‘మ్యాడ్’ ప్రొడ్యూసర్ ఛాలెంజ్.. ‘జాతిరత్నాలు మించి నవ్వకపోతే టికెట్ డబ్బులు వెనక్కి ఇస్తా’..
'మ్యాడ్' సినిమా 'జాతిరత్నాలు' కంటే బాగుంటుందని, సినిమా ప్రోడ్యూసర్ ఆసక్తికరంగా కామెంట్స్ చేశారు. ఏకంగా ఆడియెన్స్ తో ఓపెన్ సవాల్ చేశారు. నిర్మాత నాగవంశీ కామెంట్స్ ప్రస్తుతం హాట్ టాపిక్ గ్గా మారాయి.
 )
Followవైవిధ్య భరిత చిత్రాలతో తెలుగు సినీ పరిశ్రమలో అగ్ర నిర్మాణ సంస్థల్లో ఒకటిగా ఎదిగిన సితార ఎంటర్‌టైన్‌మెంట్స్ తాజాగా యూత్‌ఫుల్ ఎంటర్‌టైనర్ 'మ్యాడ్' (Mad) చిత్రంతో ప్రేక్షకులను అలరించడానికి సిద్ధమవుతోంది. సూర్యదేవర నాగ వంశీ సమర్పిస్తున్న ఈ సినిమాతో సూర్యదేవర హారిక నిర్మాతగా పరిచయమవుతున్నారు. ఫార్చూన్ ఫోర్ సినిమాస్‌ పై సాయి సౌజన్య ఈ చిత్రానికి సహ నిర్మాతగా వ్యవహరిస్తున్నారు. ఈ వినోదాత్మక చిత్రంలో నార్నే నితిన్, సంగీత్ శోభన్, రామ్ నితిన్, శ్రీ గౌరీ ప్రియా రెడ్డి, అనంతిక సనీల్‌కుమార్, గోపికా ఉద్యాన్ ప్రధాన పాత్రలు పోషిస్తున్నారు.
ఈ చిత్రం 2023 అక్టోబర్ 6న గ్రాండ్ గా విడుదల కాబోతోంది. ఈ సినిమాతో కళ్యాణ్ శంకర్ నూతన దర్శకుడిగా పరిచయం కాబోతున్నారు. ఇక విడుదల తేదీ దగ్గర పడుతున్న నేపథ్యంలో చిత్ర బృందం ప్రమోషన్స్ లో వేగం పెంచింది. మ్యాడ్ గ్యాంగ్ ని పరిచయం చేస్తూ మంగళవారం సాయంత్రం ప్రత్యేక కార్యక్రమం నిర్వహించారు. ఘనంగా జరిగిన ఈ వేడుకకు చిత్రం బృందంతో పాటు, 'జాతిరత్నాలు' ఫేమ్ దర్శకుడు అనుదీప్ సహా పలువురు హాజరయ్యారు. ఈ సినిమాలో అనుదీప్ కూడా నటించడం విశేషం. అయితే ఈ కార్యక్రమంలో నిర్మాత నాగవంశీ ఆసక్తికరమైన కామెంట్స్ చేశారు.
ఈ సందర్భంగా దర్శకుడు అనుదీప్ మాట్లాడుతూ.. "దర్శకుడు కళ్యాణ్ నాకు పదేళ్లుగా స్నేహితుడు. కళ్యాణ్ లో చాలా ఎనర్జీ ఉంటుంది, హ్యూమర్ ఉంటుంది. ఎప్పుడూ మంచి కథలు రాస్తుంటాడు. ఈ సినిమా చాలా ఎనర్జీతో, చాలా హ్యూమర్ తో ఉంటుంది. కొత్తవాళ్ళని ప్రోత్సహిస్తూ నాగవంశీ గారు మరిన్ని సినిమాలు తీయాలని కోరుకుంటున్నాను. మీరందరూ అక్టోబర్ 6 థియేటర్లలో ఈ సినిమాని చూసి ఎంజాయ్ చేస్తారని ఆశిస్తున్నాను" అన్నారు.
నిర్మాత నాగవంశీ మాట్లాడుతూ.. "జాతిరత్నాలు కంటే ఒక్కసారైనా తక్కువ నవ్వానని ఎవరైనా చెప్తే.. టికెట్ డబ్బులు వెనక్కి ఇచ్చేస్తాం. సినిమా పట్ల అంత నమ్మకం ఉంది. ఇది యూత్ ఫుల్ సినిమా అయినప్పటికీ, కుటుంబమంతా కలిసి చూసేలా ఉంటుంది. ఇంజనీరింగ్ కాలేజ్ లైఫ్ ని గుర్తు చేయడానికి తీసిన సినిమా ఇది. లాజిక్ లు, ట్విస్ట్ లు ఏముండవు. సినిమా మొదలైనప్పటి నుండి చివరివరకు నవ్వుతూనే ఉంటారు. కుటుంబంతో కలిసి అందరూ ఆనందించదగ్గ సినిమా ఇది" అంటూ ఆడియెన్స్ కు ఓపెన్ ఛాలెంజ్ చేశారు. ప్రస్తుతం నాగవంశీ కామెంట్స్ వైరల్ గా మారాయి.
అనంతరం నార్నే నితిన్ మాట్లాడుతూ.. "యువతకు నచ్చే ఒక మంచి కాలేజ్ సినిమా తీశాం. మీ అందరికీ ఈ సినిమా నచ్చుతుందని ఆశిస్తున్నాను" అన్నారు. సంగీత్ శోభన్, రామ్ నితిన్ మాట్లాడుతూ.. "సినిమా చూస్తే మీకు అర్థమవుతుంది ఎంత మ్యాడ్ గా తీశామో. అవుట్ అండ్ అవుట్ ఎంటర్టైన్మెంట్. మీరు వస్తారు, నవ్వుతారు, ఎంజాయ్ చేస్తారు.. అది మాత్రం గ్యారెంటీ" అన్నారు. ఇక అనుదీప్ కూడా మ్యాడ్, జాతిరత్నాలు సినిమాల్లో మ్యాడ్ సినిమానే ఎక్కువ బాగుంది. నాకు బాగా నచ్చిందనడం విశేషం.
అలాగే అనంతిక సనీల్ కుమార్, గోపికా ఉద్యన్, శ్రీ గౌరీ ప్రియా రెడ్డి మాట్లాడుతూ.. ఇంత మంచి సినిమాలో భాగం కావడం సంతోషంగా ఉందన్నారు. తమకు ఈ అవకాశం ఇచ్చిన నాగవంశీ, కళ్యాణ్ కు థ్యాంక్స్ చెప్పారు. మా సినిమా టైటిల్ లోనే ఉంది.. మా సినిమా ఎంత మ్యాడ్ గా ఉండబోతుందో అర్థం చేసుకోవచ్చని చెప్పారు.
చిత్ర దర్శకుడు కళ్యాణ్ శంకర్ మాట్లాడుతూ.. సినిమాలో మ్యాడ్ క్యారెక్టర్స్ ఉంటాయి. అలాంటి పిచ్చోళ్ళ కోసం వెతుకుతుంటే ఫస్ట్ సంగీత్ దొరికాడు. హలో వరల్డ్ అనే సిరీస్ చూసి రామ్ ని వంశీ అన్న పిలిపించారు. మన సినిమాని ముందుకు తీసుకోవడానికి ఒక హీరో కావాలి అనుకున్నప్పుడు ఒక్క యాక్షన్ వీడియో చూసి నార్నే నితిన్ ని ఎంపిక చేశాం. నిర్మాత హారిక గారు స్క్రిప్ట్ దశ నుంచి షూటింగ్ వరకు మొత్తం దగ్గరుండి చూసుకున్నారు. ఈ సినిమాలో ఓన్లీ ఎంటర్టైన్మెంటే ఉంటుంది. అనంతరం సంగీత దర్శకుడు భీమ్స్ సిసిరోలియో మ్యాడ్ చిత్రంలోని పాటలను పాడి ప్రేక్షకుల్లో ఉత్సాహం నింపారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
