Mahaan : ‘మహాన్’మూవీ తెలుగు, తమిళ్ టీజర్ రిలీజ్.. యాక్షన్ థ్రిల్లర్ తో ఆకట్టుకుంటున్న విక్రమ్, ధృవ్..
చియాన్ విక్రమ్, ధృవ్ విక్రమ్ నటించిన యాక్షన్ థ్రిల్లర్ మూమీ ‘మహాన్’. ఈ మూవీని పలు భాషల్లో నిర్మించారు. ఇప్పటికే ఇతర భాషల ట్రైలర్లు రీలీజ్ కాగా, తాజాగా తెలుగు ట్రైలర్ ను మేకర్స్ రిలీజ్ చేశారు.
 )
Followతమిళ ప్రేక్షకులతో పాటు తెలుగు ఆడియెన్స్ కు కూడా ఎంతో సుపరిచితమైన యాక్టర్, పరిచయం లేని ‘అపరిచితుడు’ చియాన్ విక్రమ్. విభిన్న కథలతో ఆడియెన్స్ ను మెప్పించడంలో విక్రమ్ స్టైలే వేరు. తన సినిమాల కోసం ఆడియెన్స్ ఎంతగానో ఎదురు చూస్తరన్న విషయం తెలిసిందే. ఈ క్రమంలో విక్రమ్ నటించిన ‘మహాన్’ మూవీ తమిళంతో పాటు తెలుగు, హిందీ, మలయాళం భాషల్లో రిలీజ్ కానుంది. ఈ మూవీకి సంబంధించిన టైటిల్ పోస్టర్లకు ప్రేక్షకుల నుంచి మంచి స్పందన లభిస్తోంది. ఇప్పటికే హిందీ, కన్నడ భాషల్లో టీజర్ ను విడుదల చేశారు. తాజాగా తెలుగు, తమిళ భాషల్లో ఈ చిత్రానికి సంబంధించిన టీజర్ ను రిలీజ్ చేశారు మేకర్స్. ‘ప్రైమ్ వీడియో’, ‘ఫాక్స్ ట్రైలర్ ప్రో’ రిలీజ్ చేసిన ఈ టీజర్స్ య్యూటూబ్ లో దూసుకెళ్తున్నాయి.
ఒక వ్యక్తి తన వ్యక్తిగత స్వేచ్ఛ కోసం సైద్ధాంతిక జీవన విధానాన్ని వదలిన సందర్భంలో అతని కుటుంబం అతనిని విడిచిపెట్టిన కథ ఇది. అయినప్పటికీ, అతను తన ఆశయాలను సాధించే క్రమంలో తన కొడుకుకు దూరం అవుతాడు. బిలియనీర్ కావాలనే తన కలను నెరవేర్చుకున్నప్పటికీ.. తన కొడుకు దగ్గరయ్యే అవకాశం అతనికి జీవితం ఇస్తుందో.. లేదో.. అనే ఉత్కంఠభరితమైన, యాక్షన్‌తో కూడిన ప్రయాణమే ఈ సినిమా.
https://youtu.be/Icdm47dxfM8
ఈ చిత్రంలో విక్రమ్‌తోపాటు ఆయన కుమారుడు ధృవ విక్రమ్ కూడా ప్రధాన పాత్ర పోషిస్తున్నారు. బాబీ సింహా, సిమ్రాన్ కీలక పాత్రలు పోషిస్తున్నారు. కార్తీక్‌ సుబ్బరాజు దర్శకత్వం వహించగా, సెవెన్‌ స్క్రీన్‌ స్టూడియో పతాకంపై లలిత్‌ కుమార్‌ నిర్మించారు. అన్ని బాగుంటే ఈ చిత్రం థియేటర్లలోనే విడుదల కావాల్సింది. కానీ కరోనా కారణంగా తమిళనాట థియేటర్లపై ఆంక్షలుండటంతో ఇంకా వెయిట్‌ చేయడం వల్ల ప్రయోజనం లేదని భావించిన యూనిట్‌ ఓటీటీ వైపు మొగ్గుచూపింది.
కాగా, `మహాన్` మూవీని ఓటీటీలో విడుదల చేయబోతున్నారు. అమెజాన్‌ ప్రైమ్ సంస్థ ఈ చిత్రానికి సంబంధించిన డిజిటల్‌ రైట్స్ ని ఇప్పటికే దక్కించుకున్న విషయం తెలిసిందే. ఈ మేరకు ఫిబ్రవరి 10న ఈ చిత్రం అన్ని భాషల్లో ప్రేక్షకులకు అందుబాటులోకి రానుంది. ప్రస్తుతం విక్రమ్ `మహాన్`తోపాటు `కోబ్రా`, `పొన్నియిన్‌ సెల్వన్‌ 1` వంటి చిత్రాల్లో నటిస్తున్నారు. ఈ చిత్రాలు కూడా విడుదలకు సిద్ధంగా ఉన్నాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
