక్రవారం రిలీజైన మాలీవుడ్ మెగాస్టార్ మమ్ముట్టి నటించిన హారర్ సినిమా 'భ్రమయుగం' బాక్సాఫీస్ దగ్గర దుమ్ము దులుపుతున్న సంగతి తెలిసిందే. రిలీజైన రోజు నుంచి ఈ చిత్రానికి విమర్శకుల నుంచి ఆడియన్స్ వరకూ సూపర్ పాజిటివ్ రివ్యూలు వస్తున్నాయి. మమ్ముట్టి అవార్డ్ విన్నింగ్ పెర్ఫామెన్స్ ఇచ్చారంటూ మీడియాలో చర్చ జరుగుతోంది. 'భూతకాలం' తీసిన రాహుల్ సదాశివన్ ఈ సినిమాను తెరకెక్కించాడు. రెండు రోజుల్లోనే పదమూడు కోట్లకు పైగా వసూలు చేసిన ఈ సినిమాకు స్క్రీన్స్ పెంచుకుంటూ పోతున్నారు.
పూర్తి బ్లాక్ అండ్ వైట్ లో తీసిన ఈ సినిమా ..హాలీవుడ్ సినిమా చూస్తున్న ఫీల్ ఇస్తోందని ఆడియన్స్ అంటున్నారు. తెలుగులోనూ ఈ సినిమా రిలీజ్ అవుతుందని ఎక్సపెక్ట్ చేసారు కానీ కాలేదు. అయితే ఇప్పుడు హిట్ టాక్ రావటంతో తెలుగు వెర్షన్ ని భారీగా రిలీజ్ చేద్దామనే ప్లానింగ్ లో నిర్మాతలు ఉన్నారట. ఈ మేరకు తెలుగు డబ్బింగ్ వర్క్ స్టార్ట్ అయ్యిందని అంటున్నారు. మరో ప్రక్క ఈ చిత్రం ఓటిటి రిలీజ్ కోసం చాలా మంది ఎదురుచూస్తున్నారు. అయితే హిట్ సినిమా అంత తేలిగ్గా ఓటీటిలో వస్తుందా...
ట్రేడ్ వర్గాల నుంచి అందుతున్న సమాచారం మేరకు ఈ 'భ్రమయుగం' చిత్రం OTT రైట్స్ ని Sony LIV వారు సొంతం చేసుకున్నారు. తెలుగు,తమిళ,మళయాళ,కన్నడ, హిందీ వెర్షన్స్ లలో రిలీజ్ చేస్తారు. అయితే ఖచ్చితంగా ఓటిటిలో రిలీజ్ ఎప్పుడనేది తెలియలేదు. ఎగ్రిమెంట్ ప్రకారం సాధారణంగా థియేటర్ రిలీజ్ అయ్యిన 6-8 వారాల్లో సినిమా రిజల్ట్ చూసుకుని వదులుతారు. థియేటర్ రెవిన్యూ పూర్తైందనుకున్నాకే ఓటిటిలోకు వస్తుంది.
మరో ప్రక్క భ్రమయుగం సినిమా తెలుగు వెర్షన్ ఎప్పుడు రిలీజ్ అవుతుందో మేకర్స్ ఇంకా అఫీషియల్ గా ప్రకటించలేదు. ఫిబ్రవరి 23వ తేదీన ఈ చిత్రం తెలుగులో థియేటర్లలోకి వస్తుందని అంచనాలు ఉన్నాయి. అదేం లేదు, ఈ మూవీ తెలుగు వెర్షన్ డైరక్ట్ గా ఓటీటీలోకి వస్తుందని కూడా రూమర్లు వస్తున్నాయి. భ్రమయుగం తెలుగు వెర్షన్పై సందిగ్ధత నెలకొంది.భ్రమయుగం చిత్రంలో మమ్మూట్టితో పాటు అర్జున్ అశోకన్, సిద్దార్థ్ భరతన్, అమల్దా లిజ్ కీలకపాత్రలు పోషించారు. ఈ చిత్రానికి రాహుల్ సదాశివన్ దర్శకత్వం వహించారు. ఈ చిత్రం మొత్తం బ్లాక్ అండ్ వైట్ ఫార్మాట్లోనే వచ్చింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
