వరల్డ్ వైడ్ గా హీరో కార్తికేయ 'బెదురులంక 2012' విడుదల.. రిలీజ్ ఎప్పుడంటే?
హీరో కార్తికేయ (Kartikeya) - నేహా శెట్టి జంటగా నటించిన తాజా చిత్రం ‘బెదురులంక 2012’. ప్రస్తుతం రిలీజ్ కు సిద్ధంగా ఉంది. తాజాగా మేకర్స్ రిలీజ్ డేట్ పై అప్డేట్ అందించారు.
 )
Follow‘ఆర్ ఎక్స్100’ మూవీతో గుర్తింపు దక్కించుకున్న యంగ్ హీరో కార్తీకేయ గుమ్మకొండ నటించిన లేటెస్ట్ ఫిల్మ్ ‘బెదురులంక2012’. ‘డీజే టిల్లు’ హీరోయిన్ నేహా శెట్టి (Neha Shetty) కథానాయిక. క్లాక్స్ దర్శకుడిగా పరిచయమవుతున్నారు. లౌక్య ఎంట‌ర్‌టైన్‌మెంట్స్‌ పతాకంపై ప్రొడక్షన్ నంబర్ 3గా ఈ చిత్రాన్ని రవీంద్ర బెనర్జీ (బెన్నీ) ముప్పానేని నిర్మించారు. ఇప్పటికే షూటింగ్ పూర్తైంది. ప్రస్తుతం రిలీజ్ మేకర్స్ ఏర్పాట్లు చేస్తున్నారు.
ఈ సందర్భంగా నిర్మాత రవీంద్ర బెనర్జీ, చిత్ర సమర్పకులు సి. యువరాజ్ రిలీజ్ డేట్ పై అప్డేట్ అందించారు. చిత్రంపై పూర్తి నమ్మకంతో ప్రపంచవ్యాప్తంగా విడుదల చేస్తున్నామని తెలిపారు. వచ్చే నెల జూన్ లో రిలీజ్ కాబోతుందని వెల్లడించారు. కానీ పక్కా డేట్ ను లాక్ చేయలేదు. తర్వలో మరోసారి అప్డేట్ ఇవ్వనున్నారు. ఇక ప్రమోషన్స్ పై ఫోకస్ పెట్టనున్నారు.
నిర్మాతలు మాట్లాడుతూ.. ఇది 'ఎంటర్టైనర్ ఆఫ్ థిస్ సీజన్' అవుతుందని అభిప్రాయపడ్డారు. ఇప్పటివరకు గోదావరి నేపథ్యంలో వచ్చిన రూరల్ డ్రామాలకు చాలా భిన్నంగా ఉంటుందని హామీనిచ్చారు. గోదావరి బేస్డ్ రూరల్ డ్రామా అంటే 'బెదురులంక 2012' ఒక బెంచ్ మార్క్ సెట్ చేస్తుందన్నారు. ఇప్పటికే విడుదలైన టీజర్, ఇతర పోస్టర్స్ ద్వారా ప్రేక్షకుల్లో మంచి రెస్పాన్స్ దక్కిందన్నారు.
కార్తికేయ, నేహా శెట్టి మధ్య కెమిస్ట్రీ, కెమెరా వర్క్, గోదావరి తీర ప్రాంతం, ఆద్యంతం నవ్వించే కామెడీ, ఇలా ఈ చిత్రంలో ఆకట్టుకునే అంశాలు ఎన్నో టీజర్ లో ఇప్పటికే చూపించారు.ఈ చిత్రానికి మెలోడీ బ్రహ్మ మణిశర్మ సంగీతం అందిస్తున్నారు. ఈ సినిమాలో అజయ్ ఘోష్, రాజ్ కుమార్ కసిరెడ్డి, శ్రీకాంత్ అయ్యంగార్, 'ఆటో' రామ్ ప్రసాద్, గోపరాజు రమణ, ఎల్బీ శ్రీరామ్, సత్య, సురభి ప్రభావతి, కిట్టయ్య, అనితానాథ్, దివ్య నార్ని కీలక పాత్రల్లో నటిస్తున్నారు.
ఈ చిత్రానికి యాక్షన్: అంజి, పృథ్వీ కాస్ట్యూమ్ డిజైనర్: అనూషా పుంజాల, పి.ఆర్.ఓ: పులగం చిన్నారాయణ, ఎడిటింగ్: విప్లవ్ న్యాసదం, సాహిత్యం: సిరివెన్నెల సీతారామశాస్త్రి, కిట్టూ విస్సాప్రగడ, కృష్ణ చైతన్య, ప్రొడక్షన్ డిజైన్: సుధీర్ మాచర్ల, ఎగ్జిక్యూటివ్ నిర్మాత: దుర్గారావు గుండా, సినిమాటోగ్రఫీ: సాయి ప్రకాష్ ఉమ్మడిసింగు, సన్నీ కూరపాటి, కొరియోగ్రాఫర్ గా బృంద, మోయిన్ వ్యవహరిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
