ఇంట్లో ఆరుగురికి కరోనా వచ్చినా...: కమల్ కామరాజ్
మా అత్తామామలు ఇంటికి వచ్చిన రోజే నా రిజల్ట్‌ పాజిటివ్‌ అని వచ్చింది. ఆ మరుసటి రోజే ఎవరికీ ఎలాంటి లక్షణాలు లేకపోయినా నా తల్లిదండ్రులు, నా భార్య, అత్తా, మామ, పని వాళ్లిద్దరికీ కూడా టెస్ట్‌ చేయించాను. మా పేరెంట్స్‌కి తప్ప అందరికీ పాజిటివ్‌.
ప్ర‌స్తుతం దేశంలో కరోనా క‌ర‌ళా నృత్యం చేస్తోంది. రోజురోజుకీ కేసుల సంఖ్య పెరిగిపోతోంది. మరళాలు భయపెడుతున్నాయి. సోషల్ మీడీయా, మీడియా ఎక్కడ చూసినా అవే వార్తలు. ఈ నేప‌థ్యంలోనే తెలుగు రెండు రాష్ట్రాల్లోనూ కరోనా కేసులు విప‌రీతంగా పెరుగుతున్నాయి. ఈ నేపధ్యంలో కరోనా తో భయపడుతున్న వారికి ధైర్యం చెప్పేందుకు సెలబ్రెటీలు ఒక్కొక్కరూ ముందుకు వచ్చి, తన అనుభవాలు షేర్ చేస్తున్నారు. తాజాగా కమల్ కామరాజ్ తమ అనుభవాలు వివరించారు. కోవిడ్‌ వచ్చిందని బెంబేలెత్తిపోవద్దు. ఎర్లీ డిటెక్షన్, ఇమ్మీడియట్‌ మెడికేషన్‌తో పాటు సానుకూల దృక్పథం తో మహమ్మారిని ఎదుర్కొందాం అని పిలుపుని ఇచ్చారు. గత నెలలో కుటుంబ సమేతంగా కోవిడ్‌ బారిన పడి కోలుకున్న కమల్ కామరాజ్ మీడియాతో .. మాట్లాడారు.
కమల్ కామరాజు మాట్లాడుతూ...‘షూటింగ్‌ కోసం డెహ్రాడూన్, చెన్నై వెళ్లొచ్చా. కోవిడ్‌ టెస్ట్‌ చేసుకుంటే నెగెటివ్‌ వచ్చింది. సెకండ్‌ వేవ్‌ కారణంగా భోపాల్‌లో పరిస్థితి బాగోకపోవడంతో మా అత్తా మామల్ని హైదరాబాద్‌ తీసుకువచ్చాం. మా మామగారికి 75 ఏళ్లు, అత్తయ్యకు 70 వరకూ ఉంటాయి. బీపీ, షుగర్‌ ఉన్నాయి. ఎందుకైనా మంచిదని లక్షణాలు లేకపోయినా వారు రాకముందే మరోసారి టెస్ట్‌కు శాంపిల్‌ ఇచ్చా. మా అత్తామామలు ఇంటికి వచ్చిన రోజే నా రిజల్ట్‌ పాజిటివ్‌ అని వచ్చింది. ఆ మరుసటి రోజే ఎవరికీ ఎలాంటి లక్షణాలు లేకపోయినా నా తల్లిదండ్రులు, నా భార్య, అత్తా, మామ, పని వాళ్లిద్దరికీ కూడా టెస్ట్‌ చేయించాను. మా పేరెంట్స్‌కి తప్ప అందరికీ పాజిటివ్‌.
అయితే లక్షణాలు లేవు కదా అని నిర్లక్ష్యం చేయలేదు మేము. డాక్టర్‌ని సంప్రదించి అందరికీ మందులు తెప్పించేశా. ఎర్లీ డిటెక్షన్.. ఇమ్మీడియట్‌ మెడికేషన్‌ మాకు చాలా హెల్ప్‌ అయింది. వాస్తవానికి మా ఇంట్లోవాళ్ల పరీక్ష నివేదిక రాకముందే మందులు ప్రారంభించాం. ఆందోళన పడకుండా మంచి ఆహారం తీసుకున్నాం. నాకు 2 రోజుల పాటు స్వల్ప జ్వరం తప్ప మరేమీ ఇబ్బంది కలగలేదు.
లక్షణాలు పెద్దగా లేకున్నా కోర్సు ప్రకారం చికిత్స తీసుకున్నాం. మా అత్తామామ వ్యాక్సిన్‌ తీసుకుని ఉండటంతో వారు కూడా ఇబ్బంది పడకుండానే బయటపడ్డారు. నా అనుభవం ప్రకారం చెప్పేదేమిటంటే..పాజిటివ్‌ వచ్చిందంటే వెంటనే మన చుట్టుపక్కల ఉన్న వారికి కూడా పరీక్షలు చేయించి మందులు ప్రారంభించాలి. సోషల్ మీడియాలో వచ్చే వాటితో ప్రయోగాలు చేయకూడదు. కరోనాను సీరియస్‌గా తీసుకుని, కేర్‌ ఫుల్‌గా ట్రీట్‌మెంట్‌ తీసుకుంటే క్యూర్‌ అయిపోతుంది అని చెప్పారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
