గ్యాంగ్స్టర్ నేపథ్యంతో తెరకెక్కిన ఈ సినిమాలో కమల్తోపాటు విజయ్ సేతుపతి, ఫహద్ ఫాజిల్ కీలకపాత్రలు పోషించారు. ఇక, అతిథి పాత్రలో కనిపించిన సూర్య ‘రోలెక్స్’గా అదరగొట్టేశారు.
డైరెక్టర్ లోకేష్ కనగరాజ్ దర్శకత్వంలో కమల్ హీరోగా తెరకెక్కిన సినిమా విక్రమ్. అనేక భాషల్లో విడుదలైన ఈ సినిమా బ్లాక్ బస్టర్ హిట్ సొంతం చేసుకుంది.ప్రస్తుతం ఈ సినిమా థియేటర్ లో బాగా సందడి చేస్తుంది. రిలీజైన మొదటి రోజే మంచి వసూళ్లు సొంతం చేసుకుంది.ఇక ఈ సినిమా గురించి ప్రతి ఒక్క ప్రేక్షకుడు అద్భుతమైన రివ్యూస్ ఇచ్చారు.ఈ నేపధ్యంలో ఈ చిత్రం భారీ వసూళ్లను అందుకొని అన్ని చోట్లా సాలిడ్ హిట్ అయ్యింది.
చాలా సంవత్సరాల తర్వాత కమల్హాసన్ కెరీర్లోనే బిగ్గెస్ట్ బ్లాక్బస్టర్గా నిలిచిన చిత్రం ‘విక్రమ్’. గ్యాంగ్స్టర్ నేపథ్యంతో తెరకెక్కిన ఈ సినిమాలో కమల్తోపాటు విజయ్ సేతుపతి, ఫహద్ ఫాజిల్ కీలకపాత్రలు పోషించారు. ఇక, అతిథి పాత్రలో కనిపించిన సూర్య ‘రోలెక్స్’గా అదరగొట్టేశారు. ఇంతమంది హీరోలు ఒకే స్క్రీన్పై మెరుపులు మెరిపించడంతో.. ఈ సినిమా బాక్సాఫీస్ వద్ద కాసుల వర్షం కురిపిస్తోంది.
విడుదలైన 16 రోజుల్లోనే ప్రపంచవ్యాప్తంగా రూ.300 కోట్లు వసూళ్లు రాబట్టిందని సినీ విశ్లేషకుల అంచనా. ఈ మొత్తం కలెక్షన్స్లో సగం అంటే రూ.150 కోట్లు కేవలం తమిళనాడు నుంచే వచ్చాయట. దీంతో ఇప్పటివరకూ ఆ రాష్ట్రంలో ఉన్న ‘బాహుబలి-2’ కలెక్షన్స్ రికార్డుని ‘విక్రమ్’ బద్దలు కొట్టింది. రానున్న రోజుల్లో ఈ సినిమా మరిన్ని రికార్డులు సృష్టించే దిశగా దూసుకెళ్తోంది.
ఆల్ టైం ఇండస్ట్రీ హిట్ గా నిలిచిన ఈ చిత్రం ఇంకా థియేటర్స్ లో స్ట్రాంగ్ రన్ ని కొనసాగిస్తుండగా ఈ సినిమా ఓటిటి రిలీజ్ పై ఇప్పుడు లేటెస్ట్ బజ్ బయటకి వచ్చింది. ఈ చిత్రం స్ట్రీమింగ్ హక్కులను ప్రముఖ ఓటిటి సంస్థ డిస్నీ + హాట్ స్టార్ వాళ్లు కొనుగోలు చేసిన సంగతి తెలిసిందే. మరి ఇందులో ఈ చిత్రం ఈ జూలై 8 నుంచి స్ట్రీమింగ్ కి రాబోతున్నట్టుగా తెలుస్తుంది. ఇక దీనిపై అయితే అధికారిక క్లారిటీ ఇంకా రావాల్సి ఉంది. ఇక ఈ చిత్రానికి అనిరుద్ సంగీతం అందించగా రాజ్ కమల్ ఇంటర్నేషనల్ ఫిల్మ్స్ మరియు మహేంద్రన్ లు నిర్మాణం వహించారు.
‘విక్రమ్’ కథేమిటంటే.. ఓ పెద్ద గ్యాంగ్స్టర్, ఆయన్ని పట్టుకునేందుకు రంగంలోకి దిగిన పోలీస్ టీమ్ కు మధ్య జరిగే పోరు ఇది. ఇందులో కమల్హాసన్.. కర్ణన్ అనే పాత్రలో నటించారు. భారీగా మాదకద్రవ్యాలను పట్టుకున్న పోలీస్ అధికారి ప్రభంజన్, ఆయన తండ్రి కర్ణన్ (కమల్హాసన్)ను ఓ ముఠా చంపేస్తుంది. ఈ డ్రగ్స్ దందాను నిలువరించి, హత్యలకు పాల్పడుతున్న ఆ ముఠాను పట్టుకునేందుకు అమర్(ఫహద్ ఫాజిల్) అనే స్పై ఏజెంట్, అండర్ కవర్ ఆఫీసర్ రంగంలోకి దిగుతాడు.
కేసు దర్యాప్తు చేస్తోన్న సమయంలో ఈ డ్రగ్స్ మాఫియా వెనుక సంతానం (విజయ్ సేతుపతి) హస్తం ఉన్నట్లు గుర్తిస్తాడు. అంతేకాకుండా కర్ణన్ బతికే ఉన్నట్లు తెలుసుకుంటాడు. అసలు కర్ణన్ ఎవరు? చనిపోయినట్లు ఎందుకు బయటప్రపంచాన్ని నమ్మించాడు? అమర్ ఈ కేసును ఎలా చేధించాడు? రోలెక్స్ (సూర్య) పాత్ర ఏమిటి?.. ఇలాంటి ఎన్నో ఆసక్తికర అంశాలతో లోకేశ్ ఈ చిత్రాన్ని తెరకెక్కించారు. అనిరుధ్ స్వరాలు సమకూర్చారు.