‘మామా మశ్చీంద్ర’లో అదొక్కటే అసంతృప్తి.. డైరెక్టర్ హర్షవర్దన్ కామెంట్స్
మూడు రోజుల్లో నైట్రో స్టార్ సుధీర్ బాబు లేటెస్ట్ ఫిల్మ్ ‘మామా మశ్చీంద్ర’ విడుదల కాబోతోంది. నిన్న జరిగిన ప్రీ రిలీజ్ ఈవెంట్ లో దర్శకుడు హర్షవర్దన్ కృష్ణ గురించి చేసిన వ్యాఖ్యలు ఆసక్తికరంగా మారాయి.
 )
Follow
సుధీర్ బాబు లేటెస్ట్ ఫిల్మ్ ‘మామా మశ్చీంద్ర’ (Mama Mascheendra). ‘అమృతం’ ఫేమ్, ప్రముఖ నటుడు హర్షవర్ధన్ తొలిసారిగా దర్శకత్వం వహించిన చిత్రమిది. అక్టోబర్ 6న ప్రేక్షకుల ముందుకు రానుంది. సుధీర్ బాబు త్రిపాత్రాభినయంతో అలరించబోతున్నారు. ఇప్పటికే విడుదలైన ప్రమోషనల్ మెటీరియల్ సినిమాపై ఆసక్తిని పెంచేసింది. ఈ క్రమంలో నిన్న హైదరాబాద్ వేదికగా జేఆర్సీ కన్వెన్షన్ హాల్ లో ప్రీ రిలీజ్ ఈవెంట్ నిర్వహించారు. ఈవెంట్ కు శేఖర్ కమ్ముల, శర్వానంద్, విశ్వక్ సేన్, శ్రీవిష్ణు, అశోక్ గల్లా అతిథులుగా హాజరై యూనిట్ కు ఆల్ ది బెస్ట్ చెప్పారు.
ఈ సందర్భంగా వేదికపై దర్శకుడు హర్షవర్ధన్ మాటలు ఆసక్తికరంగా మారాయి. సూపర్ స్టార్ కృష్ణ (Superstar Krishna)ను గుర్తుచేసుకుంటూ ఎమోషనల్ కామెంట్స్ చేశారు. కెరీర్ లో ఒక్కసారైన కృష్ణగారితో స్క్రీన్ షేర్ చేసుకోవాలని అనుకున్నాను. ఎక్కడా అవకాశం రాలేదు. ‘మామా మశ్చీంద్ర’లో కృష్ణగారి కోసం స్పెషల్ సీన్ ను రాశాం. ఆయన్ని వెండితెరపై చూపించేందుకు ప్రయత్నించాం. ఇందుకు కృష్ణగారు కూడా ఒప్పుకున్నారు. షూటింగ్ జరుగుతున్న సమయంలోనే ఆయన మనందరికీ దూరమవ్వడం బాధాకరం. ఈ సినిమాలో ఆయనతో కలిసి పనిచేసే అదృష్ణం లేకపోయింది. అదొక్కటే అసంతృప్తి. మిగిలిన అంశాలన్నీ అలరిస్తాయి. ఆయనకు ఈ వేదికగా మరోసారి నివాళి అర్పిస్తున్నాను.. అంటూ భావోద్వేగమయ్యారు. ఇక సుధీర్ బాబు కూడా మామ కృష్ణను కోల్పోయినందుకు ఈవెంట్ లో ఎమోషనల్ అయ్యారు. జోహార్ కృష్ణ అంటూ నినదించారు.
యంగ్ హీరో సుధీర్ బాబు (Sudheer Babu) సాలిడ్ హిట్ అందుకొని చాలా కాలమైంది. శివ మనస్సులో శృతి (SMS) అనే చిత్రంతో హీరోగా తెలుగు ప్రేక్షకులకు పరిచయం అయిన విషయం తెలిసిందే. డాన్స్, ఫిట్ నెస్, యాక్షన్ తో ఫస్ట్ మూవీతో ఆడియెన్స్ ను ఫిదా చేశారు. అప్పటి నుంచి వరుస చిత్రాలతో, విభిన్న కథలతో అలరిస్తూనే వస్తున్నారు. ‘ప్రేమ కథా చిత్రం’, ‘వీ’ వంటి సినిమాలు మంచి రిజల్ట్ ను అందించాయి. ఈ క్రమంలో ‘మామా మశ్చీంద్ర’తో మరో ఇంట్రెస్టింగ్ సబ్జెక్ట్ ను ప్రేక్షకుల ముందుకు తీసుకొస్తున్నారు.
ఇక ‘మామా’ మశ్చీంద్ర చిత్రాన్ని శ్రీ శ్రీనివాస సినిమాస్ ఎల్ఎల్పీ బ్యానర్ పై నారాయణదాస్ కే నారంగ్ నిర్మాతగా తెరకెక్కిస్తున్నారు. యంగ్ బ్యూటీ ఈషా రెబ్బా, మృణాలిని రవి కథనాయికలు. కొద్దిరోజులుగా ఎలాంటి సందడి చేయని యూనిట్ సడెన్ గా చిత్ర విడుదల తేదీని ప్రకటించి సర్ ప్రైజ్ చేశారు. ప్రస్తుతం ప్రమోషన్స్ ను జోరుగా నిర్వహిస్తున్నారు. త్రిపుల్ ఫన్, ఎమోషన్, డ్రామా, యాక్షన్ తో ఆకట్టుకునేందుకు సిద్ధం అవుతున్నారు. మూడు రోజుల్లో చిత్రం ప్రేక్షకుల ముందుకు రానుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
