మహేష్ బాబు కూతురు సితార డాన్స్ వీడియో వైరల్ గా మారింది. లవ్ స్టోరీ మూవీలోని సూపర్ హిట్ సాంగ్ సారంగదరియాకు సీతార అద్భుతంగా డాన్స్ చేసింది.
సితార ఘట్టమనేని సోషల్ మీడియాలో చాలా యాక్టివ్. పదేళ్ల ప్రాయంలోనే ఈ స్టార్ కిడ్ లక్షల మంది ఫాలోవర్స్ కలిగి ఉన్నారు. దానికి కారణం ఆమె టాలెంట్ కూడా. సితార తరచుగా డాన్స్ వీడియోలు చేస్తుంటారు. అప్పుడప్పుడు పాటలు పాడుతుంటారు. సోషల్ అవేర్నెస్ వీడియోలు చేస్తుంటారు. కేవలం మహేష్ బాబు కూతురుగానే కాకుండా తనకంటూ ఓ గుర్తింపు తెచ్చుకుంది.
తాజాగా సితార లవ్ స్టోరీ మూవీలోని 'సారంగదరియా' సాంగ్ కి డాన్స్ చేసింది. అత్యంత కష్టమైన ఈ పాటను ఇతర చాలా దగ్గరగా అనుకరించింది. సాయి పల్లవి అంత కాకపోయినా ఆమెను సితార మరిపించింది. సితార డాన్స్ టాలెంట్ చూసిన ఫ్యాన్స్ అబ్బురపడుతున్నారు. సితార నువ్వు సూపర్ అంటూ కొనియాడుతున్నారు. యానీ మాస్టర్ వద్ద సితార డాన్సులు శిక్షణ తీసుకుంటున్నట్లు సమాచారం. ఏమైనా సితార చిన్నప్పటి నుండి కళలపై మక్కువ పెంచుకుంటూ, వాటిని అభ్యసిస్తూ తండ్రికి తగ్గ కూతురు అనిపించుకుంటున్నారు.
త్వరలో సితార సిల్వర్ స్క్రీన్ ఎంట్రీ ఇచ్చే ఆస్కారం లేకపోలేదు. సర్కారు వారి పాట మూవీలో 'పెన్నీ' సాంగ్ ప్రమోషనల్ వీడియోలో సితార నటించిన విషయం తెలిసిందే. పిల్లలను ప్రాణంగా ప్రేమించే మహేష్ వారికి ఇష్టమైన రంగాల్లో ప్రోత్సహిస్తారు అనడంలో సందేహం లేదు. ఒక వేళ సితార నటనను కెరీర్ గా ఎంచుకుంటే ఆయన మద్దతు ఖచ్చితంగా ఉంటుంది. ఇక కొడుకు గౌతమ్ మహేష్ నటవారసుడిగా సిల్వర్ స్క్రీన్ కి పరిచయం కావడం అనివార్యం. చైల్డ్ ఆర్టిస్ట్ గా గౌతమ్ వన్ నేనొక్కడినే చిత్రంలో నటించారు.
గౌతమ్ సోషల్ మీడియాను వాడడు. సితార మాత్రం తరచుగా ఫోటోలు, వీడియోలు షేర్ చేస్తుంటారు. సితారకు ఓ యూట్యూబ్ ఛానల్ కూడా ఉంది. అందులో పిల్లలకు సంబంధించిన వీడియోలు, సోషల్ అవేర్నెస్ వీడియోలు పోస్ట్ చేస్తుంటారు. ఇక తరచుగా పేరెంట్స్ తో కలిసి విదేశీ టూర్లు వెళుతుంటారు. విదేశాల్లో తన ప్రతి మూమెంట్ కెమెరాలో బంధించి ఫ్యాన్స్ తో పంచుకుంటూ ఉంటారు.
